كيف استمر بالواقع المرير مجابة 2024.

كيف استمر بالواقع المرير..

اسعد الله اوقاتكم بالخير والمسرات..

انا فتاة متزوجه منذ سنتين ..عمري 27..زوجي عمره 37..
تزوجت بعدم اقنتاع ولكن النصيب اراد..عايشه حياة ممله جدا..زوجه بالورق بس زوجي مايبي مني ولاشي ولايبي يقدم اي شي..أول سنه كانت بينا مشاكل كثيره..بسبب رفضي للواقع لكن بعدها رضيت واستسلمت وعشت دافنه نفسي بالحياة..زوجي موفارق معه شي..المهم شغله وبس ..فكرت انفصل بس تراجعت حسبتها بالعقل وقلت أأجل الموضوع شوي للاسباب التاليه.. انا موظفه وأدرس.راتبي الف ريال كله اعطيه اهلي وقسط الدراسه زوجي يدفعه عني والمصروف الشهري بعد..من الناحيه الماديه هو الى حدا ما مومقصر الاشياء الاساسيه يوفرها بقدر استطاعته ..بس مثل هدايه سفر مطاعم اهتمام لاماعنده استعداد بس لو عجبني شي اقوله واحن عليه ويجيب لي..حاط لي سواق وشايل يده مني..حالته الماديه موممتازه يعني يمشي الحال..طبعا من دون نفس بس يسكتني ..باختصار زوجي بنك مواكثر يصرف وبس..ولايحب اني اطالبه بشي غير كذه مثلا اهتمام مشاعر لا..حتى العلاقه الخاصه ..هو عنده مشكله ولايجيني كثير..ولايبي يتعالج او يصلح الوضع..انا صار الامر عادي عندي ملتهيه بدراستي ووظيفتي..تجيني لحظات اتمنى اكون زوجه طبيعيه لكن ماباليد حيله..صابره وادعي ربي..لو تطلقت الحين بتورط الدراسه يبيلها ميزانيه والالف بتروح لايش لاقساط الدراسه ولالمصروفي ولاللايجار عشان اهلي..فكرت وقلت اعدي هل كم سنه واتخرج واذا تحسنت ظروفي وتوظفت انفصل..حتى اطفال موقادره اجيب..بس اقول فتره وبتعدي..باقي لي سنتين واخلص.. هل تفكيري منطقي ولامادي ؟؟..والله احيان ودي اترك كل شي واروح بس اتراجع برجع لاهلي مطلقه واصير عاله عليهم انتظر شوي الين اقدر اشيل نفسي وبعدها الله يهونها من عنده..!!انتوا ايش رايكم..

لله يصبرك يارب

هذا اول شي جا ببالك؟؟
تطلقي؟؟؟
طب ليش ماجربتي تحبيه او تفهميه؟
انتي بنفسك قلتي من بدايه زواجكم وانتي مش متقبله زواجك وزوجك
اكيد هو حس بها الشي ماهو بشر بالاخر
وعشان كذا سابك وماعاد اهتم فيك
نصيحتي لك
بدل ماتشغلي نفسك بالتفكير كيف تسيبي زوجك
حاولي تقربي منه وهو اكيد مش حجر
اذا شاف منك معامله طيبه وحب واهتمام
اكيد ح يغير معاملته
معك
لاتخلي الشيطان يخرب بيتك
تعوذي منه وفكري كيف تكسبي زوجك
وطبعا هذا ح يبداء من راسك
لازم تتخلي عن فكره انك ماتتقبليه
وكمان فكرة الطلاق
والله يوفقك
اخيرا انا مش قصدي ازعلاك بكلامي
وماقصدت غير فائدتك

ام مريومه كلامها عين العقل
طبقيه وابدأي غيري في قناعتك وتفكيرك وهو مع تغيرك راح يتغير
والموضوع يبغاله صبر ووقت
واذا ما شفتي نتيجة اصبري هالسنتين وكملي دراستك وتوظفي اذا لقيتي وظيفة!!!!! والطلاق ما انصحك فيه
يعني قضي هالسنتين في محاولة تغيير زوجك والدراسة واللي يضبط معك
استمري فيه اهم شي لاتيأسين في محاولة تتغييرنفسك وزوجك خلي بالك طويل
موفقه

