اليوم انا جايبتلكم سحوري وان شاء الله يعجبكم
متل ما بتعرفوا السحور ما بده تعب كتير بكون حواضر من البيت
بس انا قررت اشارك بسحور لانه ما حدا نزل سفرة سحوره
بسم الله نبدأ
هذه سفرتنا السحور بسيطه جدا جدا جدا
وطبعا الاطباق معروفه وهي:-
لبنه كيري طعمها رهييييب جربوها
سنيورة (سنيورة القدس مضمونه
)
مربى برتقال وزبده واحيانا بتتاكل مع قشدة
جبنه مثلثات وكيري ولبنه عاديه وشطه حمرا (زوجي يحبها)
حمص ابو نزار طيب كتير
بس مو معناه انه ما بعرف أعمل حمص سهل كتير جيبي اي نوع حمص معلبات وضيفي عليها طحينيه وليمون وماء وحركيها منيح وحطي شويه حمص حب فوقها وزيت زيتون مممممممم بتطلع طيبه كتير وصحه وهنا
وصحن بطاطا مقليه ومع كاتشب ومايونيز مممم
وهاد السمبوسه بالجبنه
والحشوة هي جبنه فيتا وحبه بيضه ونعناع ناشف اخلطيهم مع بعض
واحشي السمبوسه ولفيها كالمعتاد
واقليها
وصحه وهنا
وهلأ قلايه البندورة الكل بعرفها وهي كتير زاكيه
في ناس بتعملها بالبصل بس انا بعملها بالثوم واكيد الفلفل
وطريقتها سهله ومعروفه وانا حاطه خطواتها
طبعا هلأ قمر الدين وبرضه سهل التحضير
جيبي قمر دين حسب رغبتك حطيه في ماء وسكر وخليه ينتقع وخلطيه بالخلاط الكهربائي
وصحه على قلبكم
وأكيد شاي
أكيد بوجبه السحور ما في حلى بس لانه احنا بنتسحر بدري ففي امكانيه الحلو بعد السحور
أنا عملت حلى الدونات طيبه وخفيفه
2.5 كأس طحين
1 ملعقه كبيرة خميرة فورية
1/2 ملعقه صغيرة ملح
1/2 ملقعه صغيرة بيكنغ باودر
1/4 كوب سكر مطحون
1 بيضه كبيرة
1 ملعقه فانيلا
1/2 ملعقه برش رتقال أو 1/2 ملعقه صغيرة قرفه
3/4 كوب حليب دافئ
ملعقه صغيرة حليب ناشف ( ممكن الاستغناء عنه)
نص بكيت زبده
الطريقه:-
اعجني جميع المكونات مع بعضها في العجانة
واتركيها لتتخمر ساعه او ساعه ونص
وبعدين افرديها بالنشابه وقطعيها وخليها 20 دقيقه ترتاح وبعدين اقليها بزيت نباتي مو سخن ولا بارد وسط الدرجه وضلي قلبيها وطلعيها من الزيت على ورق المطبخ
وخليها تبرد وزينيها بالشوكولاته السائله وجوز الهند او الفستق او الشكولاته المبشورة او اي نوع بتحبي
وصحه وهنا
يسلموا على صبرك علي وتشجيعي
طبعا هادي اول مرة بشارك فيها بمسابقه
الف صحة وهناااا
اتمنى لك حظ طيب,, وانشالله تفوزي
الصور كتير حلوين يعطيكي العافية ….مجهود تشكري عليه
انا ما عملت شي الا واجبي// انتي شطورة براافوا عليكي
بس السحور بسيط ولكن تعبت على الصور
تسلميلي يارب
الصور حلوين والسحور مرتب
|
المشاركة الأصلية كتبت بواسطة وردة دمشق
 يعطيكي الف عافية
الصور حلوين والسحور مرتب |
تسلميلي يارب
والله يعافيكي يا أحلى ورده
سفرهـ بسيطه بس فيهـآ كثيير أشيـآء طعمه
(^ــ^)
أتمنـآلكـ ـآلتوٍفيقُ
رووعه وخفيفه
هنـــــــــــي وعافيهـ Bosy