≼.❀ قصتي الناجحه والرائعه مع زيت الحلبه ≼.❀ اعتني بشعرك 2024.

في يوم قلت ليش ماانا اسوي خلطه من راسي مو الكل احسن مني
واهم شي مذكوره ومعروفه فوائدها بالحديث وبالطب

بسم الله المقادير ثم راح اذكر تحت لكم تجربتي الشخصيه باذن الله تابعوني

– علبه متوسط ( زجاج ) فاضيه انا اخذت علبه زيت فاضيه ونظفت وغسلتها وجففتها ثم استخدمتها

– 3 ملاعق صغيره حلبه مطحونه

– سبع حبات حبه سودا مطحونه

– زيت زيتون جديد واصلي افضل

– واضفت قراءه سوره البقره لانها ( بركه )

(( تعبين العلبه الفاضيه زيت زيتون ولاتوصل لاخر شي لا قبل نهايه العلبه سانتي تقريبا
ثم اضيفي الحلبه والحبه السوداء – ثم اجلسي واقري البقره وانفذي في الزيت بنيه ان ربي يبارك فيه وشفاء لشعرك وقبل كل شي ان الله هو النافع واسالي الله ان ينفع به – ثم رجيها بشويش وخليها ترتاح بمكان جاف والافضل مايكون بالمطبخ ولا يكون عند شمس او بحراره عاليه يوم كامل – ثم خصصي لك وقت بالاسبوع ادهني شعرك فيه اقسمي شعرك من الوسط علشان تدهنين صح وادهني وادلكي شعرك فيه ثم اجمعي شعرك ودلكي منطقه الفراغات بمقدمه الشعر ثم لفي شعرك وغطيها بكيس خليها تقريبا من 2 الى 4 ساعات ولاتطولين اكثر واذا بغيتي تجيبي فوطه مبلوله ومسخنتها بالميكرويف وتحطينها على راسك حلو اكثر وينفع ويرطب بسرعه ولاباس بدون وانا ماستخدمتها ثم اذا خلصتي قومي تروشي طبعا خخ وقبل كل استعمال حركي العلبه ))

ملاحظه 1 :: لابد ومهم شعرك يكون نظيف اذا حطيتي زيت علشان يغذيه صح .

ملاحظه 2 :: مهم جدا اذا يتساقط شعرك لابد ومهم جدا تروحي تعملين تحليل شامل لاقرب مستشفى لان مايصير اصلا تهتمين خارجي والداخلي مدمر من نقص فتامين وتغذيه سيئه فماراح ينفع الا موقت وانتي تبغين علطول ان شاء الله روحي فيعطيك فتامين ومكملات غذائيه .

ملاحظه 3 :: مستحيل اي خلطه تفيد بمره او مرتين انا صراحه استمريت تقريبا 6 اشهر ل 7 اشهر فماشاء الله تبارك الرحمن جابت نتيجه وبذكرها بالتفصيل بالرد الثاني باذن الله .

ملاحظة 4 :: فادت معي مو يعني تفيد معك ويمكن خلطه تفيد معك ولاتفيد معي فإذا مانفعت لك او ماناسبت فاتركيها وانا ابرئ نفسي اي وحده تدعي علي .

ملاحظة 5 :: بالنسبة للرائحه انا ماشفت رائحه بعد ماغسلت شعري اذا خائفه من الرائحه بخري شعرك وبأذن الله بيروح

ملاحظة 6 :: إذا كنتي تعالجين شعرك او راسك فيه جروح او شي لاقدر الله لاتستخدمينه الا بعد ماتاخذين رأئي الطبيب

– انا طبيعه شعري ينفش وخفيف ونعومته وسط ومع الاهمال صار جدا جاف مع ان طبيعة شعري زيت لكن لما اتروش واطلع ويجف شعري يطلع كانه ليفه لاحول ولاقوه الا بالله فصراحه تعبني مع الاستشوار ولازم سراميك علشان ينزل وينعم وانا بصراحه ( كنت جدا جدا جدا مهمله شعري ماعتنيت فيه )
وبعد مهمله بالتغذيه الفتامينات – فجربت خلطه الحلبه لمده تتراوح بين 7 -6 شهور لما لاحظت النتيجه الرائعه وامي بعد لاحظت واقولكم الاروع اني من هذه الفتره ماشاء الله مالمست السراميك فاستشور اذا كان عندي مناسبه بالاستشوار العادي فقط اما اذا كانت مناسبه عاديه فاترك شعري كذا حلو وبالطبيعه
طريقتي خصصت يوم واحد بالاسبوع ازيت شعري واعمل له مساج واهم شي يكون الشعر نظيف علشان تبين النتيجه اسرع باذن الله
واروع شي انها مكوناتها معروفه وطبيعيه

اهم شي سوره البقره وان تدعين الله ان ينفع بهذه الخلطه
المفروض لكل وحده منا ( ورد من سوره البقره كل 3 ايام على الاقل ) لان معروف بالحديث ( سوره البقره اخذها بركه وتركها حسره ولاتستطعها البطله اي السحره ) ولاتدخل الشيطان البيت الي تقرا فيه 3 ايام
ولها بركه باذن الله في كل شي ان احتسبتي الاجر من الله وانه النافع الكافي باذن الله
وقرات على الزيت لما خلطتهم وكذا كل اسبوع مرا لمده 6 شهور لما وصلت لنتيجه ارضتني وريحتني صراحه وباذن الله بستمر عليها لان الان موقفتها اجرب خلطه ثانيه ^^لان مابغى شعري يتعود على خلطه وحده ولكن باذن الله برجع لها
وارتحت من السراميك قطع شعري .

وفيه سر عجيب يجنن بعد كريم طحت عليه يجنن حى اختي كل ماتروشت تسرقه مني هههه اضع منه بعد ماتروش لازم اخذ منه شوي واحطه على شعري علشان يخفف جفافه ويعطيه نعومه ولاتقربين السراميك باذن الله وتقدرين بشوي زيت لوز او زيت زيتون تهدني شعرك من اطرافه جدا قليل يخفف الجفاف شوي

بالنسبه (( للكريم ))
( راح اضعه بكرا بموضوع خارجي لان جدا يجنن فأحتاج اتكلم عنه شوي )
تابعوني بكرا ان شاء الله وان تاخرت احد يذكرني لاني انسى ^^

الصبر والدعاء وباذن الله تلقين النتيجه الي يرضيك

…

هذه خلاصه تجربتي ان شاء الله تفيدكم

(( اذا اعجبك موضوعي مافي شي يسعدني ياحبيبة قلبي كلامات من قلبك الطيب ودعوات طيبه واعرفي ان لك بالامثل باذن الله ))

حياكم الله وانتظروني بكرا ان شاء الله مع الكريم

وصلى الله وسلم على حبيبنا محمد اللهم صل وسلم عليه وتسليما كثيرا وآله وصحبه اجمعين

تذكير :: سوره الكهف + كثره الصلاه على النبي محمد
في يوم الجمعه ولاتنسوني من دعواتكم في ساعه الاجابه