شلونكم خواتي انا جديده بالمنتدى
وبصراحه مادري شلون ابتدي ومادري شلون بنتهي
قصتي قصه وابي لها حل مالي غيركم يا متزوجات 😔 🙁
خطبني واحد مو من العايله ورفضت مرتين موعشانه غريب لا بس لان الزواج ماحبه ومومستعجله عليه وصار ان اهلي كلموني عنه واقنعوني فيه وقالو هالرجال زين و و و و و الخ > اعرفو عنه عن طريق اهله بس
استخرت وطبعا في نفس اليوم الكل عرف والناس تبارك وتوني ماقلت رايي جاتني صدمه ومشت و ماحسيت شي باتجاهه
ثاني يوم جا وصارت النظره الشرعيه ف قلت منها راح اعرف اذا ارتحت له او لا
ماصار شي بعد ماطلعت من ناحيه الراحه حسيت عادي لان ماطولت لكن الرجال راح وكلم اهله انه يبيني ومن هالكلام
فكرت بيني وبين نفسي قلت اهلي ما وافقو عليه الا لانهم يبون سعادتي ومصلحتي
لاني ماكنت افكر بالزواج كلش ولا كنت حابه موضوعه مع اني في بدايه ال20
ووافقت لان اخواني يشوفونه زين
بعد ايام وبعد ماصار عقد القران بسرعه
صارت تجيني سوالف عن عايلته مو بيت اهله
وانهم مايحبوني وناوين لي على نيه
والكلام هذا اللي وصل لي منهم وفيهم مو من الناس الغرب
وصرت كل يوم اسمع شي واتضايق حيل واقول بطنش ومابهتم لكلامهم
لدرجه فيهم وصلوها للشرف !!!!!!!
كل هذا عشان خذا وحده غريبه مو من عايلتهم
طيب انا شنو ذنبي ؟؟
اهو يبيني ويشوف الخيره انه معاي مو مع عايلته
ليش يكرهوني وقاعدين يكيدون من وراي ومادري شناوين عليه
صرت اقول مابي العرس يصير صرت كل يوم افكر وابكي واقول باجر شنو راح يصير باجر شنو مصيري
وادعي ربي كل يوم يبعدهم عني ويفرج همي
صرت اكره اروح السوق اتجهز
نفسيتي اتعبت كل يوم اسمع وكل يوم اشوف وكل يوم انصدم
هذا حال للعروس ؟
مااستانست كثر ما استانست اي عروس في مكاني واستانست لا جهزت اغراضها
انا اضيق وابكي واتكدر واقول مابي العرس مابي الزواج
سوالف ما اطلعت الا بعد ما ملكت !!!!!!! من بعد ماتزوجت !!!!
زين ليش ؟!
وشسوي ؟!
اقول بتطلق ؟ صعبه حيل لو دريت بأيام الخطبه كان صح قدرت افك الخطوبه لكن تزوجت وان تطلقت مو زين من ناحيتي بكون بإسم المطلقه لكن شسوي والرجال ماله ذنب لكن المصيبه ان ربعه واقرب الناس له من هالعايله شنو برتجي منهم بعدين ؟!
والله ماعاد فيني عقل هذا وانا بعيده قاعدين يتكلمون فيني لا اعرفهم ولاعمري قعدت معاهم
عرسي قرب ونفسيتي مو مستعده للزواج
من فتره صغيره صار يكلمني زوجي وصرت اكتشف اشياء والله يابنات ماهو في اللي قالولي عنه
فيه صفات حلوه لكن فيه صفات شينه ضايقتني كنت من ناحيته احب شخصيته والحين صار العكس بعد ما اكتشفتها بنفسي
مو عارفه شلون اتصرف معاه واخليه ينسى شغله ويكون معاي بس
انسان عملي
العروس بعد سنين من عرسها شنو الاشياء الحلوه الي بتتذكرها اكيد في بدايات الخطبه والعرس
لكن انا شنو بتذكر ؟ لو تذكرت تنكدت
😔
وللعلم زوجي درا باللي قالوه عني وتهاوش وياهم بس شستفيد
اهم كل يوم يحقدون علي اكثر
احس اني ضايعه وضايقه فيني الوسيعه واحس اني ندمانه تكفون ابي حل شلون اتصرف معاه ومع هالناس الي قاعده تأذيني من الحين
يعني خايــفة على لقب المطلقة وموخايفة على روحك لايسوون لك شي او يشوهون سمعتك؟
لقب المطلقة احسن من انه بعد كم سنة يطلعو عنك اشاعة يتهموك فيها بالشرف او غيره..
