الفكره حبيباتى انك طبعا عارفه ان الاجهزه((الجوالات))
الحديثه فيها خاصيه ضبط المنبه او التذكــير
لاكثر من موعد…
فانتى هاتقومى حالا تضبطى منبهك على اخــر ساعه في العصــر(قبل المغرب بساعه)
ساعه اجابه الدعاء
وطبعا يوم الجمعه هاتلاقيه بيرن تلقائيا هايذكرك تتدعى ..
والله هاتلاقيه
بيرن وانتى بتتغدى وبتنضفى وبتتكلمى يعنى ملهيه فى الدنيا
وشويه وهاتتلهى تانى هاتلاقيه رن لك تانى وهكذا لحد ماالمغرب يأذن
طبعا اضبطيه حسب توقيت المدينه اللى انتى فيها بلاش ذكاء 
وايضا ممكن تكتبي في المذكره الدعوات اللى انتى بتتمنيها
وكل ماتفتكرى حاجه روحى اكتبيها..
علشان ماتجيش فى الساعه المرتقبه وتتلخبطى ومتبقيش عارفه تقولى ايه
وادعى كده بثقه ويقين فى كلام محمد بن عبد الله صلى الله عليه وسلم
الذى قال{يوم الجمعه اثنتا عشره ساعه منها ساعه لايوافقها عبد مسلم
يسأل الله شيئا الا اعطاه الله اياه التمسوها فى اخر ساعه بعد العصر }
ادعى الله بكل مافى قلبك من خيرى الدنيا والأخره وانتى موقنه بالاجابه
ولاتنسى المستضعفين من المسلمين فى سوريا وبورما وفلسطين ومصر
ادعى لهم ان يفك الله كربهم ويفك اسيرهم ويرحم شهدائهم ويصبر
نسائهم ويؤمن خوفهم وينتقم من الظالم وهو سبحانه
اعلم به منا وان يفضحه فى عرضه فى الدنيا قبل الاخره وان يشف الله صدور
قوم مؤمنين بعز الاسلام والمسلمين والقضاء على من لايرقبون
فى مؤمن الا ولاذمه اللهم امين يارب
منقوووول
موفقه
