السلام عليكم بحكيلكم قصتي من باب الفضفضه وابغى منكم بال وسيع لاني باسرد التفاصيل وقصتي طويله شوي
قصتي مع زوجي عشت معاه عالحلوه والمره كانت ماديته ضعيفه وانا من باب التقدير والتعاون وافقت على سكنا مع اهله في غرفه وحده موجناح حملت من اول شهرين وكنت ادرس ولاقدر ضروف حملي اكرف ببيت اهله ليل مع نهار وتالي الليل اطيح تعبانه ومنهده ويجي زوجي يكمل الناقص يبغى حقه وانا حامل ودوام الصباح وتعبانه من الكرف وكنت اجاريه بطلباته الغريبه اللي يسمع عنها من الشباب ويجي يطبقها علي واذا تكلمت او تعذرت بتعبي قلب الدنيا على راسي وطلعني انسانه مقصره وتافهه وبزر على كلامه
صبرت سنين كل هذا ماشفع لي عنده بعد خمس سنوات من زواجنا قرر يتزوج وخطب من قرايبهم بنت اصغر مني والمصيبه وافقوا وهم عارفين انه متزوج والبنت وامها يعرفوني شخصيا وتقابلنا كم مره بالاعياد
لما صارحني بخطبته من ثانيه عشت لحظظات مايعلم فيها الارب العالمين جاني خفقان بالقلب من الصدمه والهم ما تخيلت يخون العشره ويجحد وقفتي وياه طول هالسنين ويبيعني بالساهل
طحت مغمى علي وصحاني وقام يسمي علي ولما هديت شوي حلفني اني اوافق وقالي بصراحه اني ماقصرت معاه ابد ولايمكن ينكر هالشي واني بظل الغاليه ومن هالحكي البايخ
وجلس معاي ساعتين يزن فوق راسي
حسيت هالحظه اني انخدعت باغلى انسان وعافته نفسي لانه هو بيتزوج بموافقتي او بدونها وقلت له موااااااااااافقه بس
بثلاث شروط عالاقل استرجع جزء من كرامتي
اتوظف لانه كان رافض الوظيفه
واسكن ببيت مستقل لاني عايشه مع حمولتي كل هالسنين
والشرط الاهم ان ينسى اني زوجته ماله اي حق يطلبني لفراشه بعد ماتزوج علي
طبعا وافق على شروطي وكان طاير من الفرح اني وافقت بسهوله
تزوج وعشت ايام مهمووومه وتعيسه كيف اواجه الناس ايش اقوول لهم اهلي صديقاتي قرايبي اكيد بيقولون مقصره معاه عشان كذا تزوج
رجع من شهر العسل وجاء لبيت اهله والمفروض بهاليوم ياخذنا انا واطفالي عالشقه الجديده وفعلا خذانا عالشقه وطول الوقت يحاول يمزح ويلطف الجو بس للاسف الجرح عميييق
وبالليل راح لعروسه الجديده وانا انشغلت ارتب عفشي واشتغل ببيتي الجديد
وبعد يومين جاء يسلم على اطفاله وقال انه بينام عندي الليله وانه بيعدل بيننا بالمبيت طبعا ذكرته بشرطي قال ادري
نمت مع الاولاد وتركت له غرفة النوم وعلى هالحال لمدة ست أ شهر او اكثر
خلال هالمده كنت ادور لي وظيفه والحمدلله تسهلت اموري وكان ضايق اني توظفت بس مابيده حيله
وتعودت على نمط حياتي الجديد وبسراحه كنت مبسوطه حصلت على استقلاليه وراحه نفسيه حتى اني نسيت سالفة زواجه علي وتحسنت نفسيتي كثير وحمدت ربي لعل زواجه علي كان خيره
بعد الست شهور كنا طالعين مطعم وقالي ان زوجته ماحملت وانه يبي عيال قلت وش المطلوب قال شرطك تنازلي عنه لانه مايرضي الله ولا رسوله قلت معصي