خلاص في غيره وانتي لسى عمرك 20 مو اول ولا اخر وحدة تتطلق ..
الله بعتلك الي ينبهك عشان تأخذي حذرك وتتطلقي قبل ما تصيري انتي وهو ببيت واحد ..
خلاص انتي موقد اللعبة والله انا خايفة عليكـ ..
الله يحفظك من كل شر
حبيبتي شوفي لا تكدرين ولا تضيقين الخنقه علي روحج
اول شيء لازم تشرطي علي زوجج انكم تسكنون بي بيت منفصل خاص فيج برووحج
ثاني شيء , لا تشتغلين بلحجي الي بيوصلك وطنشي واعطي طووووف والي يبي يعيبك خليه يتجرأ ويجي ويقول الحجي قدامج ! وبعدين انتي وقوه شخصيتج تصرفي وواجهي !
لازم زوجج من الحين يفهم انج مظلومه وان في ناس بتطعن فيج ولازم يوقف ويتخذ موقف معاج !
واكثير شيء ممكن يأثر عليج
لو بينتي لهم انج ضعيفه وانج خايفه منهم ومتوتره !
اهم شيء تسوينه
تحصني " حصني نفسج ودامي علي قرآن القرآان الكريم وسوره البقره "
استغفري كثر ما تحصلي
وقيمي الليل وادعي ان الله يجعل كيدهم في نحرهم
واوصيج حبيبتي لا تخافي واستناسي ولا تفكري في الطلاق وذي البلاوي
لا تتعودي ان اول خيار يكون لج الهــــــــــــروب !
تعودي انج تواجهي المشكله الي بتواجهج عشان الحياه كلها مشاكل
واكيد مو كلها بتقدر تهربي منها !
واجهي مشكلتكج بتوكلج علي الله
بذكاء – هدوء -حكمه
تفهمي زوجج وابني مستقبلج وياه وانتي مــــــــــــــتوكله علي الله
وان شاءالله مافيج الا الخير والسعاده كلها من نصيبج بأذن الله الواحد الاحد
وما اوصيج انج تكثرين من الدعـــــــــــــــــــــــاء ثم الدعـــــــــــــــــاء ثم الدعــــــــــــــــاء
والله يصلح حالك وكل احوالك ان شاءالله يآآآآآآآآآرب
والآف التبريكات وربي يتمم لج علي خـــــير
انا بحكي اذا الشب منيح واثقه في واخلاقة منيحه خليكي من اهله وبكره بس تتزوجي بتصيري انتي عالمه ، اما اذا هو مش منيح ومش مرتاحه اله شخصياً هون بحكي إلك اتركيه ، كمان اختي ممكن الحكي الي وصلك كذب مشان يخربوا عليكم ، انتي استخيري وفكري بالموضوع والله يجيب إلك إلي فيه الخير …
خلاص هي عمرها 20ولسى الطريق قدامها ليش تدخل نفسها في مغامرة مالها اول من الاخر..
الله بعت لها اولاد الحلال يخبرونها عشان تحمي روحها وترفض قبل فوات الاوان..
تقولكم المسألة فيها شرف ..يعني يخططو وناوين على شر
حبيبتي لسى بدري والطريق قدامك طويل ..
اهلك كانو بيزوجونك لانهم يبغونك تفرحي مايبغون لك المشاكل واعداء ..!
عموما سوي استخارة مرة ثانية ولو حسيتي نفسك مرتاحة اقبلي فيه..
