السلام عليكم ورحمه الله وبركاته
انا بنت سنه اولى بالجامعه أفترقت عن صديقاتي كل وحده بجامعه يعني
اظطريت امشي مع شله من بنات فصلنا لكن للأسف جداً سيئات هالبنات ><"
تخيلوا جالسين بقاعه المحاظره وراحوا ركض لـ بنت عم صديقتهم بثاني سنه تحضيري
لانها جايبه أكل ويطبوا يأكلون وهم مَ يعرفونها مررهه بس انا استحيت أجلس اًصلا
لانهم ماقاموا البنات يسلمون علي أظطريت أجلس وراهم بدال ماجلس معاهم ع الكراسي
الشي الثاني انو جالسين بالكافتيريا قالوا لي فلآنه بآقي آنتي مَ سويتي شي
روحي اسرقي لنا ورق العنب تأزمت وش خير أسرق ؟
قلت لا مستحيل أروح ويروحون يسرقونه ولما سرقوه جالسين يأكلونه قدام البنات بكل جراه
والكل يناظرني تعرفون شمعنى تفشششلت احس مو هاذا مكااني
ابي صديقاتي اللي قبل
وابي أكون صداقات بالجامعه والمشكله ماعرف أحد
ومالي ألأا هم
رغم انهم حاطيني بالهامش يعني انا والمزهريه واحد
فجأه ماسكه يد وحده فيهم تجي وحده وتمسك يد اللي معي ويسحبون علي
انا اخذتهم تسليكه ولابي أضيق عليهم لدرجه أني أبتعد عنهم لاشفتهم يتخافتون
ولا يأكلون رغم انهم احيانا يحسسوني انهم يحبوني ويحترموني
واحيانا أحس نفسي ثقيله عليهم
احسهم يحسوني نفسيه
بس والله حركاتهم تقهر وضحكهم ع البنات
وراعيات اعجاب وخرابيط وانا ابد مو يم هالحركات
ياربي ساعدني تأزمت وانا لي بس اسبوع مداااومه 
ابي أكون جريئه وأكون لي تأثير ع الغير
اخاف انصحهم ويكرهوني 0_0
عطوني رأيكم ,
رجاء الله ماعندها خبره ولا سالفه لاتجي تفلسف
لاني هنا حطيت مشكلتي ابي ناس فاهمه ترد وتجاوب علي
لان تأكدو كل الي بتقولونه راح اطبقه ويلآ سلآلآم :"
بس من ثاني كورس بديت اتعرف على البنات الي معاي بالكلاس
واثنين منهم صارو اعز صديقاتي
وصرنا اعز من الاخوات بعد
وصديقات المدرسه صارت علاقتي فيهم سطحية
لاتحاتين توج بأول سنه
الا ماتتعرفين على بنات غيرهم
واذا لقيتي بنت محترمة تمسكي فيها
وعطيها رقمج وخلج على تواصل معاها
موووفقه
لا تاخذيهم تسليكه ولا شي ..لأنك بالأساس مو مرتاحة معهم
بتلقين ألي مثلك و حتى يأتون دعي المكان خالي لهم
ومن ترك شيء لله عوضه الله خيراُ منه
لاني هنا حطيت مشكلتي ابي ناس فاهمه ترد وتجاوب علي
لان تأكدو كل الي بتقولونه راح اطبقه ويلآ سلآلآم :"
انا بصراحه حابه ارد عليك بس خفت اذا كتبت شي تعتقديه تفلسف ونزعلين
ع العموم موفقه
وتعرفي علي غيرهم الجامعه مليانه بنات والله يعطيك الي تتمنينه مثلي :))
| عطوني رأيكم , رجاء الله ماعندها خبره ولا سالفه لاتجي تفلسف لاني هنا حطيت مشكلتي ابي ناس فاهمه ترد وتجاوب علي لان تأكدو كل الي بتقولونه راح اطبقه ويلآ سلآلآم :" |
اسمحي لي اختي قبل ما اقترح عليك بالحل
أحنا بهالقسم أخوات ونتساعد مو نتهاوش
وكل وحده بهالقسم لها اﻻحقيه تحط رايها واقتراحها على حسب الي تشوفه مناسب واكيد كلنا ولله الحمد عندنا خبرات متفاوته وﻻ ماكان دخلنا باﻻساس عشان نتساعد واتمنى ماتقللين من قيمة اي وحده ترد اوتعتبرين كلامها مجرد فلسفة..!
المهم اجي لمشكلتك
انتي ذكرتي ان الصحبه غير صالحه وعليهم حركات ومعتبرينك مزهريه والخ
انا اشوف تتركينهم افضل لك
وﻻ تحطين في بالك ان مالك اﻻ هم ﻻنهم بيشوفونك نفس النظرة انك مالك غيرهم وبيسوون حركات اكثر وممكن يخلونك مثلهم .. انتي كوني لك صداقات مع صحبه صالحه وتعينك على الخير ﻻنك ان ظليتي معهم راح تتأثر نفسيتك بتحسين حالك مهمشه حتى مع غيرهم ﻻنك بتكونين متعودة تشوفين نفسك مهمشة الصاحب ساحب يا انهم يسحبونك على قدام او يسحبونك على ورا
انتي دوري لك على بنات تحسينهم مناسبات لشخصيتك واخلاقهم راقيه ﻻن البنات ذوﻻ مايعاملونك بهالشكل اﻻ ﻻنهم يشوفونك غير مناسبه لهم
وانتي تبين يكون لك تأثير على الغير وجرئه وهم بيكونون عائق عليك ﻻنهم جزء من مجتمعك
فاﻷفضل تشوفين غيرهم
الي يشوف انك ثقيله عليه ﻻتوقفين عنده
انا جربت وتندمت الي ماشيت من يستثقلني ﻻني صرت استثقل غيري نوعاً ما ﻻني اخذت على حركاتهم
واحس اني ثقيله
انتي لحقي على نفسك دامك اول اسبوع وان شاء الله بتشوفين اﻻفضل منهم
بالتوفيق