توفي الشاب الخلوق ( سعود بن احمد العوهلى ) في حادث وترك
وراءه أب وأم وطفل رضيع كان ينتظر خطواته …….
لم يعرفاء طعم الرحه بعد مماته خيم الحزن على بيتهم كان هو مصدر سعادتهم كان
نور بيتهم كان يسمى بي ( ابو الوفاء والجود ) كان كريم عطوف على الصفير محترماًللكبير
كان باراًبوالديه ودود عطوف لخوانه واخواته
وماكان منهم لا الايمان
بقضاء الله وقدره وحمدا الله على ماكتب الله لهم
وماكان من الوالد (احمد بن عبد المحسن العوهلى ) لا ان قال هذه الابيات ولم يستطيع
كتبتها لا من بعد شهرين من وفاته ) عندما اقبل على مخيم ابنه قال هذه الابيات
(عليه نياقه غده كما العود ……وعقبه خيامه عليها الرمل سافي )
بديت بسمك يالواحدالفرد الودود
يالكافي يالي عن الكل كافي
يالله يامنزل الجاثيه وص وثمود
ياجاعل لهيب النار برداً ودافي
يالله ياراحم ابراهيم ترحم سعود
وتجعل عليه القبربارد وظافي
وتجعل الفردوس الاعلى منازل سعود
سعود الطيب اللى بالوصل وافي
جاه القدر ببويب بيومه الموعود
حطوا عليه الغطاء وبالظل لافي
جانا الخبر وانحن بالمنزل قعود
حد الاذن العصر و الدمع هافي
يوم الربوع يومه محدد حدود
ثامن عشر بالشهروالعدد صافي
من ربيع اول شاهد ومشهود
سعود عقبه عن العين خافي
الصغير يبكي وعليه يبكي العود
وايظى عليه العين دمعها ظافي
وعليه نياقه غده كما العود
وعقبه خيامه عليها الرمل سافي
ومن عقبه غدا الحيل مهدود
ومن عقبه النظر بالعين هافي
وماالافرح عقبه بالدنيا وجود
سعود راعي المعروف وللقلب شافي
مات الفرح مع موتة سعود
والنفس حزنها عن الحكي كافي
يالله يملين الحديد بكف داؤد
يالي فضلك على الناس ظافي
ترحم شايباً عينه بالدمعه تجود
يبكي على فراق حراً سنافي
يبكي فراق قرة عينه سعود
سعود اللى بداخل اللحد لافي
بيوماً عله علينا مايعود
يوماً تبينة فيه شين الخوافي
وضع بالقبر والقرايب قعود
طوو عليه اللحد والقدم حافي
هلوا علي الترايب والجسم ممدود
وحطوا النصايب شمال وجنوب الحوافي
هذي حال الدهر واليوم معدود
والعبد ماهو عن الموت خافي
يالله يارب ياخالق وضحها والسود
ويالله ياجاعل حبها بالقلب وافي
يالله ترحم سعود منقع الجود
الي قلبه من الغش صافي
مرحوم ياراعي البل مرحوم ياسعود
مرحوم يمعشي المحروم مرحوم يالوافي
مرحوم يهداج تيما مرحوم ياسعود
يالي طيبك على الطيب ظافي
مرحوم ياطير السعد مرحوم ياسعود
يالحبيب يالي قلبك مع الناس صافي
يالله تجبرني وتجبر الشوق بسعود
سعود اللي عن العين خافي
راح سعود وانحن عقبه قعود
عقب روحته والفرح بالبيت طافي
راح النظيف اللي رحته عود
راح الوسيم اللي مامشي حافي
راح الي من خلقته كادود
دوماًيدور العيشه بالجهر والخوافي
لا يعرف الحسدولا هوب لا دود
يصحب الطيب ولايصحب الهافي
بالوفاء والعز والطيب ماله حدود
تفرح به العين وللقلب شافي
الله يجعل منزله بظل وبرود
ويجعل مشربه بالكوثر هنياً وصافي
العين تبكي على مفرق سعود
واللي بالقلب من الحزن كافي
الله يرحمك ياللي مشبهك بصاهود
ياللي على المارد مشربك صافي
اليوم بيني وبينك حجاجيرولحود
ومنولاًجوفك على الجوف دافي
روح زين السجايا ياروح سعود
روح راعي الفزعات روح الوافي
روح زين الحلايا روح سعود
روح اللي بداخل الجوف لا في
عزي للعيناً بالدمع دايم تجود
وعزي للقلباًهمومه كباراًوخوافي
البارحه حزني بداخل القلب ممدود
وعيني دمعها على الخد ظافي
اطوح الونات واصيح يسعود يسعود
خطر على عقلي يجيه الخفافي
راح المزوح سعود راح الودود
راح الشجاع الصرمي راح السنافي
راح الوفي اللي بالفعل محمود
الوحيد اللي عن الخمسين كافي
راح اللي بعين العدو عود
المخيط اللي بعين الحساسير لا في
يا سعود عقبك ماللفرح فود
وعقبك بارد الماء غدا دافي
راح الواصل اللي بالوصل له شهود
الين اللي لا صلفاو لا جافي
راح سعود العوهلى راح راعي الجود
راح الصدوق اللي بوعد وافي
ولو البكي يشفي بكيت سعود
وطويت بعالي الصوت وابديت الخوافي
لشك ماقول غير يالله المعبود
ترحم سعودراعي اليمين الدوافي
وتعين صفيراًفقد شوفة سعود
والهيا اللي عقبه عزها طافي
وتصبرشايباً غدابقلبه الهود
والعجوز اللي دمعها بالخدهافي
واخوانه واخواته اللي حيلهم مهدود
والقرايب والحبايب اللي حبهم صافي
وتطرح بركتك باحمد ابن سعود
وتجعله مثله شجاعاًوفياًسنافي
وتحييه واسمي سمي ابوه سعود
وتفرح به العين وللقلب شافي
نسيت ان الموت ياخذ سعود
وبنى النسيان على قلبي سوافي
واثر الدهر مخفياًحوادث ولحود
ومبدى افراح واحزان والعبد غافي
وصلاة ربي عداد خطوة الذود
وعداد من يونس الوجع بالمشافي
على نبياًخصه الوالى بالزود
محمداللي على الخلق ظافي
رحمك الله ياسعود واسكنك فسيح جناتك وجمعنا بك في الفردوس الاعلى ارجوا من قراءها الدعاءله
تمت وصلاة ربي على سيدنا محمد عليه افضل الصلاة والتسليم
كل الود عزيزتي..
ع النقل الراائع ..