بسم الله الرحمن الرحيم
أنا متزوجة من 11سنة وعندي ولد وبنت كانت حياتي مستقرة وزوجي كان ملتزم (مطوع) وقبل سنتين بديت ألاحظ على زوجي علامات أنحراف
تعرف على شباب في عمله منحرفيين المهم أكتشفت عنده جوال ثاني وأكتشفت أنه يغازل بنات وبعده أكتشفت عنده شرائح فيها أرقام دول خارجية ومن الصدمات صابني مرض عصبي وطلقني وقعدت عند أهلي سنة ونصف بديت أعالج في كثير من الدول ولكني تشافيت بنسبة 50% ولله الحمد المهم بعد هذي الفترة طلب يرجعني ورجعت تضحية مني عشان أولادي وقعدت معه فترة قصيرة وحملت حتى ماأمداني أعرف أنه تغير أولا
المهم عرفت أنه سحب قرض مبلغ كبير طبعاً ماقالي وأشترى سيارة وصلحها لموزين لتسلية لأنه موظف حكومي ومرتبه كبير ومومحتاج
وبعد مدة جلست عند أهلي يوم واليوم الثاني رجعت أخذ أغراض لي تفاجأت أنه مجمع شباب عنده بالبيت وقاعدين على النت وهو قاعد يطبخ خمر (سكر) في بيتي طبعا مشيت لأهلي وأرسلت له رسالة كتبت فيها (
حسافة أنك ولد ناس هذا أخر شي تصلح المحرم ياخنيث)طبعاً طلعت
الكلمات غصب عني لاني تعبت ومليت أنا في البداية كنت شاكة فيه لكني
كنت أغالط نفسي أقول لامستحيل يسوي كذا لأنه كان يسهر برا البيت للفجر ويسكر ويقعد على الشات وأنا صابرة المهم مارد علي بشي وبعد فترة أرسلي رسالة قالي
أبيكم ترجعون للبيت واللي فات مات ورجعت لبيتي لكن زوجي بدى ينام في
مجلس الرجال اللي برا وبدى يبتعد عني ولايقرب مني لما حاولت أتقرب
منه بدى يبتعد عني لماسألته ليه قالي أنا ماأقدر أناظر بوجهك ولا أقدر
حتى أقرب منك ولا ألمسك طول عمري بسبب كلمتك (ياخنيث)وقالي إذا
كنتي بتطالبين بحقك من ناحية الفراش أطلبي الطلاق من هذي اللحظة والله يوفقك مع واحد غيري وإذا تبينا نعيش مثل الأخوان ماعندي مشكلة عشان أولادك لأني مستحيل أقرب منك أبداً
أنا غلطت وهو بعد كان غلطه أكبر مني أعتذرت منه لكن مافيه فايده
ساعدوني أعطوني حل الله يوفقكم منو الغلطان أكثر أنا ولاهو؟
صبرت وصبرت لكن خلاص وقفت حائره ماأدري وس أسوي
صح الكلمه قويه بس من القهر قلتيها
ّقولي له حط نفسك مكاني وأني انا اللي كنت اسوي شيء حرام في بيتك وبغيابك
آنت ماراح تتكلم وممكن تقتلني لحظتها بس انا مالي إلا الكلام
الله يصلح حالكم
وأكثري من الإستغفار
والله ما أقدر أساعدك غير أقول
الصبر الصلاةو والدعاء
وربي يصبرك
عزيزتي .. هنــاك مهــارات وأســـاليب للنصح والارشاد وذالك بغاية الوصول للهدف
انتي اخطيتي من البداية لتركك زوجك وهو في هذا الحال كان لابد إن تقفي معه لكي تلاحقي الوضع وتنقضيه
لما وصل عليه حاله الان
انتي طلعتي من عنده وهو بس غزل مع بنات ورجعتي وهو مدمن خمر
لهذا اختي ساعدي زوجك بدل ما تزيديها عليه لا تسبينه او تقللي من شانه
حاولي تأخذين بيده بتذكيره بالله و بعقابه . تذكيره بحاله قبل وحاله الان
ذكريه كيف بيكون حال اولاده لما يكبرون ويستوعبون حال ابوهم
اختي الغاليه للنصائح اساليب حاولي تتقنيها وتطبقيها
1- أسلوب الحكمة " الشدة من غير عنف واللين من غير ضعف "
2- انتقاء الأسلوب الأمثل في العرض ومحاولة الترغيب والترهيب والثناء الشرعي بما فيه ومحاولة ضرب الأمثلة الماضية والحاضرة .
3- التلميح دون التصريح : أحياناً يكون التلميح بالنصيحة أفضل من التصريح أي محاولة النصح بطريقة غير مباشرة كما يفضل البعد عن النقد المباشر وأسلوب الأمر فهذا أدعى للقبول .
4- الكلمة الطيبة والابتسامة : للكلمة الطيبة والابتسامة سر لقبول النصيحة فكلمة لينة رقيقة وابتسامة
حاولي بقدر ما تستطعين الصبر والدعاء له . الله يفرج همك ويصلح شان زوجك
يعني انتي سبيته فقط و سوا لج سالفة شششو لو كنتي مكانه …
المفؤوض اهو الي يستحي مو من الكلمة لمفروض يستحي من نفسه …
حبيبتي اذا ما وقف الخمر و المغازلات احسن لج طلقي لا يتأثرون اولادج ..
انتي خبريه اذا انت ما رايح توقف هاي الحركات رايحه اسحب اولادي وع طول اطلب الطلاق منك
انا معاك لان اولادي بس ؟؟
خلي نفسج قوية واياج تترجي في شي رايح يجول هاااي يبني ورايح يتكير عليج
خلي نفسج ما تحتاجين شي منه
الله يعطيج الي في خير..
لا تشكي لاحد الا الله
حبيبتي ادعي اللع ان يصلح لك زوجك فانه لا يوجد اي سند الا الدعاء والاستغفار