زواجك منه قسسسمه ونصيب الله كاتبه لك عليك الرضا بالقضاء والقدر — لو تركتيه فيه الف وحده غيرك تبغاه — وتصيرين مطلقه — مر الزوج ولا مر الطلاق — تتخلصين من مشكله بسيطه وتقعين بمشكله اكبر وهو الطلاق — يعني لو تطلقتي من بياخذك مثلا اما شايب فوق الخمسين — او شاب متزوج – بالعربي امسكي مقرودك لايجيك اقرد منه — زوجك موفرلك سبل العيش الكريم – خلاص احمدي الله وحاولي تفهمينه وتسعديه — منهي المتزوجه مرتاحه – اقسسم بالله جتني عقده من مشاكل المتزوجات — احنا بنات همنا بس نتزوج – ولما نشوف مشاكلكم نهون هههههه لاحول ولا قوة الا بالله — اول شيء تسوينه روحي اكشفي عند دكتوره وباءذن الله تحملين ولاتهملين عمرك — اول فرحه لك بالطفل بتنسيك همومك — والشيطان شاطر مايرتاح الا لما يفرق بين المرء وزوجه تعوذي منه — اقسسسم بالله الرجال ماعاد فيه رجال خلاص — ورومنسيه معدومه من عندهم وقصتك تشبه قصة اختي وهي صاابره كل شي الا الطلاق – عالجي عند دكتوره وروحي ممرخه شعبيه – ودبسيه بالعيال — وطالعي الله ثم طالعيه — مساكين اهلك لاتحزنينهم — كوني عون لهم — ولاتوقعين انتي الزوجه الوحيده بهالدنيا مهمومه اقراءي مشاكل منتدى سيدتي وتعضي — فكري بعقل — هل زوجك يهينك — هل زوجك راعي مخدرات — هل زوجك يضربك — هل زوجك مايحافظ على شرفك – اساءلي نففففسك — واءذا كان مافيه من الي انا ذكرته لك فاءنتي قد ظلمتيه — يمكنه يحبك لاكنه لايعرف ان يعبر بلسانه — هو يصرف عليك وعلى دراستك ماذا تسمينه — لاتخلين الشيطان يضحك عليك ويدخل بينكم ويفرق انتهبي — الحل انك تشكرين الله على كل نعمه صغيره وكبيره – حتى ربي يزيدك — وانتي لسى جديده — اصبري وخلي تمر سنين وتصير بينكم عشرة عمر ومصير الاءيام تغيره للاءفضل – تحياتي لك اختي واتمنى لك كل خير واسسفه لو ازعجتك بكلامي واتمنى لك خيرر

السلام عليكم ورحمة الله وبركاته
ياعزيزتي اذا انت ناويه على الطلاق فالاحسن تتطلقين من الان
ليش تتعاملين مع هذا المسكين تعامل مو لطيف؟؟
يعني على قدر مصلحتك وبعدها كلمن يروح لطريقه؟؟
لا حبيبتي لا
هذا تصرف غير انساني وبعيد جدا عن الاخلاق الحميده
يعني انت جالسه تتعاملين مع زوجك على انه ممول وفقط
اتمنى تحاولين تقربين من زوجك وتكونين لطيفه معاه
لانه واضح جدا انك لم تحاولي التقرب منه اطلاقا واكتفيت بالاستفاده من خدماته وفقط

الله يهديك بس

تحياتيييييييييييي

ما شاء الله البنات ما قصرو اعملي بكلامهم وان شاء الله يصير خير
الله يهديكي ويصلحك

لا يا اختي افاااااااا عليك بس
يعني بس عشان كذا اول شيء يطرء على بالك الطلاق طيب يا اختي
اجلسي مع زوجك وتفاهمي معه بعدين اهم شيء الاساسيات لاتفكرين بأشياء ثانويه
مثل هدايا وغيره ترى مو كل الرجال يحبون يهدون..كافي انه مايقصر معك وانتي قلتي ان حاله
على قده ومع ذالك مو مقصر معك..يا اختي احمدي الله انه طيب وخلوق معك وهذا اهم شيء بالرجل
تراك في طرحك واضح انك غلطانه في التفكير..
انتي نسيتي كل شيء ومافكرتي الا لفائدتك وانه مجرد ممول مادي لك !!! وهذا التفكير غلط
الحياة الزوجيه اكبر من كذا بكثير..اجلسي معه جلسة مصارحه وتكلمي بكل ادب ولباقه
وفهميه انتي وش ناقصك وقولي له يتعالج عن المشكله اللي فيه ومنها ان شاء الله ربي بيرزقك
بالمولود اللي بيقربكم من بعض اكثر وبيملي عليكم حياتكم..
لاتفكرين بالطلاق اطلاقا لانه لو كان في تقصير بسيط بدر منه انتي تفكيرك كله غلط
استهدي بالله وتكلمي معه وان شاء الله ماراح يقصر معك
ربي يسعدك ويبعد عنك التفكير اللي ماله داعي