فطيرة الدجاج –
المقادير
عجينة بف بستري (العدد اللي يناسب الصينية)
دجاجة مسلوقة
فليفل
فطر
جزرة مبشورة
1-2 بصل مفروم
شوي زيت
بهارات وملح
جبن سلايس
قشطة و روب
بيضة مخفوقة
الطريقة
نحمس البصل في الزيت وبعدين نضيف الفليفل والجزر والمشروم، نهدي النار ونخليه شوي مع التحريك بعدين نحط فوقه الدجاج بعد ما نقطعه قطع صغيرة نحط البهارات والملح وإذا تحبوا صلصة الصويا حطوها بعد، نخلطهم عدل ونطفي النار.
ناخذ الصينية اللي نبغاها ونصف فيها عجينة البف بستري، ونخليها على الجدار بعد (خلوها أرفع من الصورة)
نحط خلطة الدجاج
نخلط القشطة والروب بكميات متساوية على حسب حجم الصينية، بحيث انه مايصير واجد، ونصبه فوق الدجاج
نصف السلايس فوق الصلصة
[img]نصف السلايس فوق الصلصة[/img]
نصف البف بستري ونسكر الفطيرة من جميع الجهات>> مسوية روحي أزينها
ندهنها بالبيض وندخلها الفرن لحد ماتحمر وتنضج العجينة
شفتوا كيف طلعت الصلصة من جهة اليسار..لأني ما قفلتها عدل، لهذا أقول ليكم خلوا الطبقة اللي تحت مرتفعة أكثر من الصورة حتى تقدروا تسكروها عدل وماتتسرب الصلصة
إذا عندكم صينية دائرية سووا فيها، بتصير أحلى
بالعافية عليكم.
ع الوصفه الرائعه
يعطيك الف عافيه
وجريبيها طعمها خيال انا جربتها
حرام اشتهيتها وانا كد اتسحرت موعدي معها بكرة
الله يعطيكِ العافية غاليتي