لو تحب الارض ماتلمسني.. مدري كيف تجرأت لاني بالعاده خجوله واخاف من شخصية زوجي عصبي
زوجي انصدم من ردة فعلي وكالمتوقع عصصصب مررره وقام يضرب الطاوله ويقول تخسين تمنعيني وانا ابو فلان وطلعني من المطعم
صار يهاوش ويصارخ بالسياره وانا ساكته وخايفه منه ورجعني للبيت ورااح
بالليل رجع ودخل علي بالصاله انا والعيال نتعشى وقال بدون شوشره وبكل هداوه خلصي عشا ونومي العيال تعالي الغرفه قلت موبهالسهوله يابو فلان تبعني وتشتريني انا مو رخيصه لهالدرجه عصصب ووجهه حمر وطلع من البيت وماجاء لمدة اسبوع
وكان يتطمن علينا عن طريق امه واخواته كنت ازورهم لاني ساكنه قريب منهم بنفس الشارع
بعدة باسبوع اتصل علي عمي ابو زوجي سلم وبعدين قال مايصير اللي تسوينه بزوجك ومن هالكلام صار زوجي فاضح اسرارنا عند ابوه عصبني بسراحه
جانا زوجي وجايب معاه هديه ذهب لي يبغاني ارضى عاد انا ماصدقت خبر خذت الذهب وقلت مع السلامه هههههه ونمت مع عيالي
المهم بعد فتره من الشد والجذب اجبرني اني انام معاه بالقوه رغم انه جرحني جرح لايمكن انساه ولا اسامحه بس صرت اقوم بحقوقه عشان ربي والا انا عافته نفسي ولاحظت لهفته علي اكثر من قبل زواجه بالثانيه زي ماقالوا كل ممنوع مرغوب
حملت بطفلي الثالث وجبته وانا مكسووورة الخاطر وزوجي يحاول يغطي على خطاه
بعد سنه جلس زوجي يبكي ويقول انه ندمان انه تزوج علي وانه يتمنى ترجع ايامنا زي اول ويلومني اني ماكنت البس له واتدلع وهالشي كان بسبب اني ساكنه ببيت حموله مع اخوانه واخواته مالي حريه باللبس حتى استحي اذا ناداني بالدلع
وقالي انه طلق زوجته الله يستر عليها يارب ويوفقها مع اللي احسن منه ماكان ودي انه يتزوج ويطلق ويلعب ببنات الناس بس الشكوى لله
والان وضعي زي ماهو صرت البس واخذ راحتى ببيتي مولزوجي لنفسي اما زوجي صار اخر اولوياتي بينما صرت انا المهمه له ويدور رضاي
قلت لكم قصتي عشان اي وحده تزوج عليها زوجها لاتكتئب وتحزن بالعكس لعل في الامر خيره وهذي كل قصتي دعواتكم ربي يصلح عيالي
وظنيت في النهايه ان في مشكله
بس تطمنت يوم قلتي ان رجع لج
وبالذات ان عندكم أطفال
سبحان الله الأطفال هم السبب خلاه هالشي يتذكر أيامه الي قبل وهو معاج يوم رجعتوا لبعض
الله يوفقج حبيبتي
وحبيت قوتك واستقلالك بحياتك وشخصيتك وعدم اعتمادك عليه
ماشاء الله
الله يهنيكم ويهدي لك عيالك
سبحان الله وبحمده سبحان الله العظيم
استغفر الله ربي واتوب اليه
قصتك روووووعه ومفيده والله
الله يسعدكم ويريح بالكم
والله يهدي أطفالك ويصلحهم يارب
والله يهدي أطفالك ويصلحهم يارب
هههـ عجبتيني من جد ماشاءالله عليك خليتيه يرجع لك ومااحتجتي له
استقلاليتك واعتمادكعلى نفسك جدا جميل انااعرف اي وحده زوجها يتزوج عليها
تهبل بنفسها وتكتئب انتي بالعكس
موفقه ي قلبي
والله يهدي أطفالك ويصلحهم يارب