كامل الأوصاف -همس القوافي 2024.

ياقمر قلبي مع اللي يشبهك وصفه قمر
………………………………………….. ….. اللي نورك ساطع ٍ من وجنتينه والجبيـن

بوعيونٍ في هدبهن طارش الموت الحمر
………………………………………….. … يرتجف معلوق قلبي لا خزرني بطرف عين

والشفايا صاغها الرحمن في لون الجمر
………………………………………….. ….. وإن تـبـسّـم بيّن اللـــي كنـّه الـدر الثميــن

والشعر الله واكبر كيف ابوصف هالشعر
………………………………………….. …. هـو كما الشـلال لـونه يشبه الليـل الحـزيـن

فوق قد ٍ يسلب الألباب عوده والخصر
………………………………………….. ……. عازله كنـّه إمقـّـسـّم نــور عيني قسمتيـن

إيتهادى لا مشى يمشي الهوينا وإبـ حذر
………………………………………….. …. يا عسى ربي يجيره مـن عيـون الحـاسـدين

يعجز التعبير مني وفي وصوفه بختصر
………………………………………….. …….. بختصر باقي وصوف اللي ملكني بكلمتين

كامل الأوصاف والله ما خلق مثله بشر
………………………………………….. ……… جـل من صــوّر جـماله كامـل ٍ دل ٍ و زيـن

الدقيقه في غيابه تحسب إحساب الشهر
………………………………………….. ………. وإن حضر كل الوسيعه ما تعادل خطوتين

يا قمر حنا جمعتنا بالهوى صدوف القدر
………………………………………….. ……….. هو هوى قلبي وعيني هو منايه والضنين

أرسم أحلام السعاده يا قمر باحلى صوّر
………………………………………….. ………… وآتمنى ليتهـا فـي يـوم لـو تـصـبــح يقيـن