اللسلام عليكم ورحمة الله وبركاته
بدش بالموضوع مباشرة انا بنت عاديه شكلا وخلقا المهم انخطبت كذا مره بس ماتمت الخطوبة عمري الان 33 سنة
من دخلت ال30 اللي يخطبوني كلهم متزوجين وانا خايفة اقبل بمتزوج اول شغلة مابي ابني سعادتي على تعاسة غيري الشغلة الثانية انا انسانة ودودة ومسالمة ومالي وسوالف الحريم ومشاكلهم فخايفة من كيد ومؤامرات الحريم
لي ثلاث سنوات انخطب من متزوجين وكلهم الحمدلله كانوا مناصب بس كنت ارفض لانه متزوج وامي رافضة اكثر مني تخاف علي تقول اعرف ماتقدرين على الحريم وراحمتني
المهم وطي اتزوج ويصير عندي عيال
من 8 شهور ماتقدم لي احد ابد وكنت من سنتين داخله موقع زواج استطلاع وشرافة وتعرفت على واحد متزوج وتباطلنا الايميلاات بس ماطولت معاه من 8 شهور بديت اسولف معاه بالمسنجر والله باحترام واطري غلط لكن شنو اسوي تعبت ابي احس بحب وحنان وكل رفيقاتي وقريباتي اللي بسني واللي اصغر بعشر سنين مو متزوجات الا مخلفات حسيت اني ناقصة
اللي صار قال ابي اخطبك
مقهورة ان شكله ووضعه الاجتماعي اقل بكثييير من اللي قبله ورفضتهم لانهم متزوجين وهذا متزج يعني احس بحسرة. ذاك كان بيعيشني بفيلا وخطم وحشم وخطبني 3 مرات اما هذا بشقة وايجار
غير الشكل مره مو حلو
المهم حاولت اقنع نفسي وارضى
اللي ابغي استشيركم فيه :
الان خايفة يعني يعايرني انه خطبني عن طريق مواقع الزواج
وخايفة اني ما اعجبه لانه يبي نظرة شرعية واهلي ماعندهم هالسوالف واخاف يقبل بدون نظرة ولا اعجبه عقب الزواج او اخاف يقبلون اهلي بالنظرة و يصد ويترركني واتحطم
انا كانت ثقتي بنفسي عاليه بس انهزت بسبب عنوستي
كنت حلوة قبل وبشرتي وشعري زينين الان كلي حبوب وهات سودا وشاحب وجهي وشعري ميت واجد تغيرت عن قبل سنوات يمكن السن له دور والتفكير بالعنوسة يأثر ماادري
ابغي نصيحتكم وشوركم تكفون لاتبخلون علي ولا احد يجرح فيني اللي فيني كافيني
في حفظ الله
و عادي اتزوج من متزوج ؟
اتركيه لوجه الله تعآلي وانطري نصيبك اناا اعرف وحده تزووجت وهي عمرها 37 سنه لاا واملهاا كبير وتقول بآقي ماعنست ولا طآفني القطآر
خلي عندك امل وثقه بنفسك وبرب العاالمين وانتضري الي يجيك من البآب
واذا مآجآك الحيين اكيد بيجيك في الجنه ان شآء الله
لا تستعجلين علي وجع الراس والمسئوليه ي بعدي اصبرري ومابعد الصبر الا الفررج
وعسي ان تحبوو شيئا وهوو شر لككم وعسي ان تكرهوو شيئا وهوو خيرا لكمم
موووفقه خيتووو
احيانا يجب علينا التفكير جيدا ومن عدة نواحي
المتزوج يا قلبي لو ما لزوجك انتي بيتزوج غيرك
وكيد الحريم تقدري عليه و نص لانك حرمة مثلهم
فكككري جيدا قبل رفض العرسان
حتى فاتك القطار