بسم الله الرحمن الرحيم
حبوبات شلونكم 
عساكم ع القوه
اتمنى تكونون بخييير 
اليوم جايه بلوك سويته اليوم لأول مررره .. كانت عندي طلعه مع صديقاتي و ما كان عندي خلللق اسوي ميك اب كثير و كذا .. و كنت مستعجله اصلاً و متأخره و كذا ..
من الصبح صحيييت من النوم و وجهي كللله طالع قشره .. من الجفاف و من الجو .. مرره كأبتني .. سويت سكراب مشمش من "جوي"
هذي صورته
خففها شوي بس ما شالها كلها .. لكن خلى وجهي منووور .. المهم بكل نشاااط قمت و سويت " لب عيش" يعني هذا اللي يكون من جوه في الرغيف .. و مويه .. و عجنته و خليته شوي يتخمر مسافة ما تروشت و غسلت وجهي و شربت الشاهي و تريقت .. و رحت سويته على وجهي .. حطيته شوي على وجهي يعني يمكن خمس دقايق .. بعدين صرت افركه شوي شوي لين طلع كله ..
اذا لقيتي جزء نشف حطي عليه شووويييه ماي و افركي لين يطلع .. تأكدي انك فركتيه كله و طلع .. بعدين غسلت وجهي بماي بارد ..
بعدها صبرت شوي جلست ع النت اطقطق .. بعدين رحت و جبت حبتين بندول اكسترا .. طحنتهم و حطيت عليهم زبادي و قلبتهم مررررره .. و خليتهم يتخمرون ربع ساعه .. بعدين حطيتهم ع وجهي و كملت طقطقه ..
ما شاء الله يا بنات يوم غسلت وجهي كان صااااااافي و مرووووق و منووووور .. ما شاء الله ما شاء الله حتى خالتي علقت و راحت سوت من باقي الزبادي اللي كان بالصحن ..
بعدها بديت بالميك اب .. اول شي سويت سن بلوك .. و وزعته كويس .. استعمل سن بلوك من سيباميد .. 50 .. مرررره حلوو .. ما يدهن و لا يطلع حبوووب .. ما شاء الله .. هذا شكله .. و احلى شي فيه بعد انه يسوي تغطيه حلوه تصيرين كأنك حاطه فاونديشن .. و يخلي بشرتك ما شاء الله صافيه تظهر ..
بعدها حطيت نقاط صغييييييره من الفاونديشن حقي .. من فلورمار .. تكلمت عنه بمواضيع سابقه .. مرره حلو و ما يظهر انه قاعد على الوجه .. و اهم شي انه ما يزيت و يلمع لأنه مات يعني مطفي .. يعني كأنك مو مسويه شي .. كأن وجهك كذا صافي طبيعي ما شاء الله .. بس حطيت شوي لأني اصلاً حاطه السن بلوك
بعدها سويت شووووي من الكونسيلر حق قولدن روز تحت عيوني .. الحمدلله هالمره مافي شي ثاني احط عليه كونسيلر .. بس للهالات .. السهر و النت و كذا خخخخخ .. هذا اللي فيه فرشه منه و فيه .. اللي عامل مثل القلم .. هذا ..
بعدين ببودره فاتحه سايبه من ماك تنور الوجه كملت آخر لمسه
[IMG]https://www.moderncosmetics.com/wp-**************/uploads/2009/07/mac-powder.jpg[/IMG]
الحين نبدا بالميك اب ..
الحواجب .. استعملت قلم تاتو حواجب من قلوبال .. ما لقيت له صوره .. المهم مرررره حلو و ما يسيح ابد و يثبت و سهل التحكم فيه .. رسمت حواجبي بهالطريقه :-
1- اول شي تحددين مكان بداية الحاجب بأنك تحطين قلم من بداية عينك لين اول حاجبك .. يوم توصلين لبداية الحاجب حطي عليها خط رأسي بالقلم ..
2- تحددين مكان قوس الحاجب بإنك تحطين القلم بشكل سيافي من انفك لين حاجبك .. يوم توصلينه بعد حدديه بالقلم
3- آخر حاجبك حدديه من آخر عينك و بعد حدديه بالقلم ..
4- بعدين وصلي على حدود حاجبك و املي الفراغات جوه الحاجب
احرصوا حبيباتي على ان حاجبك يظهر بقدر الامكان طبيعي .. يعني مليان و محدد و حلو بس طبيعي ..
