السلام عليكم ورحمة الله وبركاته وبعد
بنات أبغى أحكيلكم عن خالتي معنا أحنا الحمد لله أنا و أخواتي محسودين من خالتي يعني يغاروا مننا هيا وبناتها أش ذنبنا عشان والحمد لله أحنا نعرف نلبس ويمدحونا الناس والحمد لله حلوين المهم دايمن خالتي لما تتكلم مع ماما بالتلفون الا ما ترميلها كم كلمه تكون قصدتنا فيها وعارفين أنتو كلام الحريم لما يلقحو بالكلام مو بس خالتي أستغفر الله كل حريم عائلتنا كدا المشكله يابنات أمي أنسانه جدا طيبة ومسكينه وربي ما رزقها بلسان فصيح ويرمي كلام ويرد زيهم ودايمن ما يرمو كلام ويلقحو بكلام علينا وماما ما يجيها الرد الحلو الا بعد ما تخلص المكالمه أو يروحو الناس من عندنا يعني ماما متعرف تسوي زي حركاتهم ودايمن أنا و أختي بننتقد ماما على دا الشيء لانو كل متروح ماما مكان أو تقابل أحد ما تعرف لو رملها كلمه مو حلوة أو لقحلها بالكلام ترد عليه ويامه أنا و أختى نقول لماما كوني يا ماما دفاعيه و تعلمي حركات الحريم مثلهم يعني الي يرميكي بكلمه ارميه بكلمتن على الساكت بنات أنتو فاهمين قصدي أكيد المهم اليوم الموضوع زاد عن حدو أتصلت خالتي تكلم ماما وتقولها أنو خطبت لولدها من عائلة جدا طيبه وبتمدح عروسة ولدها بأنها بنت مستوره وتكررها كم مره وتقول البنت مستوره وناس طيبن وعزمتنا على خطوبه ولدها وترجع تمدح بالبنت وتقول أنا دخلت بيوت كثيرة وشفت بنات كثير بس ما عجبوني أنا ورحت وشفت دوله العائلة وعجبني وناس طيبين والبنت مستوره ترجع تكررها وطبعنا أمي ما حست أنو تلقيح بالكلام اله لما خلصت المكلامه وأنا صراحه مره زعلنا من ماما لانها كان كلامها علينا أستغفر الله العظيم يا بنات أشر ريكم بدا الكلام ولو كنتو في مكان ماما وفهمين قصد خالتي بالله عليكم أش راح تقولو ؟ لانو هيا راح ترجع تمدح خطيبت ولدها وتعيد الكلمه وأنا والله العظيم كلمتها جالسه في قلبي والله يابنات أني مقهوره منها بالله قولولي أش راح تقولو بأسلوب حريمي متمرس وخبره باتلقيح الكلام عشان نجهز الرد لانو انا ما أعرف أرد
بس انتم ما تعطوها وجه وروحوا حفله الخطوبه او العرس يعني اذ دعوكم للعرس روحوا ولاتبينوا انكم متضايقين من كلامها لانها بتنبسط لما تعرف انكم زعلانين من كلامها وبتقول وصلت الرساله
وخليكي مروقه لاخر شي مبسوطه حيييل
(طنش تعش تنتعش) قاعدتي بالحياه