مساء النورياحلوات
حبيت افتح قروب بهذا الرجيم لان لقيت وحده كاتبه موضوع وراح انزلكم
اللي كتبته وفكرته حلو
لانه يعتمد على الكميه وليس النوع وبديت فيه من اليوم
وان شاء الله القى منكم الدعم ويشاركوا معاي بهذي الفكره بنات
كل وحده منك تدخل تكت وزنها وطولها والهدف الاول فقط
وراح نبدا 10لقم لمدة اسبوعين وبعده 7لقمات
يالله اتمنى تفاعل ومشاركه
وتطبيق لكلام البنت اللي منزله الموضوع الحلو
جيبتلكو النهاردة رجيم مجرباه علي نفسي وعلي بنت عمتي واختها
الرجيم اصلا اسمه السبع لقمات … ( اللقمة = قطمة او الكمية اللي بتحطيها في بقك وتمضغيها وتبلعي )
وده رجيم من اختراع بنوتة اسمها فاطيمة في منتدي تاني (اعملو سيرش علي جوجل )
المهم الرجيم ده انا كنت بعمله ك فترة راحة بين الرجيمات الكيمائية اللي كنت بعملها لان مفيهوش اي حرمان خااااااالص
وبنت عمتي كانت عاوزة تخس شوية عشان خطوبتها ف مشيت عليه 3 اسابيع تقريبا وخست 6 كيلو ماشاء الله
واختها الاكبر دبدوبة زيي كده ف زودت عدد اللقم بقو 10 عشان وزنها تقيييييييييييل زيي كدا ونزلت 7 كيلو الا كام جرام
وانا داخلة علي 4 يوم اهو وبدأت اتعود علي الكمية دي والحمدلله
المهم الرجيم كالتاتي
الفطار :7 لقمات من اي حاجة تحبيها مهما كانت دسمة (ممكن نشرب معاها اي مشروب احنا عاوزينه حتي لو كان بسكر ولبن بس السكر ميزيدش عن معلقتين )
السناك (اجباري)(بعد 3 ساعات ) : اي ثمرة فاكهة او نصف موزة او 6 فرولات او نصف كوب عنب او كوب بطيخ او شمام او كوب شوربة او كوب زبادي صغير عادي او بالفاكهة
الغدا (بعد السناك بساعتين علي الاقل ) : 7 لقمات من اي حاجة تحبيها مهما كانت دسمة
السناك (بعد 3 ساعات ) : اي قطعة حلويات في حجم علبة الكبريت (اجباري حلويات 3 ايام اسبوعيا ع الاقل )
امثلة :نصف صوباع تويكس او فلوتس – معلقتين كبار ام علي او رز بلبن او مهلبية او..او …. – مكعب شيكولاتة جالكسي سادة او محشية او قطعة ويفر قد الصوباع – قطعة قد علبة الكبريت بسبوسة او هريسة او مكرونة باللبن – قطعة واحدة بس من صوابع زينب او قطعتين من لقمة القاضي – كوب جيلي صغير او نصف الكوب الكبير -بولة ايسكريم اي نوع _ ربع كيكاية هوهوز وامثالها
وممكن لو مش عاوزة حلويات تبدليها بمعلقتين سكر تحطيهم علي اي مشروب
العشاء (بعد السناك بساعتين علي الاقل ) : 7 لقمات من اي حاجة تحبيها مهما كانت دسمة بس استني ساعتين قبل النوم
الشروط بقي
45 دقيقة مشي يوميا علي الاقل
السكر الدايت مسموح بأي كمية
مسموح بنصف كوب لبن كامل الدسم يوميا بتاخدوه بأي طريقة تحبوها
مفيش اي مواعيد للوجبات بس اهم حاجة نلتزم بالاوقات اللي بينهم
والميه بتتشرب قبل الاكل بـ 10 دقايق او بعده بساعة
لترين ماء علي الاقل يوميا
طبعا الرجيم عجيب بس والله بيخسس والله العظيم و بيبان شكل ووزن
واللي عرفته بعد كده ان الرجيم ده هو تطوير بسيط لرجيم اللقيمات عشان الناس اللي مبتبصش في الساعة زيي وبتجوع بسرعة
وطبعا اللي فات ده للاوزان تحت الـ 90 كيلو
اما اللي فوق الـ 90 بقي زيي كده
هيمشوا علي نفس الحاجات بس هياخدو 10 لقمات بدل الـ7
وبالنسبة للناس اللي هتستنصح وتقولي مش عاوزة السكر ولا الحلويات هقولها مااااااشي بس هتخسي ببطئ يا ناصحة
عشان مخك بيتغذي علي الجلوكوز اللي موجود في الحلويات والسكريات دي وبعدين بيدي اشارات للجسم انه يحرق فالحرق يبقي اسرع
نسيت اقولكو ……الميزان اخر الاسبوع بس
