السلام عليكم ورحمة الله وبركاته,
بنات انا عندي مشكله وابي منكم الحل المناسب لها
انا في شهر 8 انخطبت من ولد عمتي
لكن مو رسمي…يعني الين ينهي دراسته باقي له ترم بس,
واهلي قالوا لهم مو حجز..يعني الدعوه مفتوحه متى ماجاء النصيب جاء
لأنه يبي الموضوع حجز ! 
يعني صار لي الان 3 شهور على السالفه
طبعا انا استخرت كثير عليه والحمدلله ارتحت كثير بشكل
والحمدلله امي وابوي مرتاحين له ماشاءالله تبارك الله,,
المهم اللي متعب نفسيتي اني ماني قادرة اخذ راحتي
يعني ممنوع اروح بيت جدتي بلحالي زي اول
لأنهم ساكنين هناك لظروف جدتي بلحالها,
ومو كذا بعد لا احس اني ابي اصير حره .
وبعكس اول نتجمع حنا البنات وسهر ونوم والان مااقدر اروح الا اذا كل البنات هناك..ومو دايم بعد.
مااستحمل انا
خاصة ان اخته تقربت مني وصارت علاقتنا عسل ماشاءالله تبارك الله
بعكس اول كنت مااستحملها على الرغم من طيبتها..الله يسامحني بس
المهم جزاكم الله خير انا حاسه ان السالفه مطوله يعني اخاف تعدي السنه هذي والى الآن ماصار شي…
يعني ابي ارسي على بر,,,مااجلس كذا لا بحر ولا بر
اما خطوبه…اما خلاص ولا شي
اما كذا مدري وش السالفه
واستحي اقول لأهلي على الرغم اني قريبه من امي وابوي عادي
لكن ذا الأمر استحي منه
وبتقولون لي قولي لأخته…اقولكم ان اخته مافتحت معي الموضوع
بس تسولف لي عنه بس (ومن هالكلام يعني)
طبعا مو امه اللي اتصلت علي…لا عمتي الثانيه هي اللي فتحت معي الموضوع وبعدها قالت لأمي وابوي..
فما ادري اكلمها اقول لها الى متى بنحكر
والا فشله وعيب
تكفون نسقوا لي كلام اقوله لأني ماادري وش اقول استحي
والله شي…مااستحمله ابد
اختي قالت ليه ماتصير خطوبه الى ماحضرة جنابه ينهي تطبيقه اللي هو مدري 3 شهور مدري والله كم بالضبط مهي حاله ذي ابد
تكفوووووووووووون وش اقول ولمين اقوول
احس مافيه الا عمتي لأنها اقرب له هو,,واخته استحاله
مسئلة انك تروحين عند جدتكـ عادي روحي
لانك توك مابعد تملكتي
واذا مارحتي يمكن يقولون
تستعرض تبي احد يخطبهاا يوم خطبنهاا طلعت على حقيقتها
يعني ماله داعي تطفشين بالعكس لاتغيرين حريتكـ عشان
الشخص مايغيرهاا ومسئلة عمتكـ انتظري لاتتصلي
اذا طولتي مره خلي امك دق عليهاا وتقول لها
ان البنت جاها خطيب وردته عشان ولد عمتها عاادي
لاتشغلين بالك بالموضوع وروحي واطلعي مثل ماتبغين
والله يوغفك وادعى لى بالزوج الصالح
انا من رايي تسالين الماما وماما تتكلم مع ابوك
الحمد لله الرجال مافيه شي ينعاب وهذا اهم شي
اكثري من صلاه الاستخاره والاستغفار
الله يوفقك ويسعدك