السلام عليكم
وشلون أكتب مشكلتي وانا دموعي تسبق حروفي والألم والحزن يمزق قلبي تمزيق
باختصار انا بنت عزابية متجاوزة الثلاثين من عمري ادري اني كبيرة لكن ماعاد فيني أتحمل أكثر \
أعيش في بيت نكد والحمدلله مشاكل على الدوام وهواش باليوم ثلاث او اربع مرات وياليت الحد على كذا كان أهون
المشكلة محرومة من الطلعة برا البيت لازيارة اقارب ولاجيران ولاصديقات ولاسوق حتى لو بغيت مشوار مايجي الا بعد ماتحرق دموعي اجفاني واحيانا بعد ماأصارخ زي المجنونة من القهر ولو كتب واني خرجت ماتتعدى زيارتي ساعتين وبالمنة بعد
الوالد شديد فوق ماتصورون حاولت أجي معه باللين وبعدة طرق يمكن من خمس سنوات وانا أحاول أكلمه وهو مروق ومرتاح واتكلم معه بهدوء وبالحسنى لكن بدون فايدة
أنا ماأظلمه انه يخاف الله لكن شديد وحازم وشخصيتة قوية لأبعد الحدود
تعبت يابنات والله تعبت المشاكل كسرت ظهري وقامت تطلع لي أعراض الجلطة من الهم والكبت اللي انا عايشة فيه مادري وين أروح والناس ماترحم صاروا يقولون ان فيني نفسية وانا ماألومهم وجهي يقرأ مافي قلبي
حتى لما أتبسم تظل حواجبي معقودة غصب يابنات صدقوني مو بإيدي
وكل مرة تزيد حالتي سوء صرت أشرد ومفهيه وأحلم أحلام يقظة كثيرة أبي أطلع من عالمي الأليم قبل تجيني سكتة دماغية
الصلاة أشرد فيها أصلي أحيانا وماأدري كم صليت أو وش قلت
والله يابنات اني عجزت وانقعد حتى لساني عن الدعاء والذكر والاستغفار أحيانا أصير مثل البلهاء واتكلم وانا مدري
آآآه يارب إليك المشتكى
ضاقت فيني الوسيعة ماعندي أحد أشكي له الوالدة متوفية والكل لاهي بمشاغل الدنيا
وجهوني وش أسوي كيف أطلع من السجن اللي انا فيه ويش اسوي وين اروح
افرشيها وصلي وخليك مع ربك
والله يكون بعونك وبدعيلك ان شاء الله
اسأل الله ان يوسع صدرك ويهون عليكي كل المشاكل
مالك غير ربك خلي يومك كله بلطآعه وادعيه واستغيثيه ( يآ غيآث المستغيثن اغثني ) ادعي 3 مرات او اكثر بهذا الدعآء وصلي صلاة اليل صدقيني لو تتقربين من ربك راح يغنيك عن كل البشر والكون والدنيآ
الله يفرج هممك ويسعدك وين مآكنتي ورحتي
مووفقه خيتووو
واللحي بالدعااااااء فانه اكررررررم واااارحم ما في الوجود
و ما شاء الله عندك نت تقدرين تستفيدين من وقتك و تسولفين مع صديقاتك الحين هالايام صار ماله داعي الواحده تتعب و تطلع و تنحرق بالشمس تقدر تسولف من داخل بيتها .. و تقدرين تسوين لك صديقات من المنتدى من هنا يعينونك على الخير و على طاعة الله و الاستعانه به سبحانه و تستفيدين من وقتك ..
يا روحي بسم الله عليك و الله الدنيا مو مستاهله لا تضايقين نفسك كذا