السلام عليكم
مش عارفه من وين ابلش المشكله انا مشكلتي مع نائب المدير المكلف بينا وهو تقريبا عمرو فوق التلاتين وانا عمري 18 هالشخص ديما كان بسال كيف عامله مع الدراسة وانا كنت بجاوبو ونيتي صافية مش قاصده شي المهم مره كنت قاعده بالصف لحالي وكان تلفوني فوق الطاولة ودخل ع الصف واخد التلفون صار يطلع ع الصور المهم حكالي ابعتيلي صورة بعتلو ياها واجا اليوم التاني حكالي اعطيني النمره وعطيتو ياها المهم حكا معي مره بالتلفون حكي عادي.
بعد فتره رحت عندو للمكتب منشان اعطيه مجموعه اوراق بس الكلب حاول يبوسني وفعلا باسني وانا ماقدرت احكي شي لحد اليوم التاني وحكتلو انت مفكر اني بنت من الشارع جاي تعمل معي هالحركات صار يحلف ويدعي ع حالو ويحكيلي بالعكس بعرف انك محترمه بس انا ماصدقتو حكتلو ازا سمحت امحي الصورة رجع اتصل فيا بحكيلي نطلع انا وياه انا رفضت وغيرت رقمي وبطلت احكي معو وصرت اتهرب منو لكن هو بدوش يتركني فحالي كل مايشوفني لحالي بضلو يحاول يحط ايدو علي او يبوسني
وربي زهقت منو لحد ماصرت اكره اشوف خلقتو مش عارفه شو اسوي ومش قادره احكي لحدا وحتى لو حكيت لحدا داخل المدرسه ماراح يصدقوني لاتحكولي خبري حدا من اهلك لانو مستحيل احكيلهم شغله زي هيك ويمكن ازا حكتلهم بيوقفوني ع الدراسه انا بدي منكم اي اشي يساعدني
جزاكم الله خيرا
من اول ماشفت مشكلتك وانا مو عارفه ايش اقول
طيب راد رقم التلفون واعطيتيه
راد الصور واعطيتيه
راد بوسه واعطيتيه
طبعا يتمادى ويطين عيشتك كمان
ايش هذا؟؟
انت في اي بلد ؟؟؟
وين اكو نظام تعليم متسيب بهذه الصيغه؟
وين اكو طالبات متساهلات مع المتجاوزين عليهم بهذا الشكل؟؟
الا اذا كانت البنت راضيه او ضعيفه جدا
لاتزعلي من كلامي ترى انا عشت بمجتمع مفتوح والاختلاط موجود منذ الطفوله والى الجامعه وفي العمل
ولكن عمري ماشفت هيك جساره وقلة حياء من مسؤول يتمادى مع الناس
الله يهديك بس حل المشكله بيدك ولا احد يقدر يساعدك الا اذا انت ساعدتي نفسك
لاتكلميه لا بخلوه ولا مع جماعه
غيري رقم تلفونك والغي هذا الشخص من مخيلتك ولا كأنه موجود اصلا
واذا تمادى مره اخرة مالك الا المسؤول اللي اعلى منه
هي فوضى؟؟
تحياتي وتقديري
وردينا عليك
ابحثي عنهااا في الصفحاات