السسلام عليكم ورحمة الله وبركاته
عندي مشكله، عمري 26 سنة خريجة جامعيه والحمدلله
على قدر من الجمال ، واهلي من قبيله واسرة كبيره وذات شأن
مشكلتي اني طيلة هذه السنوات لم يطرق بابنا خاطب
لدرجة ان اخي الاصغر مني وزوجته اللتي تكبرني وتكبره
وهي مطلقه من قبله يعايروني بالعانس .
وامي مرات اذا غضبت علي لو لسبب تافه تقول يالعانس
والدي يشفق علي لهذا السبب الذي لا اعلم ما مصدرة
واشعر اني هم ثقيل علية .
امي لاتخرج من المنزل ابدًا، ولاتحضر مناسبات
وماتحب تتعرف على احد ، بسبب الأذيه من عماتي
صار عندها عدم ثقة بأحد .
اضافه الى ان عماتي اللي بيكرهونا وصلني خبر
انهم يثيروا الاشاعات علي وعلى امي !! 
امي طيبة جدا جدا ، وطيبتها قد تكون سبب
وهذا لا اسميه طيبة بل سلبيه …
اتمنى ان اجد دعوات طيبة تواسيني
كل صديقاتي وقريباتي اللي في سني واصغر ماشاء الله
اتزوجوا وانا حتى لم يطرق بابي احد !!
اشعر بدونيه وعدم ثقة بنفسي …
دعواتكم يا اخواتي العزيزات ان تفرج علي
ولاتنسن فضل دعوات المسلم للمسلم بظهر الغيب
حطي في بالك ان الزواج والطلاق والفقر والغني وكل شي يصيب الانساب
مقدر من الله .. اذا اتاخر نصيبك فهذا مقدر من رب العالمين
كل وحده تتريق عليك لازم توقفيها عند حدها
لانك لو ماوقفتي مع نفسك وقويتي من عزيمتك محد راح يطالع في وجهك
الله يهديهم بس و يصلح بالهم
..
اختي بخصوص الزواج لاتقولين بسبب ما اخرج
نصيبكك لسى ما جاء
و انتي مثل امكك طيبتكك تحكمكك و خلتك تفقدين ثقتك بنفسك
خليك قوية و واثقةة من نفسكك
ومرة اخوك تحصليها غيران منكك وتبي تغضيكك
عاد كلما تقولك عانس قوليها احسن من اكون علة..هم ع احد..عجوز>>شيء ينفرزها اهم شيء
او قوليها عرفت الحين سبب طلاقكك اكيد لان ماعندك اسلوب او ذوق ومثل كذا
ولا تسكتي لها ..ابد ماعندها احترام ولا ذوق ولا شيء..الله يهديها
و الغلط من اهلك لا قالوا لك كذا قدامها
كيف تحترمك وامك و اخوك ما يحترمونكك
| اللي مايحترمك لا تحترميه ومحد احسن من احد>>>وانا اقصد اخوك وزوجته |
..
مرة قرات وحدة كاتبه موقع تبع زواج
اعتقد اسمه موقع العفاف و موقع المودة
اتسجلي فيهم وان شاءالله تحصلين نصيبكك
ان كان داخل موقع او خارجه
..
وانصحك بكثرة الاستغفار و قرات القران و تقرب من الله سبحانه و تعالى
و بتشوفين العجائب باذن الله
الله يرزقك بالزوج الصالح الذي تسرينه ويسرك
استغفري بنيه الزواج ، وتحسبي على الشامتين
ومن كان له دور في تعطيل امر زواجك
بالتوفيق
لاتنسون ان الدنيا دواره
وبكره بتجيكم بنات
وعلى أي اسا حكموا كلهم انج ماراح تتزوجين
ليش هم يعلمون الغيب
وانتي منو قالج ان 26 عمر عانس
ليش تصدقينهم
حبيبتي المكتوب يصير
ماتدرين شالحكمه يمكن ربي بيعوضج بواحد يستاهلج
وقولي لهم المكتوب يصير
ماحد يمشي امره
كل شي بأمر رب العباد
وكل بنت في هالدنيا لها رزقها من رب العباد
قولي لها
ربي كتب لك تتزوجين بسرعه لانك بتطلقين تالي بتاخذين اخوي
لهذي الحكمه
وانا الحمدلله صابره ابي اتزوج مره وحده واستقر بحياتي
واخوك واضح ان طرطور عند زوجته لان يقلد كلامها
ولا تهتمين فيهم ابد قولي لهم كل شي بأمر رب العباد
والي يقولك شي
قولي له تعترضون على امر الله ماراح تكنون احكم من رب العباد
في متى تحديد امر الزواج
الوقت الي يكتبه في ربي انا راضيه فيه لاني ابي مصلحتي ورب العباد هو الي يعلم الغيب