السلام عليكم ورحمه الله وبركاته
هذي قصتي حملي وولادتي تؤأمي الصغار الله يحفظهم ليه
طبعا في البدايه كنت مسافره عند أهلي وانا بالطياره حسيت بدوار فضيع تحملت لين نزلت من الطياره واول ماطلعت مع اخوي في السياره
على طووول رحت الصيدليه واخذت جهاز كشف الحمل وصلت ع البيت وعملت التحليل وطلع خطيين وانا باقي ع موعد الدوره اسبوووع
جلست اسبوعين ورحت ع المستشفى عملت التحاليل وعملت لي الدكتوره سونار مهبلي وقالت لي موجود كيسين بس لازم نتأكد اكثر
بعد اسبوعين ورحت ع البيت وكنت خايفه كثير وبعدها بأسبوعين رحت وعملت لي سونار عادي وقالت لي مبروووك أنتي حامل بتؤأم هنا أنا
أنصدمت وقلتلها أنا كنت أستخدم حبوب حقت الرضاعه لان عندي ولد عمره سنه و3 شهور وماجاء في بالي اني راح احمل وانا استخدم الحبوب
قالت حبوب الرضاعه المفروووض كل 6 شهور تغيري نوعع دقيت على زوووجي وقلت له أنا حامل بتؤام قال تمزحي وقام يضحك وقلي
مبروووك طبعا هو ماصدقني يفتكر أني امزح معاه وبعدها خليت بابا يدق عليه ويقوله مبروووك بيجونك توام جلست بعدها اسبوع ورجعت عند
زوجي وهوووو مره مبسوط وأنا كل مالي احس بتعب وثقل الين جاء الشهر السابع وسافرت عند أهلي عشان أذا جاء وقت الولاده أكون مستعده
وجالسه عند ماما واول مادخلت الشهر الثامن جاني الم فضيع ورحت المستشفى وقالت الرحم مفتوح 2 بس سميك لازم ترتاحي
وماتسوي مجهود وكل يومين اروح المستشفى يعطوني مهدأت ويكون فيه طلق خفيف مبين الجهاز وتقولي عادي روحي البيت بدري ع الولاده
المهم جلست اتحمل الالم لدرجه الاغماء لاكن الحمد لله صحيت يوم الجمعه كان باقي 3 ايام وادخل الشهر التاسع ع الساعه 6 أبي اقوم للحمام أعزكم الله وأكرمكم يدوبني وقفت
الا وأحس موياء كثير تنزل من غير الم بس كانت حاره مره صحيت اختي وماما ورحنا ع المستشفى قالت عندك ولاده والرحم مفتوح 3
فرحت وكنت ادعي ربي يخفف عني الم الطلق واولد بسهوله وطلع بابا الله يطول بعمره وخلص اوراق الدخول للولاده ودخلت غرفه الولاده الساعه 10
وانتظر الرحم يفتح مافيه باقي زي ماهو 3 وجلست الموياء تنزل مني الين الساعه 1 بالليل والالم يروح ويجي قمت قلت للممرضه خلاص تعبت
عطيني ابره طلق قالت اكلم الدكتوره وانتظرت الين الساعه 2 وجأت عطتني نص حبه حق الطلق وقالت نامي وسبحان الله اختفى الالم
وماأدري كيف جأني نوووم وماصيت الاالساعه 4 ونص على صوت كيس الجنين لما فتح وقمت ابكي واناديها وجأت قالت الحمد لله خلاص أني الحين ولاده
وجوني 2 دكاتره وولدوني الحمد لله كانت ولادتهم سهله وطلعوا اولاد والحين صار عمرهم 8 شهور ولان المشيمه وحده طلعوا شبه بعض
بالضبط ….أن شاء الله ماأكون طفشتكم وانتوا تقروا قصتي بتؤامي …عقبال كل محرووومه ياااارب ..دمتم بحفظ الله
ماشاء الله الله يحفظهم لك يا رب
الف مبروك وربنا يحفظهم ويبارك فيهم ويجعلهم من الصالحين
يارب يارحيم ارزقني وارزق اخواتي المنتظرات للحمل يارب
ربي يعافيهم
ربي يحفظلك اياهم ويجعلهم من الصالحين
وعقبال كل المنتظرات يا رب
يقيم بالنجوم
مبارك البيبيات والف الحمدلله عسلامه