السلام عليكم ورحمة الله وبركاته
مشكلتي باختصار اني تملكت قبل 5 شهور و قبل الملكه ما حددنا موعد العرس واتفقت انا وزوجي بعد الملكه ان العرس يكون بعد سنه من الملكه لكن في البدايه كان معارض بشده بس اقتنع على امتعاض لانه مقتدر ماديا ومستعد يعمل العرس في 3 شهور بس انا رفضت لان عندي جامعه ولازم انتظر للاجازه الصيفيه. اول شهرين كانوا مثل الحلم حبينا بعض حب مو طبيعي واكتشفت انه رومنسي لابعد الحدود, بس بعدها كثرت المشاكل وخصوصا انه كان يزورني اسبوعيا وكان ياخذ راحته معاي بس ما يوصل للنهايه لاننا قاعدين في بيتنا, بعد ما انهيت الكورس الاول في الجامعه طلب مني ااجل الكورس الثاني للصيف ونتزوج باقرب فرصه بس انا رفضت لاني مو حابه ااخر تخرجي وانا وايد متفوقه في دراستي. بعدها تغير علي, صار يطلع من عندي متنرفز بعد الزياره لانه مايقدر ياخذ راحته وياي في البيت ويقولي انتي السبب لانك ماخره العرس على الفاضي. صار يعصب على اتفه الاسباب ودايما يتحسر لانه ملك علي ويقولي ان بنات الناس وايد وليتني اخذت وحده وتزوجنا في شهرين وارتحت, ويهددني بالطلاق ويقول اني انا بكون السبب لاني ماقدمت العرس. بعد 5 شهور العلاقه صارت مشحونه بيني وبينه حصلت مشكله بسيطه وانا اكلمه بالتلفون وعصب وطلقني والحين انا طالقه منه طلاق بائن يعني علشان يرجعني لازم عقد ومهر جديد ولازم يخطبني من ابوي مره ثانيه, في البدايه ابوي كان رافض انو يرجعلي لكن في الاخير ترك القرار لي, وانا بعد رافضه اني ارجع له لان اللحظه اللي طلقني فيها كانت مثل الصدمه وحسيت فيها ان كل احلامي احترقت وما عاد تقدر ترجع وصار عندي نظره تشائميه للزواج. الان صار لنا شهر من طلقني وهو للحين يحاول مره يجي لوحده ويجلس مع ابوي ومره يجيب ابوه وامه وانا رافضه حتى اني اقابلهم. هو تاسف لابوي وتعهد انه يلبيلي كل رغباتي علشان ارجع له, لكن انا خايفه منه يطلقني في المستقبل. الموضوع للحين طي الكتمان وما اشهرنا الطلاق, شوروا علي اخواتي ارجع له واطوي صفحة الماضي ولا كل واحد يروح في حال سبيله!!
بس انا انصحك انك ترجعين له بس تسوين شروط جديده وصعبه شوي عشان ما يستهتر بطلاق ولا يحس انك رجعتي له بسهوله او انك رخيصه .
مثل لو تشرطي عليه ما تكون فيه زيارات لين الزواج والمكالمات تكون خفيفه وموعد الزواج تاخرينه شوي عشان يتأدب
واهم شي صلي صلاة الاستخاره واتخذي قرارك بنفسك عشان ما تلومين احد بعدين انه اجبرك او ضغط عليك
موفقه انشاء الله
بس لاتتشددين كثير عليك وكملي دراستك ولاعاد يجي البيت
الا اذا زيارة خفيفة وبوجود اهلك حولكم
وعلميه كيف يضبط اعصابه ولاعاد يكررها وفهميه انه لوكان راح يستمر
كذا راح تنهد حياتكم حتى قبل لاتبدا وانت كمان عليك عبء انك تساعديه يتغير لااحسن
بالمعامله الطيبة والكلمة الحلوة وارفعيله من معنوياته وشجعيه
والله يوفقك
الرجال شاريك ورايدك
صحيح انه غلط لما تسرع وطلقك
لكن باين يحبك
ع كلا صلي استخاره وربي يوفقك
|
المشاركة الأصلية كتبت بواسطة بسمة الحياة0
 من رائي ترجعين لكن بشروطك
بس لاتتشددين كثير عليك وكملي دراستك ولاعاد يجي البيت الا اذا زيارة خفيفة وبوجود اهلك حولكم وعلميه كيف يضبط اعصابه ولاعاد يكررها وفهميه انه لوكان راح يستمر كذا راح تنهد حياتكم حتى قبل لاتبدا وانت كمان عليك عبء انك تساعديه يتغير لااحسن بالمعامله الطيبة والكلمة الحلوة وارفعيله من معنوياته وشجعيه والله يوفقك |
معاها ف الرأيي 