و اول يومين هما اصعب يومين وبعد كده هتبدأو تتعودو علي الكمية دي
والحاجة اللي تكسف بقي لما الواحد يقعد يعد اللقم اللي بياكلها ف العادي هيلاقي انه طفس اوووووووووووووووي
و اللي لاحظته علي بنات عمي انه صغر معدتهم شوية عن الاول …حتي العروسة حبت مرة تعك وهي خارجة مع خطيبها (كان عازمها علي كباب بنت المحظوظة ) ومعرفتش تاكل الكمية اللي كانت بتاكلها الاول دي كلت لقمتين زيادة وحست ان بطنها وجعتها راحت سايبة الاكل
وانا مجرباه علي نفسي وكان بيجيب معايا 2 كيلو او اكتر علي حسب التزامي بالمشي والمواعيد
ثالثا اللقمة دي عبارة عن ايه …..هقولكو
لو سندوتش اي حاجة مثلا …..اللقمة =قطمتك من السندوتش
لو عيش هتغمسيه بأي حاجة ….اللقمة = حتة العيش اللي غمستيها وحطيتيها في بقك
لو طبيخ مثلا ….رز وشوربة وفراخ وملوخية ……يبقي هتجيبي سلطانية صغيرة وتحطي فيها مثلا 4 معالق كبار رز وعليهم 3 معالق كبار شوربة وعليهم 3 معالق كبار ملوخية وتفصصي عليهم الفراخ (كأنك هتأكلي طفل صغير ) وتلخبطي ده كله علي بعضه وتاخدي من الخلطبيتة دي 7 معالق بس ……تمام كده ؟؟؟؟
بس استنو في شوية نصايح :-
1) في الرجيم ده اوعي تحرمي نفسك من اي حاجة مهما كانت دسمة او بتتخن …الحرمان ده اللي هيخليكي في الاخر تسيبي الرجيم وتهجمي علي اللي حرمتي نفسك منه وتتخني كل اللي خسيتيه …بس خليكي فاكرة انهم 7 لقمات مش هيلحقو يأثروا فيكي وهتخسي يعني هتخسي ان شاء الله ….ده رجيم كمية مش نوعية
2) السلطة بتتحسب من اللقم ….يعني متاكليش اللقم بتاعتك وبعديها تكملي بطبق سلطة وتقوليلي اصل دي سلطة مبتخنش ..!!
لا مش حوار سلطة عشان ده مش رجيم سعرات….ده حوار كمية …انا عاوزة اعود المعدة علي كمية معينة من الاكل مهما كان نوعه …عشان بعد كده مرجعش اتفجع واكل كتير زي الاول ….. واتخن تااااااااااااااني
3) دي بقي نصيحة اخوية وهتفيدكو جدااااااااااااااااااا ….ابدأو اول اسبوع او اسبوعين ب 10 لقم عشان المعدة لسه كبيرة وعلي ما تتعود علي الكمية دي والاسبوع اللي بعدها ابقي خليهم 7 ….واتوكلي علي الله كده وامسكي نفسك وافتكري انك بتاكلي عشان تعيشي ….وكل ما شيطانك يوزك ويقولك لقمتين كمان مش هيتخنوكي …استعيذي بالله من الشيطان الرجيم وقومي من المكان ده واشغلي نفسك بأي حاجة
4) اول يومين او 3 ايام هيبقو رخمين شوية عشان مش متعودة علي كده وعشان هتحسي انك ملحقتيش تاكلي ….ده عادي علي فكرة لان المعدة بتدي اشارات الشبع للمخ بعد ربع ساعة من دخول الاكل ليها ايا كانت كمية الاكل اللي كلتيها ومهما كانت صغيرة …ومتشربي ميه بعد الاكل علي طول عشان الاكل يقعد في معدتك ومتجوعيش بسرعة …..انا جربت اشرب ميه بعدها علي طول لقيت الاكل بيقعد في معدتي ساعتين ونص بالكتير ولما ماشربتش غير بعد ساعة ….لقيت الاكل بيقعد 3 ساعات وساعات 3 ونص
5) دخلي اي كمية من النشويات في اكلك عشان النشويات بتحتاج وقت كبير للهضم وبتمسك بطنك شوية
6) خلي الشوربة ايا كان نوعها سناك علي طول متاخديهاش كوجبة لانك هتجوعي بعد ساعة ونص بالكتير ….يبقي لما نفسك تهفك لاي نوع شوربة خدي منها سلطانية صغيرة او مج ف وقت السناك
7) لااااااازم تلتزمو بالحلويات بتاعة اليوم عشان تشبعي حاجة مخك للجلوكوز فيحس بالرضا ويدي اوامر لجسمك بالاستجابة ويعلي معدل الحرق بإذن الله
توقعت بيكون معاي حماس او كلمتين تجبر الخاطر
وتشجع بس حسافه
