السلام عليكم و رحمه الله و بركاته
صباحكم // مسائكم
رضا و سعاده
مشكلتي هي مع صديقتي
صديقتي استغلاليه بمعني الكلمه
ابوضح لكم الصوره عشان تكون واضحه اكثر
انا ادرس في الجامعه و باقي لي سنه و اتخرج الله يسهلها يارب
علاقتي مع هالبنت بدأت من سنه تقريباً لاحظت ان فطورها يومياً على حسابي و مذّكرات موادها على حسابي و الله احياناً تطلب مني اشياء اتهاوش مع امي عشان خاطرها و هي عارفه هالنقطه اني ما اقدر اردها
انا صراحه مره تعبت و ابغي طريقه عشان اتعامل معاها بحيث اني ما اكسر بخاطرها و لا انسي العشره اللي بيننا
وجزاكم الله خير
و دعواتكم
فلا تتكل عليكـ بهذا القدر !
قدمتي لها كل اللي تحتاجه و بزياده
لما يجي وقت الفطـور قولي ما معاي
فكه يا دوب مصروفي، و لا اوف نسيت
محفظتي بالبيت إذا ما اضطريت لو كنت
مكانك اعطيها بوجها ،، <لأأني اكره هالنوع من الناس
لا تتهاوشي مع امك عشانها
يمكن في يوم تنساه لك هذا كله ..
واذا ظروفك صعبه فاعتذري منها ان ظروفك ما تسمح وما معك
حتى لو محتاجه ..تعف نفسها وتعزها
تستحي مو كل يوم …….وتحفظ كرامتها
وفيه ناس مو محتاجه بس والعياذا بالله تحب الشي ببلاش …
قولي لها …ودي اخدمك من عيوني ..بس مصروفي مايكفي ..
وهي كيف ظرووفها جيدة ام محتاجة ؟
قولي لها مثلا بالفسحة ما معي فلوس خلصت فلوسي نسيت فلوس
حتى المذكرات على حسابك !!!!!!!
ولا تتهاوشين مع أمك علشانها
ودايما اعتذري منها باعذار لو تافهه علشان تطفش منك وتروح
إلا اذا كانت ظروفها صعبة وقتها تحملي وربي مارح يضيعك
,*
تهاوشتي مع امك علشان بنت ماتقدر وضعك وتستغلك !!
لاياقلبي لاتسكتين لها طلب صعب عليك قولي ما اقدر دوري غيري يعطيك ّ
وعلشان مايدور فيك الزمن وتتحسفين انك ما استغليتيها استغليها الحين واطلبي لها طلب صعب يخليها تتهاوش مع امها وابوها .. صدقيني هذي اول ماتتخرج من جامعة تغير رقمها وتسحب عليكّ ..
وهـ السنة الجاية خليها تفطرك من حسابها وملازم من حسابها مذكراتك على حسابها صدقيني راح تمل وتسحب عليك بس اذا سألتك وين فلوسك قولي ف العطلة تدينت من بنت عمي او بنت خالتي اي وحده من خارج جامعة قولي لها مبلغ كبير علشان اشتري ملابس واحضر زواجات وحفلات واستراحات وجمعات حريم ..الخ ..
ترا الفلوس الي تاخذها منك دين برقبتها خليها ترجعها بدل او كاش _
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()
غيري اسلوبك وتعاملك مع الناس ويكون لك شخصيه افضل