السلام عليكم
بنات انا مستغربه من وضعي وحياتي…. احس اني صرت احب الحزن من كثر ماعشته وتعودت عليه… واذا صار لي شي حلو ويفرحني اتضايق بس ابين للناس اني فرحانه مثل اذا احد سوى لي مفاجأه كيكة تخرج او اي شي حلوو….الناس اللي يحبوني اتضايق منهم مدري ليه واللي يسألون عني كثير اعتبرهم نشبات يعني مفروض افرح بمثل هالناس وماازعل حتى وانا نفسيه كذا من وانا صغيره ولين الحين حتى اذكر صديقاتي ثنتين كانو يشيلون شنطتي وانا اتضايق اقول لاتخدموني قالو انتي شايفه نفسك…… متضايقه كثير لاني بهالفتره تركت صديقتي اللي كانت تحبني وتسأل عني اكثر من اهلي والحين فاقدتها مره بس يمكن خيره….. حتى جدتي كانت تحبني ومااهتميت فيها ويوم ماتت تمنيت انها ترجع ولا اتركها ولا لحظه…..ناس كثير حبوني وتركتهم والحين عايشه مع ناس اكرههم مع اهلي اللي عقدوني….. كل ماصار لي شي يضايقني اقول ابوي هو السبب واحط اللوم عليه و نفسي اروح عنده واقول كل اللي شايلته بصدري عليه بس مااقدر واحس اني مخنوقه وقبل لا انام اجلس ابكي….مرات انقهر واجلس اتحسب عليه واحيان ودي ادعي عليه بس مااقدر…. ربي يرحمنا اكثر من بعض الناس اللي قلوبهم اقسى من الحجر…. ابوي كسرني من جوا خلاني اتعود عالمذله والاهانه…… ابوي يحب يعذبنا ويستمتع بهالشي من يوم انا صغيره لين تخرجت من الثانوي وهو يضربني بجميع الانواع بجزمه بعقال بلي اللي يسقي الزرع بس احس تهون عندي الا انه يضربني على وجهي ومو كف واحد 5 كفوف او اكثر وانا بالمتوسط عشان قمت الساعه12بالليل وفتحت التلفزيون ضربني ضرب كأني كنت اكلم ولد….. كل ضربه لي نسيته الا ضربه على وجهي مو قادره لدرجة صرت اتحلم اني اضربه وانتقم منه…….. غصبني بتخصص اكرهه بالجامعه يقول عادي رح تعيشين مثل ماغصبتني امي اترك العسكريه وانا احبها ودخلت بتخصص ماحبه وكنت كل يوم اتغصب الروحه للجامعه ويعلمني بعد كيف عانا……. يعني انتو لو تكرهون شي ترضون احد تخلونه يعاني مثل ماعانيتو…. بس حولت لتخصص قريب ورضيت…وكل اخواني اذا بيسجلو بالجامعه يعقدهم..اختي حبسها بالبيت عشانها مادخلت التخصص اللي يبيه…. لسه ابوي متعقد من حياته ويفرغ فينا…… لو تسألون وين امي مالها اي دور لو كانت ساكته بعد اهون بس تقول احترمو ابوكم عيب ابوكم عيب عيب واذا ضربنا ماتسوي شي…. والحين محترمني ابوي ومايضربني يقول عشان اذا توظفتي بتعطيني راتبك…. لكن ان شا الله اتزوج وابتعد عنه.. ماقدر استحمله مخنوقه وانا جالسه معه بنفس البيت و كل اللي بالبيت مو طايقيني ..وحتى اختي حسبي الله عليها صافه مع ابوي و صارت تحبه من بعد ماهبل فيني بالدراسه يعني تتريق علي وتقول اهم شي ابوي يكون مبسوط …هي الوحيده بالبيت اللي مانضربت لانها جميله وابوي يحبها وانا مو مثل جمالها ويعاملوني كأنهم جايبيني من الشارع طولت عليكم لو اجلس اتكلم عن كل مشاكلي بهالحياه مارح اخلص.