السلام عليكم أخواتي العزيزات
الحمد لله الذي أطعمنا وسقانا وجعلنا مسلمين
اليوم عملت ياحبيبات قلبي نقانق اللحمة وحبيت تستفيدوا
وهي لذيذة كتير رح تحبوها وتعشقوها
باسم الله نبدأ نجهز النقانق ونضعها بالمقلاة بدون أي مواد دهنية
على نار هادئة ونغطيها حتى تنزل لحالها المادة الدهنية اللي فيها 
وبها الوقت هادا بكون قطعت البصل والثوم شرحات والبندورة مكعبات
وشوية نعنع أخضر وأطراف البصل الأخضر
وهلأ متل مو شايفين عزيزاتي كيف صارت النقانق بشيلها من المقلاة
وبضيف لنفس المقلاة اللي صار فيها دهن البصل والثوم وبحركهم جيدا حتى يذبلوا
ثم أضيف مكعبات البندورة وبحركهم لدقيقتين
ثم أضيف النقانق مرة أخرى وبضيف
قليل من صوص الصويا وقليل من الكتشب ومكعب ماجي
وبغطيهن حتى يتشابكوويعقدوا
وبعدين بضيف النعنع الأخضر وبحركهن
وهي النتيجة وأكيد رح تدعولي بس تجربوا طعمتها
وصحتين وهناااا
اللي يحمل أكثر من عشر صور بوقت
واحد مابعرف ليش الصور عم تتحمل أكتر من مرة
ما شاء الله يا حواء
طبق غير شكل
بيستحق التقييم
وصفة حلوة وشكلها لذيذة
بالنسبة للصور ما فهمت شو يلي بدك اياه يعني بدك اعطيكي رابط لمركز تحميل يحمل اكثر من صورة بالمرة الواحدة…
يمكن انتي نسختي الرابط مرتين
على كل حال هلق بعدلك الصور
بس شكلها هي نقانق من عند اللحام يعني مو جاهز صح ؟
تسلم ايدك 🙂
تيلم يدينك ياعسل على الطرح الذيذ
الله يسعدك ياحلوه
عيون قصيمية
يسلموا ايديكي حواء