حبيت اشاركم بهالموضوع لكثرة الاسئله عن الزنجبيل وللامانة مو تجربتي يعني منقووول للفايدة
اخليكم مع تجربة صاحبة الموضوع
:
السلام عليكم ورحمة الله وبركاته
بنات هذه الموضوع وصلني بـــ الايميل يعني انا ما اعرف شيء مثلي مثلكم ….لأني نزلته بغير مكان وتعبت من الاسئلة…
تفضلوا حياكم
’‘’‘’‘’‘’‘’‘’‘’‘’‘’‘’‘’‘’‘’‘’‘’
بنات لايفوتكم امس دقت علي اخت زوجي يعني حماتي بلهجتنا المهم
قالت اسالك بالله وفي عيالك تقولين الصدق وانا مدري شالسالفه
المهم تقول شفت اختك ( منو) تقصد اختي قلت وش فيها
قالت مليكان جسمها منحوت نحت وقبل شهر كانت منفوخه وش السر قلت والله ماادري بس اوعدك اكلمها واردلك!
للعلم اختي بعد الزواج صارت كوره قدم مانفعها رجيم ولاحبوب للعلم ماهي دبا مره بس مربربه بس شين عليها تدور جسمها
طولت عليكم اختي راحت مع اهلي للرياض تتقضى وجلسو 3 اسابيع وحورفت بعمرها خلال هالفتره ورجعت وحضرت زواج خبلت العالم بجسمها
تخيلو وش سوت والله استخدمت كريم الزنجبيل من عطار فالرياض ب70 ريال بس وتدهن كل يوم ونحفت وانشد جسمها زي اللوح ومامتنعت من شي بس ماتتعشى تاكل زبادي وتفطر على اناناس معلب تعرفونه يجي بعلبه تاكله كامله وطول النهار تاكل ماتبي
انا مابعد شفتها بس كل اللي شافوها انجنو وهي قالتلي السر
ادعولي اروح لهلي واشوفها والله اشتقتلهم
للمعلوميه اي كريم زنجبيل ينفع هي قالتلي وبان زنودها وبطنها وافخاذها نحفت وانشدت اتمنى اكون فدتكم مع اني بذيتكم بالهذره بس وحده فاضيه
:
منقول من ايميلي
ملاحظة بنات انا صج جربت الزنجبيل للجسم رووووعة قليلة فيه
طريقة عمل كريم الزنجبيل للتنحيف
وكذلك يعمل على تفتيح المناطق ويعطي نعومه ,,
المكونات :
ثلاث ملاعق زنجبيل طازج مبشور
ملعقه ماء ورد
ملعقه لوز مر
اي كريم مرطب انا استخدمت جليوسليد الاحمر واحيان دوف
الطريقه :
اضيفي مقدار كوب ماء تقريبا 300 مل الى الزنجبيل واغليه لين يصير عندك ربع الكوب وبكذا نكون
حصلنا على خلاصه الزنجبيل نتركه يبرد الان صفي الماء واخلطيه مع باقي المكونات لين يصير عندك مزيج زي المهلبيه الثقيله واحفظيه بعلبه الكريم برى الثلاجه ماراح يخرب على ضمانتي
الاستعمال : (يوميا )
المتزوجه زي حالتي لما يروح المعزب للدوام ادهني بطنك والمؤخره وفخوذك بالكريم مع عمل مساج دائري لكل منطقه وارجعي كملي شغلك وقبل مايجي بنص ساعه اتروشي وادهني
جسمك بزيت جونسن الوردي وكبي على جسمك بودره معطره ولاكأن شئ صار ,,
راح اقولكم سر صغنوط ان اليوم حسيت بالبرد وتعيجزت اتروش قمت واخذت مناديل بيجون المطربه حقت ولدي الصغير ومسحت جسمي من الكريم والله كاني متروشه مافيه اثار للكريم وكملت الباقي من بودره وتعطير ومشت عليه ,,
بالنسبه للبنات مايبيله طبعا اتدهنوا فيه ليلا والصبح شور والا سوو زي مناديل مرطبه تمشي الحال بس اهم شئ الترطيب .
النتيجه تبدا بعد عشره ايام ولنتيجه اسرع اعملوا تمارين شفط البطن اللي هي اول ماتصحي من النوم اشفطي بطنك للداخل وعدي الى العشره ثم اخرجي الهواء بالتدريج كرري سبع مرات
اعجبتني طريقتها الله يجزاها كل خير وناويه اجربها
جربوها شكلها فعاله وطبيعيه ومعروف الزنجبيل للتنحيف وخل التفاح للشد واللوز للتفتيح وموية الورد شيء للبشره المكونات ميه ميه ولا وش رايكم
منقـــــــــــــــــــــــــــ ـــــول لعيونكم
.
الله يعطيكى الف عافيه