بعدها ننزل على العيون ..
استعملت ظلال من بورجواز اللي تجي فيها لونين واحد فوق العين و واحد تخططين فيه العين من تحت ..
هذا اللي عندي بالضبط .. نفس هذي الألوان .. الوانه مررره هاديه و حلوه و تثبت .. انا حتى زوجي كان يلاحظ يوم احطها مع انها تكون خفيفه و راااايقه مرره و ما تبين .. بس يقول لي منوره اليوم .. لأن يظهر ان فيه شي حلو بس ما يندرى وش هو ..
المهم سويت كاااامل جفني المتحرك باللون الوردي الهادئ هذا .. و بنفس فرشته لآن فرشته حلوه تاخذ الكميه المناسبه تماماً و توزعها باحترافيه من غير تعب ..
بعدين شلت البني .. و خططت فيه تحت خط الرموش السفلى بعيني .. بس كثرته لأني ما كنت بسوي كحل .. خليته خارجي و سفلي هالبني .. و مرره زبط .. مثل اللي بالصوره بالضبط
بعدها استعملت آي لاينر قلوبال .. ما حصلت صوره له بس هو مرررره يجنن ..ما يتقطع و يسوي حركات الآيلنرات الثانيه ذي .. و فرشته مره حلوه و سهل التحكم فيها .. مشكلته الوحيده انه مو ووتر بروف .. يعني تغسلين وجهك خلاص كل شي ضاع .. بس ممكن تشيلينه وياك اذا بتطلعين و كذا تصلحينه اذا غسلتي وجهك و لا توضيتي و لا كذا
بعدها تممت على الموضوع بماسكرا فلورمار .. احب استعملها للطلعات الخفيفه و بالصيف عموماً .. لأنها ما تبين ابببد انك مسويه ماسكرا .. بس ترفع الرموووش و تطولهم و تكثفهم .. و كأنهم رموشك الطبيعيين بالزززبط .. و ما يظهر عليها ابداً انك مسويه شي برموشك .. ما شاء الله
انا عندي الزرقا 
بعدين سويت روج بمبي هذا اللون
ما اذكر ماركته .. و حطيت فوقه ملمع شفاف ابيض .. خلى عليه لمعه خفيفه و وزع الروج ..
مع الشرح الكثير بيظهر هالكلام كثير و طويل و ممل .. بس و الله مع الممارسه و التطبيق بتلاقين انه ما بياخذ و لا خمس دقاااايق
اذا عجبكم الموضوع لا تنسون التقييم فديتكم
كفيتي ووفيتي ماقصرتي
تسلمي لي
لاننحرم جديدك ياغلاتي
=)
❤❤❤❤❤❤❤
مِنْ أَنفاسِ لَا تَهْدَأُ .❤. يَبْدَأُ الْحَديثُ
وَحِينَ يُعْلِمُ أَنَّه إِلَيكِ .❤.
يُلْبِسُ حَلَّةُ الْقَصِيدِ .❤. وَصَوْتَ النَّغْمِ
إِلَيكِ أَكُتُبَ .❤. واصابعي تُرْقِصُ عَلَى لَوْحَةٍ الْمَفَاتِيحَ
تَعَلُّمَ انها تُكْتِبُ لَكَ .❤.
إِلَيكِ أَكُتُبَ .❤. فَلَا تَتْرُكِي الْقَلَمَ يَتَعَذَّبُ ..❤.
أعجبتني مِنْ أَجَلِّكَ ❤ سَأُحْضِرُ الْقمرَ عَلَى كَفِي
وَسَأَزْرَعُ ❤ الْوِرْدَ عَلَى خُدِّيِ
سَأَهْدِيكَ ❤طُفولَتَي
وَأَرْقِيكَ ❤بِشَبَابِيِ
كَذَاكَ كَانَ مَوْضُوعُكَ❤
لَكَ خَالِصَ❤ اِحْتِرَامِي
❤❤❤❤❤❤❤
من ناحية العناية بصراحة استغربت من قناع لب العيش
وماركات الماكياج بالذات الماسكرا شكلها غريب لاول مرة اعرفها من وين شريتيها
وشكرا لكي عزيزتي
بالنسبة لماركة فلورمار دوريها بقوقل و ان شاء الله تحصلين نتائج مرضيه حبيبتي