مشكلتي ان فيني مرض السكر والحمدلله على كل حال جاني وانا ادرس في سادس ابتدائي واللحين عمري 23وصديقاتي دائما يتشمتون فيني يقولون انتي مستحيل تتزوجين لان الرجال مايبغا وحدة ناقصة فيها مرض والله تعبت تعبت دائم يضحكون علي ويقولون حره حره بنات عمك وبنات خالك يتزوجون قبلك وانتي لا ودائما يحسسوني اني ناقصة ليش عشان فيني سكر لهاذا الدرجة اصابني اكتئاب وكل شي طيب المرض من الله ليش يتشمتون ليش وفرضا لو جا واحد يخطبني مايبغاني لان فيني سكر ساعدوني والله تعبت ليش اللي في عمري سليمين وصديقاتي بعد دائما يقولون اني ناقصة انا اكتب اللحين وابكي لاكن حسبي الله ونعم الوكيل: ز [103]:
الله يعينك أختي اقطعي علاقتك بأي فتاة تستهزء بمرضك لأن هيك صديقات مابينفعو
كبري عقلج يالغالية ولا تشيلين كلامهم سمعي وطلعي الكلام من اذنج الثانية ..
وان زودوها معاج وقفيهم عند حدهم بطريقتج … استغفر الله بس ما خافو من الله من كلامهم
اهم شي صحتج الغلا وما عليج من هالعقوول
وبنات فيهم فقر الدم والسكر وتزوجوا
الحمدلله على كل حال المرض مو عيب
العيب الي يسونه هم انهم يتشمتون
يعني مو شرط انهم يتزوجون قبلج او يتتزوجون
كل شي بيدالله سبحانه وتعالى
والدنيا دواره وانتي مالج ذنب
عندي صديقتين فيهم سكري والحمدلله تزوجوا وجابوا عيال بعد
وين المشكله هو ماياثر عالزواج
ومرض السكر صار منتشر والحمدلله على كل حال
ومرض السكر مشكلته بس فتره الحمل ان الوحده لازم تتجنب السكريات بقدر معقول علشان ماياثر عالجنين ان يسبب انتفاخات يكبر حجمه
واذا كبر بيولدونها بطلق صناعي يعني ماياثر عالزوج ابد يعني هو ماينتقل بالعدوه
بس فترة الحمل لازم الوحده تنتبه
وانا اعرف والله وحده فتره حملها تمشي على حميه والطفل يكون حجمه طبيعي والحمدلله وتولد طبيعي ماتحتاج طلق صناعي
وماعليج من الي يقولونه هم مايعلمون الغيب
والله يوفقج