صديقتي اشتكت عند الارشاد الطلابي عليه اني فيا قمل الطبيب يجيب 2024.

هذي اخرتها صديقه معي منذ الابتدائي حتى الان في الثانويه تروح وتشتكي عليه ب امر مثل هذا
كلكم تعرفو ان القمل منتشر بشكل مخيف ذي الايام بس ماعمري توقعت في يوم اني رح انعدي معروف الشعر كل ماكان ناعم كل ماكان عرضه للاصابه بالقمل وانا شعري ناعم وفوق كذا طوييييييييييل مره يعني لو يجي قمل فيه صعب يروح انصدمت وانفجعت تخيلو بجد تمنيت اموت ولا اتعرض لموقف محرج زي كذا هيه صح صحبتي بس فيه بنات كانو يقولولي ترا تغار منك وحاقده عليك وانتبهي وانا زي الهبله ما اعرف شي اخرتها راحت عند بنت بالفصل تكرهني واتفقت معاها وخلتها ترووح الارشاد الطلابي وتشتكي تقول فلانه فيها قمل والمصيبه الاكبر عشان خطتها تصير صح عندها اخت صغيره بنفس صف اختي انا خلت اختها تروح تشكي على اختي انها فيها قمل عشان تصير سمعتنا شينه ياربي مقهوره احس ببكي انا وامي حلينا المشكله ونضفنا شعور خواتي وانا والخدامه عندها خبره كمان وساعدتنا بالشي هذا لاكن بعد ايش بعد ما الحقيره هذي سوت كل هذا ماني مصدقه كيف بنت وصحبتي وانا يشهد الله ياما شفت بنات فيهم قمل والله ماعمري جرحتها ولا علمت عليها وفضحتها والله استر واسكت يمكن انصح لاكن اخاف اجرحها واراعي مشاعر الكل ونفس هذي البنت اللي اشتكت عليه اتوقع هيه عدتني حتى لاني شفت فيها من قبل بس مافكرت اجرحها بس صرت الم شعري وابتعد وفجأه ياربي مقهوره والبنات قالو لي انها هي سوت كذا انا ماكنت ادري والله حتى هي ساكته راحت من ورايه تشتكي وقدامي زي العسل وتضحك وتسولف عادي وتسوي انها تحبني بس رحت الارشاد وقلت مشكلتي وضحكت الاستاذه وقالت ايه هذي البنت نفسها جت عندي واشتكت وفيه من فصول ثانيه اشتكو والمصيبه يعني المديره تكلمت في الطابور قالت الفصل الوحيد اللي مالقينا فيه قمل هو فصل ثاني ثنوي يعني فصلنا كانت سمعتنا حلوه وراحت خربت علينا قالت فيه بنت فيها قمل مافي فضيحه اكبر من كذا والله احراج وقالت قدام كل العالم واحرجتني الحقيره ياربي مقهوره ابغى اخذ اجر العافين عن الناس واسامح بس ماقدرت غصب عني مره قهرتني كرهتها من كل قلبي معقوله الغيره تسوي كذا كل هذا لاني مخطوبه وهي لا وتقولي ليش انتي شينه وتنخطبين وانا حلوه واهتم بنفسي وكل شهر صبغه وما انخطبت والله اليوم بالدوام تدعي عليه بالمموت تقول يارب تموتين الله يجعلك بحريقه وقامت تدعي بدون سبب اش الحل مقهوره منها وبنفس الوقت ما ادري اش اسوي موقفي صعب جدا واحراج مره

كيف تعاملك بمعامله حسنه وزي العسل ثم تقولين تدعي عليك وبدون سبب ؟
كلامك متناقض عزيزتي وكل ماكتبتي الموضوع بوضوح جاتك الردود المناسبه للمشكله
على العموم كل شخص ممكن يتعرض لهالموقف وتذكري انه ابتلاء وان الله اذا احب عبد ابتلاه ولا تزعلين على صديقتك لانها علمت ماتنلام اكيد خايفه ينتشر ومن حقها ولا تعتبرين لانها علمت المشرفه فهذي فضيحه لا فيه سريه بهذه المواضيع ومستحيل المشرفه تحرج طالبه وتلمح لو بشيء بسيط ان فيها قمل امام زميلاتها انا اداريه واسمعي الكلام مني وارتاحي
ولا تحقدي عليها لانها ما كذبت يعني يكون فيك قمل واذا طالبه علمت عليك تزعلين وتنعتينها "الحقيره" ؟ غلط ياعزيزتي هذا الاسلوب
اخيرا اهتمي بنظافتك لانها الاساس بالعلاقات ودمتي بخير .

لا تخافين و لا تخلين هالموقف ياثر في نفسيتج و شو يعني مش معناته انتي مش نظيفه او شي هذي عدوه بس
ودري هالبنت وادعي الله يهديها و الله بيعوضج بصديقات طيبات و يحبونج