شفت الستات اشكال وانواع
في ست مش فى السوق تتباع
وست من غير سوق تتباع
شفت الستات اشكال وانواع
فى ست حفظه غيبة جوزها
لو حتى جه مين عكسها
لو حتى كان مين عوزها
شفت الستات اشكال وانواع
و ست لو عالباب اقفال
وفى بيتها ارطة من العيال
تدخل وتخرج برحتها
وتعمل اللى حرام يتقال
شفت الستات اشكال وانواع
وست بتحب جارتها
لو حتى فى يوم جرحتها
تنصحها بالين والاحسان
ولا مره تبوح بحكيتها
شفت الستات اشكال وانواع
وست عملاها لبانه
وعمله ال ايه غلبانه
تدخل وتخرج عالجيران
وتزن زى الدبانه
شفت الستات اشكال وانواع
وست تدى من غير حساب
ومبتسمه من غير اسباب
بتدور تكسب صدقه ازاى
وكل جيرانها لها احباب
شفت الستات اشكال وانواع
وست ديما كشريه
وفى شأن غيرها حشريه
مش عرفه تنكد هيه ازاى
على غيرها اصلها نكديه
شفت الستات اشكال وانواع
وست مهمله فى بيتها
وهيه خارجه يا حلاوتها
ريحه جميله منها تفوح
وتمحو كل حسناتها
شفت الستات اشكال وانواع
وست جوه بيتها عروسه
مسكرة زى البسبوسه
وبره البيت نلاقيها ازاى
محتشمه من العين محروسه
شفت الستات اشكال وانواع
يااللى انت ناوى تتجوز
مالك محتار كده ومبوز
حيران تنقى مين وازاى
طب بص ولا يوم تتنرفز
شفت الستات اشكال وانواع
دور على بنت الرجاله
هتبقى عينها مليانه
وتحفظك فى كل شىء
ولا يوم تقولك عيانه
وفاء الامير
|
المشاركة الأصلية كتبت بواسطة هاجر بيان
 يسلموا حبييتي
|
سلمتى اختى من كل سوء
شكرا لمرورك