السلام عليكم اخواتي اليوم جبتلكم نوع رائع من القريوش
وهو كنت شفتو البارح في قناة سميرة
قلت نسييه
جربتو جا هايل وجربوه على مسؤوليتي
العجينة
1كلغ فرينة
علبة مارغارين نتاع250غ او صومعة
1مغرف كبيرة خميرة الخبز
1خميرة نتاع القاطو ..كيميائية
1مغرفة فاني
1بيضة كاملة
ماء
الزيت والعسل
طريقة التحضير
اخلطي جميع المواد الجافة
تذوبي كمية الزبدة وتصبيها فوق الفرينة وتخلطي مليح حتى تولي مثل حبيبات الرمل تزيديلها البيضة وتخلطي وزيدي والماء وتلمي حتى تتحصلي على عجينة ماشي طرية بزاف لا زم تدلكيها مليح
وتخليها ترتاح على الاقل ساعتين
ولا تقدري تخليها تبات احسن
كل ما تركح كل مايجيك لقريوش مليح
قسميها لقطع متوسطة وحليها بالرلو ثم بالمشينة نتاع العجين رقم3 قطعي منو حبات بطابع المارغوريت المتوسط والكبيروالصغير كي تكمليها حطي مارغوريت كبيرة وادهني الوسط بشوية بياض بيض وزيدي وحدة كبيرة وزيدية وحدة اخرى كبيرة
لازم ثلاث وردات وخالفي الريوس على بعضاهم وزيدي وحدة متوسطة وفي الاخير وحدة صغيرة
وثبتيها بحبة لوز او كاوكاو حسب المتوفر اللي عندك
ولما تكملي جميع العجينة اقليها بلون ذهبي وخليها تبرد مليييح
ثم عسليهاوديري فوقها البيستاش او الجلجلان وكانت النتيجة رائعة
نخليكم مع الصور
لكن الصور كبيرة جدا فلمزيد من الفائدة المرجو إعادة تحجيمها لأنها غير واضحة
مشكووووووووره غاليتي…
ماشاء الله شطورة انك طبقتيها
حبيبتى الرجاء كتابه اسمك واسم المنتدى على الصور
حفظا لحقوقكم وايضا لانه من قوانين القسم
وهذا الرابط يساعدك
تصغير الصور+الكتابة عليها+تحميلها من المنتدى~~خطوة بخطوة
بنتظارك
هنا لقد استمتعت واستفدت أنا شخصيا"
من هذا الإبداع والتألق
الله لا يحرمنا من مواضيعكِ الراقية
وانتظر جديدكِ بفارغ الصبر
ولكِ مني أرق وأجمل التحايا
.
.
.
