السلام عليكم
نحن ثلاث فتيات غير متزوجات اختي الكبيره عمرها 42 وانا 37 والصغيره 32 ايام العشرينات كان نادر ما يجينا خطاب اما الان ماااااااافيه
توفي ابي وعندي اثنان من الاخوة الكبير متزوج والاخر اعزب عمره 38
منذ ان كنا صغار ولغته معنا هي الضرب والكلام الجارح برغم من خوفه من ابي وبعد وفاة ابي خرج علينا بصورة ولي علينا بحكم ان اخي الكبير متزوج وزوجته تريد ان تبعد عنا
زوجته حقيره بمعنى الكلمه لن اتحدث عن افعالها ولكن ساذكر موقف واحد لها ليلة وفاة ابي رحمه الله ذهبنا للنوم في غرفة اولادها لان غرفتنا مزحومه وما أن وضعنا رؤوسنا على المخده التي امتلأت بالدموع الا ان وجدنا العقربه واقفه عند الباب واضعتاً يديها على خصرتها (( يعني ليش تنامون اهني))) حسبي ااااااااالله عليها ونعم الوكيل هذا احنا بعزى ابونا
اخي الثاني الاعزب زادت عصبيته كثير، وقهره لنا
رافض لزوج من اجل تربينا؟؟؟؟؟؟؟؟؟؟؟؟؟؟
انا وخواتي مطيعات نلبس الحجاب الشرعي وعباتنا مستتره ونحافظ على العبادات ولله الحمد
نعمل فطور وغداء وعشاء وونكنس ونظف وكل شي نسويه
اذا اكل من الطعام يتكلم على طبخنا وفوق هذا كل يوم يعزم اصدقائه
و اذا اكلتي ليش تاكلين هذا ,, واذا تفرجتي على التلفزيون يسكره او يغير القناه ,, واذا لبستي وطالعه وريني لبسج
حقييييييييييييييير وامي ماتقدر تزعله وطالع نازل يشمت فينا (ماتزوجتن .. وعوانس ……ماحد يابجن ) وكل يوم ماسك واحده منا ويهوش فيها ماعنده الا الضرب والله مانطلع ولا نتكلم ولاشي حسبي الله
امي مررررريضه دايم تقول خلوه اتركوه هذا اخوكم طيب وااااااااااحنا
وتقول مالكم الا هم بعدي وتردد هالكلمه تطعني فيها (انا يصبح ويعشي الموت عليه) لا يمه لا تقولينها كفااااااااااايه عليه حرااااام
اختي اللي عمرها 32 صارت عصبيه وحساسه من بعد وفاة ابوي وحزينه تبجي واذا هاوشها تقعد تصراخ عليه وهو عاد يستانس على كذاء حتى يزيد العيار اختي هذي دايم تقول انا ماتزوجت ولا عندي وظيفه وراح اضل طول عمري عند اخواني ابي انتحر ابي اموت ابي ارتاح قبل هالوقت اااااااااااااااااااااااااااانا اللي اموت من كلامها احس قلبي ينزف من شده الألم يارب فرجك يارب
اما اختي الاربعينه كرهت الدنيا وما فيهاااا وانعزلت صارت شخص صامت
وحتى الطلعه ممنوعه السوق ممنوع والثلاجه فاضيه واغراضنا الخاصه أوصى أحد عليه …اسناني توجعني ماكو مستشفى
ياااااااااااااااااااااااااااااااااااااااااااااااار ب رحمتك (يتمات .. عوانس ) وين نروووووووووووح
عيوني كلها دموع ,,, قلبي منكسر ,,,عقلي مشتت
خـــــــــــايــــــفــــــــه على امي تروح بعد ابوي
,, خـــــــــــايــــــفــــــــه منه ,,,
,, خـــــــــــايــــــفــــــــه
على خواتي
خـــــــــــايــــــفــــــــه من المستقبــــــــــل!!!!!!!!!!!!!!!!!!!!
ااااااااااااادعــــــــــــــــــــــولـــــــــــ ــنا
اختي من كلامك انتي مؤمنة والله لن يضيعكم
اولا الله يطول في عمر الوالدة ويارب تكونو انتم قرة عينها بطولة العمر
وتشوفكم في بيت ازواجكم يارب عاجل غير اجل
التجئي الى الرحمن هو ال وحيد الي قادر ان يفك همكم ان شاء الله
وياريت لو تراسليني على الخاص يا اختي عندي شوية اسئلة لكم
وان شاء الله في المصلحة يارب
ويحفظ والدتكم ويطول بعمرها ويعطيها الصحه والعافيه
امين يارب
شوفي عزيزتي
الان لو كل قوى الارض تقف بهذا المنتدى وتعطيكم حل لمشكلتكم ترى التنفيذ هو من مسؤوليتكم وانتو اللي تغيرون الحال
انا ماشفت ولاعرفت ولاسمعت ولاقريت في الروايات حاله مثل حالتكم
ايش اللي وصل الحال لهذه الدرجه من السوء؟
ماعندكم لسان تطالبون فيه بحقوقكم؟
اجلسوا مع اخوانكم واتكلموا وقولوا لهم اذا ماتتمكنون من رعايتنا وتلبية طلباتنا فيه دور رعايه حكوميه نروح نعيش فيها
ايش يعني ثلاجه فاضيه ومافيه مستلزمات العيش؟
ايش يعني كلام والدتك في انها تسمح لأخوكم يهينكم ويعتدي عليكم وهي ساكته؟
طيب بالله عليك هالمره اذا والدتك قالت هذا الكلام وذكرت موتها وهذا حق علينا وكلنا راح نموت
اذا قالت لك هذا اخوك ومسؤول عنكم بعد موتي قوليلها طيب وانت عايشه واحنا عايشين بمذله وقهر
طيب اذا متتي كيف راح يكون حالنا؟
اذن احنا ضروري ناخذ حقنا ونتكلم
حسيت وانا اقرا كلامك عزيزتي كأني عايشه بغابه كلها وحوش
شريعة الغاب لا وجود للرأي البشري فيها
تصلون وتصومون وتتعبدون ومحجبات وقائمين بفروض ربنا وعباده وجزاكم هذه الغوغائيه؟
هذه مو اسرى عزيزتي
هذه غابه
لازم ولابد تتكلمون وتتفاهون انتو الاخوات ويا اخوانكم الذكور وامكم وتصححون الغلط اللي دام عمره سنين طويله
والا بعد هذا ترى مافيه حياة ولا فيه حل لمشاكلكم
الله يهدي كل ضال الى سواء السبيل
امين يارب
ياقلبي اذكري الله كثير حتى يجيك الفرج القريب اذكري الله يذكرك استمري على قرئت سورة البقره وخلي شكوتك لرب العالمين راح تشوفين الفرج من رب العالمين
ادعي بسجودك واطيلي في السجود باالدعاء واكثري الاستغفاريابعدي
وصلي اخراليلى وادعي بالفرج لك والاخواتك ..واطال الله في عمر الوالده وحفظها لكم يارب
موفقه ياقلبي (الله يفرج همكم وغمكم يارب ويسعدكم يارب وين ماكنتو)