"السلآم عليكم ورحمة الله وبركآته "
مسآئكم زي مآتحبون 
بدخل في الموضوع دغري احسن لي لأن بصراحه مو ذآك الاسلوب
المهم بنآت ::
بدآيةً آقولكم آنآ شعراتي مره جآفه ونفشه ومجعد جدآ !! وبآديه علاجات من يوم اني صغيره وانا احط من فرد لفرد وينفع ايام بسيطه وبعدين يرجع زي ماكان وممكن اسسسوء وانا فعلا شخص متعقد من شعراته بزياده لأن مااحب اشوف شكلي شيين ابدا واللي حولي ماشاء الله شعورهم حلوه يعني قرايبي وصاحباتي
ومن كثر ماني متعقده اولى ابتدائي كل صاحباتي مختارتهم شعورهم حلوه 
> هههههههههههههههههههه انرحم
المهم يجي ذآ كاليوم وآنآ قآعده افتش بالمنتديات لقيت ناس كثير تمدح بالكيراتين آخذت من وحده رقم كوافيره ومع اني حاطه تسعه وتسعين في الميه انو من طرفها وتعرفها بس قلت بتوكل على الله واستخرت ودقيت وردت علي وحده اسمها ام عبدالرحمن وهي اللي راح ترسلي كوفيرتين وحددت معي الموعد وجات كوفيرتين وحده اسمها فاطمه والثانيه وفاء اعتقد الصراحه طولت مره مره في الشغل وكانوا ثنتين الصراحه كان شغل فاطمه احلى بكثير حتى انها عادت على شغل وفاء
وبآالاخير طلع خيآآآآآآآل من جد خيآآآل صرت اتروش واطلع لمعه حتى في اطرافه مع العلم آني مآقصيتها وكآنت مقصصفه من قبل والكل لاحظ الآختلاف من جد طلعت شيء ثاني وحبيت نفسسي وزادت ثقتي بنفسي حتى اللي مايعرفوني من قبل كان يحسبون شعراتي ناعمه المهم وآكمل خمس شهور وادق لأن ودي تعيده عششان الجذور طلعت وكانت قايله لي مايضر لو ينعاد عليه ردت علي وقالت اصبري ست شهور احسن استغربت واعتقدت انها من باب الذمه وقلت خلاص دقيت عليها بعد شهر ردت علي وقالت انها فاطمه سرقتني واحذفي رقمها من عندك ومآ الى ذلك من الباب الانتماء لبنت وطني صدقتها وقالت راح ارسلك وفاء وحده سعوديه قلت اوكيه جت وفاء لحالهآ وزينتي بـ 1500 مثل اللي سوته قبل ولا ضبط ابدا زي ماهو ويمكن على الاسوء تضايقت مره ودقيت وأنبت ام عبدالرحمن وقالت لا خلاص بخليها تجي تعيده بعد شهر وان اصلا الماده غيرتها عشانها يهوديه ؟! طيب ليه ماتقول قبل ماتحدد ؟؟ الموعد ؟؟ وليه تقول برسل ثنتين وترسل وحده سكت وقلت بشوف جت عادته ولا كأن شيء صآير هي هي !! تركتها ودقت علي وقالت في باقايا من قبل ورفضت !! خلاص تركتها وسسسمعت عنها وحده تفرد واخذت رقمها وكلمتها سوت لي اياه في رمضان في العيد تغيير تقطع تقصف !! حتى يابنات احس اني بنهار وسط راسي في خصلات متقصه ومتقطعه بشششكل يخوف حتى اذا رحت لكوافير يستشوروني مايقدرون عليها هالخصلات مادري شسسوي تكفون فزعتكم ي بنات =(
من جد متضايقه مني نفسسسي ! سمعت بالكيراتين اللي في منال نجد شرايكم فيه وابي وحده جربته بليييز لا تبخلون علي بردودكم الطيبه
واللي تعرف وحده تسسوي كيراتين تقولي وبنات بليز اللي يصير من طرفها وتعرفها تقولي ماابي انغششش
معليش طولت عليكم ارجوكم منكم تساعدوني الله يساعدكم
الله يعطيكم العافيه ويجعلها في ميزان حسناتكم
مشآعر آنثى.
…..
تسسسلمين آختي بنت النور على الأفاده
بس ممكن استفسار ؟ ليه مآيآصل جذور الشعر ؟ ممكن يصير فيه ضرر على الجلده ولا على الشعره ؟
لانو العيون ماترحم ! وقريت قيل كذا عن وحده شعرها تقصف وتقطع يحرام وبالنهايه طلعت عين !
الله يحمينا …… ياليت تحافظي ع الاذكار … والله يعينك ويد لك ع الي فيه الخير ويساعدك يارب
والله ياقلبي ما اعرف اسفه بس انتي اهتمي فيه بالزيوت احسن لك وكل ماحطيت الشعر قولي يارب شافيني وخلي شعري زي ما اتمنى ….
ترا الصحابه رضي الله عنهم كانو يطلبون ابسط !!! الامور من الله ^ـ^
والله يساعدك
الله يشفيني ويشفي بنآت المسلمين ممآ فينآ يآرب =(
حمدلله =)