[align=center]*** عالصالحية ***
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي روب الحرير إنشا الله يلبقلي
نسيني شي لا و الله .. لوعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
~~~~~~~~~~~~~~~~~~~~~~~~~~~~~~~~~~~~
*** بفتا هندي ***
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
حرير غالي و جنسو عالي .. و ما في منو يا بنات
هات ورجينا منو عطينا .. لنخيط منو بدلات
إنتي حلوة و ثوبك ناري .. بيضة و خدودك وردات
مهما بتعمل لا تتأمل .. إنك تقدر على البنات
و إنتي سمرة قلبك أبيض .. و عالسمرة قالوا حكايات
مهما بتوصف مهما تحلف .. بنعرفها كلها بلفات
إنتي حلوة و حسنك يضوي .. و أحلى من كل هالبنات
فتح عينك بيني و بينك أكثر من عشرة سنوات
سحرتوني و دلعتوني .. هاتوا عقلي يا بنات
مسكين عقلك ما بيلبقلك .. تتبيع بضاعة للبنات
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
:
[align=center]*** ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
~~~~~~~~~~~~~~~~~~~~~~~~~~~~
*** دندرمة ***
دندرمة يا دندرمة .. أنا ببيع الدندرمة
دندرمة بوظة بحليب .. تعا لعندي يا حبيب
ربي لا تقطع نصيب .. سيبني أبيع الدندرمة
يا بنت يلي عالسطوح .. عطيني حقي و لاروح
أنا بهواك لح سوح .. خليني بيع الدندرمة
يا بنت يلي واقفة .. على ايش كنتي خايفة
بس قولي لي شو شايفة .. ما بدك تاكلي دندرمة
دندرمة بوظة بليمون .. تعا لعندي يا حنون
بالقلب كنت مهما تكون .. تعالي دوقي دندرمة
دندرمة يا دندرمة .. أنا ببيع الدندرمة
…………………….تعي على الفي…………………….
تعي عالفي تعي عالفي انا بدي شوفك لحظة وفرح قلبي شوي
والبيضة قالت اناعيوني كبار مكحلة من الله وشعراتي شو طوال
روحي ياسمرا يا شعرك شعر الفار اد ما بتتغسلي ما بيتنضف بالمي
والسمرا قالت شو صاير بالشام رخصان الكوسا وغليان البيتنجان
روحي يا بيضا يا كوسا دبلان بأخر تشرين بكبوه بالمي
والبيضا قالت نحنا الكواكب ونحنا قعدتنا بأعلى المراتب
روحي ياسمرا يا زفت المراكب واللي بيهواكي رح يرجع بعد شوي
والسمرا قالت انا اصلي من القهوة مشروب الاكابر وجاية من مكة
روحي يا بيضا يبعتلك حكة واللي بيهواكي رح يتندم علي
والبيضا قالت انا اصلي من الحليب ويلي بيشربني بإذن الله بطيب
روحي يا سمرا يبعتلك قتله واللي بيشربك وبيهواكي ابدا ما بطيب
والسمرا قالت الله اكبر كل الجمال كله مرجوعه للاسمر
روحي يا ربيضا ياشوربة العسكر واللي بيهواكي شو بيتحسر علي
والبيضا قالت نحنا البدورة ونحنا قعدتنا بأعلى القصورة
روحي ياسمرا ياعصير البندورة ويلي بيهواكي ياقلبي شو مسكين
والسمرا قالت انافول وهية رز بنت الاكابر ومرجع الاصول
روحي يا بيضا ياصوف مبلول كل مين بيهواكي حالة من المية
والبيضا قالت انا لوني لون الفل مصمودة بالصدروبشموني الكل
روحي يا سمرا يللي لونك بحل اد ما بتتحمي ما بتنضفي بالمي
والسمرا قالت انا ورق العطرية واهلي ماباعوني كل ورقة بمية
روحي يا بيضا يا طشت اللبنية واللي بيهواكي مرجوعه الي
والبيضا قالت شو صاير بالجو العتمة وحشة ومافي احلى من الضو
روحي يا سمرا ينط عليكي العو واللي بيهواكي شو بيتحسر علي
والسمرا والبيضا اتنيناتن حلوين كل وحده فيها اشياء مخصوصين
هني الاتنين مطلوبين
……………تعي عالفي2…………
تعي عالفي تعي عالفي
انا نفسي شوفك لحظة
بالله اسمحي شوي
تعي عالفي تعي عالفي
انا نفسي شوفك لحظة
بالله اسمحي شوي
البيضا قالت : انا عيوني كبار
فرحانة من الله بشعراتي هالطوال
روحي يا سمرة يالشعرك شعر غبار
بتفوتي عالحمام ما بينبل بمي
تعي عالفي تعي عالفي
انا نفسي شوفك لحظة
بالله اسمحي شوي
السمر قالوا : نحن شو عملنا ؟
يالوز محمص وغالي تمنا
روحي يا بيضا يا شنينة لبننا
يا كوسا بتشرين بتعسئل بالمي
تعي عالفي تعي عالفي
انا نفسي شوفك لحظة
بالله اسمحي شوي
بعدين بيكملوا سوا مع بعضهم( السمر والبيض ):
على دقاقة البنة يسلملي النقش والحنة
روحي فدا عيونك وانت وما بتسالي عني
على دقاقة الاحمر يسلملي شعرك هالاشقر
شفتا عالدرب بتتمختر حاكيتا ما استحت مني
هي لبست قميصها كل العزبان على كيفها
يقصف عمر عريسها والكفن حقو مني
……………..يا قضامة مغبرة……………..
يا قضامة مغبرة..
ويا قضامة ناعمة
جوزي لمّا غبرها
كنت انا ناييمة..!
شوف عيني شوف
شوف روحي شوف
شوف حركاتي الناعمة
جبلي الحمرة بالورقة
قلتلو شفايفي ما بتلقا
قاللي تعي يا رشقة
وحمرني وانا نايمة
شوف عيني شوف
شوف روحي شوف
شوف حركاتي الناعمة
جبلي البوردة بالورقة
قلتلو خدودي ما بتلقا
قاللي تعي يا رشقة
وبودرني وانا نايمة
شوف عيني شوف
شوف روحي شوف
شوف حركاتي الناعمة
جبلي الشلحة بالورقة
قلتلو جسمي ما بيلقا
وقاللي تعي يا رشقة
ولبسني وانا نايمة
شوف عيني شوف
شوف روحي شوف
شوف حركاتي الناعمة
ننتظر جديدك الهادف
ودمتي بحفظ الله
استغفر الله واتوب اليه
مااحلى أغانيكم ومسلسلاتكم اللي طبعا مل باب الحار وبيت جدي
يسلمو ياغاليه
|
المشاركة الأصلية كتبت بواسطة الاميرة ميما
 كتير عجبوني بس خسارة ما اعرف لحنهم والا كنت حفضتهم وغنيتهم يسلموووووو
|
على فكرة لحنن كتير حلو فيكي تطلعي من النت وشكرا كتير على تعليقاتك الحلوة ودمتي بحفظ الله وبالشامي تئـــــــبشي قلبي
تئبشي قلبي
شكرا على هالاغاني الحلوة