غير مرتاحة ولا أشعر بأي شيء من السعادة الطبيب يجيب 2024.

السلام عليكم ..

أنا إنسانة عمري 30 .. طفولتي ما أذكرها وإن جيت أتذكرها تجي في بالي الأشياء السيئة إللي صارت معي بس إأتذكر أمي كانت تفرق بين الولد والبنت لكن بشكل خفيف , هالشي أثر فيني و كانت تقارني بالناس و تقول فلانة أحسن منك مع أنها أزغر منك و لحد ما كبرت ما أنسى كلامها . مع أنها بعد ما كبرت و دخلت المرحلة الثانوية بطلت تحكي هالأشياء , عندي صراع داخلي مع الذات و أحس إنو مالي شخصية و أي شي الأهل يقولولي عليه أنفذه حتى لو إعترضت شوي و لقيت أنهم مصرين أسّلم للأمر وأعمله, قبل لا أتزوج أمي صارت تعايرني بعمري لأنو صحباتي كلهم تزوجوا قبلي وأزغر مني و هالشي سببلي أزمة تزوجت من كم شهر من شخص مو مقتنعة فيه 100% لكن أهلي مدحوا فيه و لما جلست معه حسيت أنه طيوب و قلبه أبيض . والشهادة لله أنه للآن رجل بمعنى الكلمة …هو كان متزوج و طلق و كان يحب طليقته و لكنهم إنفصلوا بمشاكل كبيرة .لما أجلس معاه أحس أحيانا أنه مو معي لما أتكلم , أحس قلبو مو ليا أحسو يجاملني و عندي شك كبير إني لو حملت منو رح يطنشني و يهملني , مشكلتي أقارنه بالرجال الباقيين .. تجيني هواجس كثير أنو بعد سنة أو سنتين بيصير قاسي و بيسحب عليا ,,,, هالحالة جاتني و أنا بالملكة .. لأنو خواتي متمشكلين مع أزواجهم .. و أزواجهم مطلعين عيونهم و قارفينهم عيشتهم , أنا تزوجت و أنا مسلّمة للمشاكل إللي حتيجي .. لما نخرج ما أنبسط معاه و لما يكلمني ما أحب كلامو و لما يجلس معاي أستنى بفارغ الصبر أنو يطلع على أي مكان و يسيبني في الببيت , حتى في العلاقة أكذب عشان حياتي تمشي 🙁 .. أبغى أفهم لييييش ماني سعيدة مو بس معاه .. حتى لما أخرج عند أهلي ما أنبسط أو عند صحباتي ما أنبسط .. ماني عارفة كيف أفرح .. ما أدري إيش دي الحالة وربي ماني عارفة
.
ما أدري أنا كتبت كل حاجة مضايقتني .. لأني قسم بالله حموت لو ما كتبت هالأشياء
.
أنا كتبت من وقت طفولتي للآن .. لأني حاسة أنو له علاقة بحالتي النفسية الآن ..
.
إنتوا إيش رأيكم .. أحتاج دكتور ولا إيش .. مع إني متعلمة و جامعية و عقلي كبير وواعية