السلام عليكم ورحمه الله وبركاته::/
مهما قريتي طرق رجيم , وصفات , انظمه غذائيه لازم تمتلكيـن [….]
اول خطـوه نحو "الرشـاقـــــــــه"هي الاصرار والعزيمـه !
دايما الانسان في بداية المشوار بيواجه مشاكل وعثـرات , نفس الشي اللي يبي يضعف
اول شي بيحس بصعـوبه , طبيعي هالشي ! لانه مب متعود على الحركه والرياضه والنظام الغذائـي !
"" انا اتنشط اول الايام بعدين اتكيسل واطنش , بس انا خاطري اضعف ""
هالكلام كثير انعاد , طيب شالحــل ؟
لازم تكون عندك عزيمه كبيـــره"اصـــرار"
من وين تجي هالعزيمه ؟
الاصرار والعزيمه الله يسلمكم تجي اذا انتوا كنتوا بالفعل تبون تضعفون !
وعشان ماتنسون هدفكم " جسم رشيق وحلـو "
تعالو بقولكـم :$
اول شي سويلي دفتر خاص فـ"الرجيم" ودوني فيه كل شي انتي خاطرك فيه
تبين تطلعين لك خواصر , تدخلين الكرشـه , فخذك كبير ..الخ "جميع ماتحتاجينه للوصول الى هدفك"
همسه : دلعـي نفسك واشتريلك دفتر يفتح النفس مب استاندر ..
ثانيا :
علقي في غرفتـك وفصالة الطعام وفالمطبخ عبارات ايجابيه تذكرك في هدفـك
مثلا كتبي عليهـا وزنك المطلـوب , أو "انا اقـدر" , " جسمي بيصير احلى من هالمطربه" …الخ
ومثلا لو كنتي ماشيه على نظام غذائي
وشفتي قدامك كافـي ودش في خاطرك تاكلينه
تخيلي نفسك نحيفه وقولـي في قلبك
" عشان هالنتفة كافي , اخرب على نفسي حلمي ؟؟ "
او مثلا تذكري التعب اللي تعبتيه فالرياضـه وقولي
" هالنتفة كيك تستاهل اني العب رياضه عشان احرقها ؟؟
احرق اكل سنع احسن من اتعب نفسي عشان كيك اكله ويروح طعمه "
وحسسي نفسك انك غبييييه "مع احترمي لكم" اذا كلتي هالاكله اللي قدامك.. وقـااومي
وبعدين انتي طـول وعرض وشكبـرك , تخلين هالنتفه تأثر فييدك ؟
لاتخلين قطعه صغيره تخرب عليكي هدفك
اوراق بأشكال حلوه تكتبين فيها العبارات وتحطينها فالمكان اللي تبينه
ثالث أشي
الشاي الاخضـر
وما أدراك ما الشاي الاخضـر !
هذا يبيله موضوع لحالـه
بس باختصـار بقولكم الزبده
ان لم تشرب 3 او4 اكواب من الشاي الاخضر اليوم،انت من الواضح لاتقدم أي خدمة لصحتك
[يساعد على تخفيف الوزن , حرق الدهون , يزيد من نسبة الايض الطبيعي
(حرق 70 وحده حراريه فاليوم الواحد) وفي السنه 18 كيلو]
سووا سيرك في عم قوقل وشوفو بحر من المعلومات عن الشاي الاخضر وو فوائده
بس سمعوني زين > اقصد اقروا عدل **
لاتزيدين عن 4 اكواب شاي اخضر فاليـوم , عشان النتايج ماتنعكس
لاتشربينه اثناء الاكل او قبله او بعده مباشـره , يابعد الاكل بساعه ياقبل الاكل بساعه
لاتشربينه على جوع
"انتشرت شائعه تقول انه الشاي الاخضر ينقصك مادري كم اذا شربتيه على الريق
هو صحيح ينقصك! بس يجيبلك الامراض فاحذري"
اتمنى اني افدتكم بالموضوع ..
اذا عجبكـم الموضوع .. تكفووووووون لاتبخلون علي بالتصويــت
و لاتبخلوون بالدعوه في ظهر الغيب
وشكـرا لدخولكم موضوعـي
وإلــى اللقاااء
