السلام عليكم ورحمه الله وبركاته
النهاردة جيت اعرض مشكلتى ويارب تساعدونى
انا
بدا عذابى من لحظه جوازى بزوج
كرهته من كل قلبى
مش عايزة اكلم عليه كتير لانه ما يستهلش(انابعامله كويس علشان ربنا ما يحاسبنيش عليه بسسسس)
مشكلتى اكبر منه بكتير
اهتميت بشغلى جدااا وخليته هو الهدف الاول والاخير فى حياتى الى جانب اهتمامى بنفسى لانى غنيه والحمد لله ولان القدر حرمنى من الخلفه فاصبحت حياتى فراغ بلا هدف ولا معنى مجرد حياة
عشت راضيه وساكته
حياتى عباره عن مووووت بطىء قوى مافيش يوم واحد احكى عليه
لحد ماظهر فى حياتى شخص
راجل بمعنى الكلمه ادب واخلاق وحنيه وكرم ونخوه راجل تتمناه اى ست تقدر تنام وهى مطمنه على نفسها وكرامتها
كان اصغر من فى السن وطبعا انا كنت رئيسته فى العمل حبنى من كل قلبه فى صمتتتتتت رغم انه كان متزوج بنت عمه وعنده اولاد
حبيته فى صمتتتتتتتتتتتت اقسم بالله انى ما كان فيه بينى وبينه غير مجرد الاحساس ونظره كل حين ومين
عارفين الحب الصامت بدون امل- ورغم كدا كنت باستغفر كتيييييييير ليه وليا ومن ناحيته كنت بحس بحبه ليا بمجرد ماابصله
عارفين كاننا كنا بندور على بعض
لكن كلام مافيش سلام مافيش خوفنا من ربنا وخوفنا من الناس منعونا حتى اننا نبص لبعض
احساس مجرد احساس
كنت فى قمه السعاده بهذا الاحساس الذى اعادنى الى الحياه اواعاد الحياه اليا
كنت عارفه انه بيتحجج باى حجه علشان يلمحنى بس بطرف عينه
عمره مابص لى فى عنيا ولا بصيت له فى عنيه(الا مرات قليييييييله جدا) كاننا كنا خايفين حتى من نفسنا ولاننا عارفين انه مافيش فايده ورغم كدا كنت حاسه بيه وحاسس بيا قوى
فجاه …….مات (مش حاحكى عن احساسى وقتها و اللى شفته لانه مايتحكاش)
تخيلوا الراجل الوحيد اللى حبيته حب بدون امل مااااااااااااااات فجاه
كل الناس كانت بتبكى عليه الا انا ابكى عليه ليه ؟؟؟هو مات عند الناس كلها لكن عندى انا عايش عايش (لمارحت اعزى كانت زوجته بتقول انه راجل بمعنى الكلمه وماكنش بيضايقها غير سرحانه الكتير ولما تساله بيقولها شويه مشاكل فى الشغل واانابس اللى كنت عارفه ان سرحانه كان بسببى لان الشغل ماكانش فيه مشاكل)
من يومها اصبحت بعيش مع رجل ميت ولكنه عايش جوايا وراجل عايش ولكنه مات جوايا
بعد وفاته بفتره بدات المصيبه الجديده ……………………..كل واحد كان ملاحظ النظرات اللى بينا بدا يتكلم ويزود فى الكلام كان كان بينا اشياء واشياء
اللى لمح نظره حب من عنيه قال انا شفتهم وهم…….واللى لمح نظره حب ماقدرتش اخبيها قال دول كانوا وكانوا
اصبحت سيرتى على كل لسان
باشوف فى العنين اللى الالسنه مش قادرة تقوله
تعبت قوى من الغمز واللمز
تخيلوا انا مازلت بحبه ومش حاسه انه مات لانه معايا فى كل لحظه ووالله بحلم بيه واكلمه واحيانا لما يتاخر عليا ادعى ربنا انه يجى لى فى الحلم وبييجى وبادعى ربنا ان يجمعنى به فى الجنه
بس مش عارفه اعمل ايه فى كلام الناس(ماحدش واجهنى بكلمه)لكن اللى شايفاه فى العيون كفيل بموتى -تصدقوا بقالهم سنه واكتر بيكلموا عنى وعنه
طبعا صورتى اصبحت مهزوزة
اصبحت فى نظرهم الست المتزوجه اللى بتحب غير زوجها
ماهم ماشافوش اللى شفته
انا مش حاقول انى صح
ابدا لكن والله والله انا ماعملت حاجه غلط لا اناولا وهو اخلاقنا كانت لا تسمح بذلك
كان احساس ….مجرد احساس
وطبعافى الاول عملت نفسى مش واخده بالى من تلميحاتهم
ودلوقتى غيرت تعاملى مع الكثير منهم وهم فهموا انى عارفه كلامهم عنى
اتصرف ازاى …ماينفعش اطلب النقل لان دامعناه انى اتنقل لمنطقه بعيدة وحيكون طلبى مثير للتساؤلات
اواجههم باللى بيقولوه عنى وعنه؟؟؟
اسكت لحد الموجه ماتعدى
اعمل ايه
اعمل ايه
طيب لو مالقتوش ليا ادعولى بالستر يمكن ربنا يتقبل
اللهم اليك اشكو وبك استغيث ولا حول ولا قوة الا بالله
بالله عليكم تدعولى بالستر واحنا على ابواب رمضان
اختي الغالية
الله يعنيك يا اختي كل انسان مر بمشاكل كثيرة
حتى الانبياء عليهم السلام تعرضو لمشاكل هائلة
والرسول طاردوه الكفار وكل الأنبياء مر بظروف صعبة وتغيرت حياتهم للأفضل
إنظري للجانب المشرق وقريبا ستتغيير حياتك للافضل والله يصبرك على وفاة زوجك
ربي يستر عليكي دنيا واخره ويرزقك الجنه
وارفعي راااااسك فوق لانك ماعملتيش حاجه غلط
وربي يبارك بعمرك
و لا لو مازال عايش ممكن توصلوا للغلط
احمدي الله لأقداره
ولكن لابد ان اقول لك كلمة حق
ما فعلتيه من مجرد النظرات هذه التي تحكين عنها وتظنين انها امر هين
ومن الذكرى التي تعيشين فيها الأن في النوم واليقظة
هذا يعتبر خيانة لزوجك …. ولا تتعجبي
حبيبتي ان كنت تكرهين زوجك الى هذه الدرجة فقد جعل الله لك مخرجا بالطلاق وهو حلال
اما ان كنت لا تريدين الطلاق لأي سبب كالحفاظ على الوجاهة الإجتماعية مثلا فلابد ان تخلصي لهذا الزوج ظاهرا وباطنا والا حبيبتي فأنت تهلكين نفسك في الاولى والآخرة