صدور الدجاج بصلصة الفريدولذييييييييييييييذه
مرحبا صبايا…..
انا احب الاكل الايطالي كثيييييييييير فجايبه لكم وصفتي المفضله
المهم ماابغى اطول عليكم اخليكم مع الوصفه ولا تحرموني من ردودكم 
المقادير:
الوصفه تكفي 5 اشخاص
5 صدور دجاج
2 علبه قشطه
1 علبة فطر ( اختياري)
بقدونيس
ملح- فلفل اسود-ثوم بس يكون بودره احسن
زبده
الطريقه:
نمسح المقلاه بالزبده <<<<<< لا حظو اني قلت مسح مو صب
نحط صدور الدجاج ونرش عليها الملح والفلفل اسود والثوم ونقفل عليه بغطا اي قدر لين ماتستوي الدجاجه وبعدين حطي الفطر وقفلي الغطا لمدة دقيقتين وبعدين حطي البقدونس لين مايذوب وبعدين حطي القشطه واذا حابه تحطي جبنه بوك عادي وخليه لمده 4 دقايق مغطى
وبالهنا والعافيه
معقوله 49 مشاهده ولا وحده حن قلبها وقالت شكرا على مجهودك
انا اللي بقولكم شكرا على مروركم العطر
شكرا الله يعطيك العافيه اناشاءالله راح تكون عشاء زوجي يوم الخميس
قهوه فرنسية اسعدني مرورك
ان شاءالله تعجب زوجك لا تنسي تقدميها مع مكرونه بيضا او ارز واذا زوجك عامل دايت فقدميها مع خضار مسلوق وبالهنا والعافيه
شكرا عزيزتي شكلها لذيذه ان شاءالله اجربها وكمان سهله بس ايش رايك مع الخبز تنفع
تسلم ايديك شكلها لذيذة الله يعطيك الف عافية