الله يوفقك ويبعد عنك اولاد الحرام
|
المشاركة الأصلية كتبت بواسطة ɪcє-cяєαм
 البنت تقول انهم يدبرون لها مكايد ايش دخل الهروب يعني لو كل واحد يبي يحمي روحه ويبعد عن المشاكل سميناه هروب وضعف وشخصيتها ضعيفة ..الخخ؟
خلاص هي عمرها 20ولسى الطريق قدامها ليش تدخل نفسها في مغامرة مالها اول من الاخر.. الله بعت لها اولاد الحلال يخبرونها عشان تحمي روحها وترفض قبل فوات الاوان.. تقولكم المسألة فيها شرف ..يعني يخططو وناوين على شر حبيبتي لسى بدري والطريق قدامك طويل .. اهلك كانو بيزوجونك لانهم يبغونك تفرحي مايبغون لك المشاكل واعداء ..! عموما سوي استخارة مرة ثانية ولو حسيتي نفسك مرتاحة اقبلي فيه.. الله يوفقك ويبعد عنك اولاد الحرام |
حبيبتي ايسكريم ,الطلاق اخر فكره ممكن توصل لها اي بنت متزوجه
وبعدين ليش تتطلق علي طول ؟
اول شيء يمكن الكلام الي بيوصل لها حسد منهم وبعدين اهو ممكن يكون رجال ويحافظ عليها
من لا شيء جذي تقول ابغي اتطلق ؟ ذي منطق ؟
ولا تنسي ان ابغض شيء عند الله الالطلاق
|
المشاركة الأصلية كتبت بواسطة غرورالبدر
حبيبتي ايسكريم ,الطلاق اخر فكره ممكن توصل لها اي بنت متزوجه
وبعدين ليش تتطلق علي طول ؟ اول شيء يمكن الكلام الي بيوصل لها حسد منهم وبعدين اهو ممكن يكون رجال ويحافظ عليها من لا شيء جذي تقول ابغي اتطلق ؟ ذي منطق ؟ ولا تنسي ان ابغض شيء عند الله الالطلاق |
طيب وفرضا بعد ماتزوجو الناس طلعت عنها اشاعات مثلا انها تصاحب شباب أو أو أو ..وطلبت الطلاق وتطلقت الحين مين بيتزوجها؟ مين بيتزوج وحدة (يقال)عنها انها تصاحب شباب؟هذا لو ماقالو كلام اكبر من كذا
احسن شي تتطلق وتتجنب المشاكل ويعوضها الله باحسن منه..
والناس هالأيام تحاول تتجنب المشاكل يعني زوجها يمكن يصبر سنة سنتين ثلاثة بالكثير بس لمتى؟لو اهله تخلو عنه وسمعته تشوهت !..
لو هو يعرفها قبل وكان بينهم قصة حب مثلا كنا نقدر نقول انه يقدر يصبر ويتحمل معها..
لكن هو بس شافها مرة وحدة يعني يقدر يتركها بسهولة ولو تزوجها وصبر عليها كم سنة مو معناته انه بيصبر معها باقي حياته..
انا برأي انها
1-تصلي صلاة استخارة مرة ثانية
2-تجمع كل الأهل وتسألهم هل هم يقبلون فيها تكون فرد منهم ولا لا ..
للاسف بعض البنات معقدات … مب ناقص الا يسوون حجر على الريال عشان ما يتزوج من برع العيلة
حبيبتي اهم شي ريلج وامه وابوه وخواته وبس
الباقي خليهم ورا ظهرج ولا يهمج شو قالو وشو سووا
اهم شي هو اختارج برضاه
ايلسي ويا ريلج وخبريه باللي سمعتيه وصارحيه انه انتي تعبتي من الكلام اللي يوصلج وبس
هو يتصرف وانتي لا تدخلي نفسج في مشاكل معاهم من الحين وخلي نيتج طيبة صوبهم
بعدين ممكن مع العشرة وتعاملج وياهم تتغير نظرتهم لج ويتعدل اسلوبهم وياج
الحينمثل ما قلت لج تصارحي ريلج وتروحي تتجهزين ولا عليج من احد
مو عارفه شلون اتصرف معاه واخليه ينسى شغله ويكون معاي انسان عملي
>>> هذي الجملة ما فهمتها
الله يتمم لج على خير
موفقة
استغفر الله العظيم الذي لا إله إلا هو الحي القيوم و أتوب إليه 