السلام عليكم يا اخوات
مشكلتي بختصار اني لما اجلس واتكلم مع خطيبي احسب للكلمه الف الف حساب قبل ماتطلع,والله تعبت وكرهت نفسي,حساااااس جدا لا بعد حد,ولما اقوله انت حساس وما تتحمل يقول:هذي ضريبة الحنيه الزايده عندي!!
دايم لما نحكي مع بعض يطاااالب كثير وبس يعطيني اوامر اتمنى من زوجتي تسوي…,وياليت زوجتي تكون…..,وابي منك تعملي كذا وكذا,وانا ساكته واقول حااضر,لكن لما ابدا اتكلم انا يقول انتي تجادلي!!ويعتبر النقاش والحوار جدل ماله داعي!!وياما جرحني ومع كذا اتغاضا,اما هو مايقبل ولا كلمه مني!!
آخرتها قبل امس غلطت بكلمه وربي ندمت اني كلمته فتحلي سين وجيم وثار علي مع انه هو اجبرني اكلمه بهالطريقه!وجلست اراضي واهدي فيه ساعه كامله,ويقول هذا واحنا بالبدايه,هاذا هو طلب رضى الزوج عندك !طلع وقلت لاشعوريا(قلعه تقلعك))والله غصب عني واستغفرت لاني ابكي بكا منه!!
واخاف افاتحه بأي موضوع,صرت متردده بالارتباط فيه مع انه حبوب وملتزم واخلاقه حلوه,وبار بوالدته,مع العلم ان عمري21سنه,وهو34سنه ومطلق!!
هل اتراجع واسال الله العوض مع ان هالاحتمال ضئيل!!
ولا اطنشه واخاف اني انفلت عليه باي لحظه؟؟
تكفون ابي طريقه للتعامل مع شخصيات مثل كذا,سريع الغضب بطيئ الرضى!مع العلم اني استخرت وارتحت كثير..
شوروا علي تكفوووووووووووووووون باسرع وقت هو الحين مسافر واحاول القى حل بسرعه قبل لاطفش وانسحب,
ما ادري كيف نتعامل مع هالرجال ماوراهم الا النكد والمشاكل.
.
بس نصيحتي لك لاتعتمدي على استخارة مرة وحدة او اثنين
طول الوقت استخيري بارتباطك معاه
كمان استخيري الله بمشكلتك هذي والله باذن الله اي حل تتخذينه او اي شي تسويه باذن الله انك ماراح تتحسرين
وان شاء الله ربي يعوضك خير
تحياتي لك
رسمة غلا
انا استخرت كثير وكل ماي ارتاح اكثر,وانا احبه صعبه نتفارق لكن بنفس الوقت اخاف ان هالشي يزيد عن حده ويسبب مشكله تضرني انا!!
الي يقهرني انه يقول انتي ماتراعي مشاعري ولا خاطري؟؟
وهو مو راضي يقدم هالشي!رغم اني اراعيه كثييييير بس مايقدر ابدا!
احس انه اناني ومايفكر الا بنفسه!!
حاولت افهمه لكن يقفل عالموضوع ويقول انا ما احب الجدل!!
ابي طريقه اتعامل فيها معه..!لاني صعب انسحب ما راح احد يقبل هالشي!
وش اسوي؟؟
والله كأنك تتكلمي عن زوجي
يدقق على كل شيء ويزعل من كل شيء حساس لدرجه جاب لي الهم وتعبني من كثر مااراعيه بس اللي مخليني متحملته انه طيب وحنون بس حساس وياويلي من الحساسيه
مااقول الا الله يسخره لك
الله يسخره لك ويبعد عنكم المشاكل
ولازم تتحملي اصبري الشكوى لله
اصبري مثل ماصبرت انا هههههه
ولاتضيقي خلقك وعيشي حياتك معه بما أنه انسان طيب واخلاقه حلوه
شايفك تناقزي عشان تراضيه ويتغلى عليك الله يعينك اثقلي يااااااااااقلبي اثقلي وبيجيك على راسه بس اصبري شوي موووووووفقه
يبي وحده مثل الحوريه سالمه من العيوب ودايم يشوف نفسه انه ملك مايغلط ابدا!!!
خلاص طفح الكيل والنفس طابت بديت احس بفتور بمشاعري تجاهه ومايهمني لو تركني..
دعواتكم لي ربي يعوضني عاجل غير آجل..
ومشكورين خواتي اللي ساعدوني وماقصرتم.