اٍُلسّلاٍْمّےُعًلٍّيكْمٍےُورّحٍمْـٍُہاللّـہوًبٍرّك ًاٍتُـٍّه
كيفكم ان شاٲء. اَللﱠــــــــــــہْ بخيرر
حبيت نفتح موضوع هام جداً وان شاء اَللﱠــــــــــــہْ بيفيد المتزوجات والمقبلات على الزواج..
تعقيباً لموضوع الاخت:عطر الوجودكيف اجعل زوجي خاتم باصبعي حبيت اضيف لها معلومات بتفيد.
تكلمت عن التقرب لله بالذكر والاستغفار ..الخ((للفائدة ارجعوا لموضوعها))
اضيف لها:
كل منا له حياتها الزوجية الخاصه انا لي حياتي وانتي لك حياتك وكل وحده بتجري حياتها على حسب علاقتها وتعاملها مع زوجها..أصعب شي واخطر شي يؤثر فالعلاقه الزوجيه هو [المقارنه]…
بتسمعين صديقتك او اي وحده تقول زوجي يحبني زوجي يجيب لي هدايا زوجي يسمع كلامي اذا طلبته نفذها الحين بتبداء الافكار براسك ليش زوجي مو مثله !!!وش حرمني مااتعامل مثلها وبتتعبين نفسياً وبتكون ردت فعلك تروحين لزوجك ليش ماتسوي وليش وليش ….الخ وتصير مشكلة .. بس انتي لو جلستي تفكرين بعقل وتبحثين مع نفسك عن اسباب تعامل زوجها معها بهالشكل وانتي لا بتلاقين الحل الي هو [تعاملك واخلاقك مع زوجك]
يا أخواتي فالله يامن تشكي سوؤء معاملة الزوج راجعي نفسك وافعالك حسنوا اخلاقكم وتعاملكم مع ازواجكم ،،، كونوا حنونات معهم،،، مهما سوا لك لاتعاتبيه بقسوة تقربوا الى قلوبهم ..لو شفتي منه غلطه او زله او شفتي شي كرهتيه منه التزمي الصمت والصبر انتهزي وقت مناسب وفاتحيه بالموضوع تجنبي[السب-التهديد-رفع الصوت_الصراخ]كوني هادئه اسمعي منه جدوا حلول مناسبه خليه يحس ان قلبك عليه ويحبه وانك ماترضين له شي يضره…
ابعدوا مشاكلكم من الفراش مهما صار بينكم خلوه خارج غرفة النوم ..مجرد دخولكم للغرفه تنسى المشكله…
كلامي مو تخويف ولا ترهيب انا مثلكم كنت احسب الزواج فله ووناسه بس لا الزواج مسئوليه ومع المسئوليه استقرار وانتي وحدك الي بتخلين حياتك كلها سعاده او تعاسه ..
اخرجوا الافكار السلبيه الي عرفتوها عن الزواج من رووسكم وبعد خففوا الافكار الايجابيه الي هي فله ووناسه …
كلامي يعني لاتخلون افكاركم خلاص بتزوج وبلاقي فله ووناسه وكذا وبعد الزواج تنصدمين ماتلاقين الا القليل ماتلاقين الا المسئوليه ..
ولاتخلين افكارك سلبيه الزواج تعب وشقا وعنا وبعض الاحيان تقولين لايصير زوجي شراني يضربني ومايهتم بي بتصير حياتك نكد بناء علئ هالافكار..
نقاط بتجلب لك سعادة زوجيه باذن الله:
-توكلوا على الله
-خلوا اخلاقكم عاليه وراقيه
-تعامل حسن مع الزوج
-امسكوا انفسكم اصبروا حالة الغضب
-اهل زوجك خليهم من اهتمامك
-الزوج يحب الزوجه الي تحب اهله..
-خلي كلمة (لبيه) على لسانك لو ناداك
-لو شفتي منه غلط استريه(الزوجة ستر للزوج)
-لاتنتظريه يطلبك للفراش
-حسن التبعل للزوج
-خلي رسائل الغزل بينكم باستمرار لاتقولي عايشه معه ماله داعي ارسل له .
-الاستقبال بالمنظر الحسن واخذه بالاحضان
-سماع كلام الزوج [„بلا عناد]
-عدم التدخل في مشاكله مع اخوانه واهله ((من الاخر لاتتحشرين ههه))
وبتشوفون تغير باذن الله والي عندها تعقيب ولا اضافه تطرحها للافادة
اسأل الله لي ولكم التوفيق والهدايه وتسخير الازواج …
اتمنى افدتكم وما ابي الا دعواتكم الموضوع قابل للنقاش واي استفسار او طلب مساعده انا بالخدمه…
تحياتي لكم..دمتم بخير
ربي يوفقك ويسعدك
موضوع مفيد و مميز