السلام عليكم ورحمة الله وبركاته
كيفكم ياسيداااااااااااات ان شالله تمااااام؟؟؟
الفزعه الفزعه يابناااااات >>ماعندها وقت خخخخخخ
تكفون يابنات ابي مساعدتكم… انا متزوجه وزوجي ماشاء الله مافيه منه والله طيب وحبوب ويحترمني
صار لنا متزوجين 8 شهور حتى لو يتضايق مني مايعلي صوته علي ابدا…….بس اكيد مافيه احد كامل 100% لابد فيه شي ……. بس حسناته تغلب سيئاته دايما……. انا احيان كثيره اقصر بشغلات خاصه من بعد الحمل تعرفون النفسيه والوحم و..و.. الخ بس هو ماعمره قال لي انتي قصرتي بالشي الفلاني او ليش ماسويتي كذا او ليش طبخك كذا للمعلوميه انا ناجحه ع الحفه بالطبخ وهذا اكبر عيب فيني ماعندي ذوق بالطبخ احس طبخي مشي الحال بس…… مع كذا والله ماعمره انتقد اي شي مني……المشكله اني هاليومين صايره اضايقه مدري وش فيني احس اني لو اشوف اي تقصير منه على طووووووول انت ليش ماتسوي كذا انا ابي كذا وكذا مدري شفيني انا ماكنت كذا ودايم احس اني متضايقه وكأن فيه شي كاتم على صدري واتنرفز من اي شي لو هو بسيط واحس ان ودي افرغ اللي بصدري لاي احد وتطيح براس المسكين زوجي
…… انا مااصرخ عليه او شي لا بس اني ادقق على كل شي لو اقوله ابغى الشي الفلاني وقال خليها بعدين اقعد ليش وانت وانت واطلع كلام مدري شلون قايل…وبعدين اتندم واقعد ابكي 
… حتى هو البارح يقول لي شفيك صايره حنانه هاليومين ماتتحملين شي…… والله يابنات مدري وش صاير لي…انا الحين بالشهرالسادس… معقوله بفترة الحمل هذي تتغير النفسيه؟؟اقصد تصير زفت!!!!آآآآآآآآآآه والله تعبت وتعبت زوجي معي ووالله هو مايستاهل الا كل خير وماودي ازعله بشي….تكفون يابنات تفاعلو مع مشكلتي واللي ماترد ع الاقل ترفع …..
ومشكوراات مقدما….
الاداره تكفوووووون طالبتكم لاينحذف موضوعي…….:
تصدقين وحده تقرب لنا لما تحمل ماتطيق زوجها ولا تطيق ريحتو هيا تخيلي بس معروف فترة الحمل وتعدي
بس انتي كمان لاتزوديييها مرره حبيي يعني ترى الزوج يكره كثر الحن والله يكرهها انتي امسكِ نفسك خلاص
بدلي هالاشياء بكلام رومانسي بدليها ولو ان كانت تحرقك بصدرك بس انا اشوفها شيء عادي ولا تحرق بالصدررر
بس نعذرك عشان نفسيتك بسبب الحمل لكن لاتحطيه عذر وكل شوي تتحنني على زوجك وتقولي هذا من الحمل لا في شيء اسمه صبر في شيء اسمه ضبط النفسسس
وانصحك لوجه الله لاتحنني كثير الرجال يكره الحرمه اللي ماغير تحن وتزن
أنا آخر مرة كرهت البيت ودايما أكره زوجي
وأكره ريحته بس ماحس إلا في الحمل الخامس
استعيني بالله وحاولي تمسك نفسك
والرسول صلى الله عليه وسلم يقول إنما الحلم بالتحلم
الله يشرح صدرك ويسر أمرك
أكيد من الحمل متعبك بس تحملي