السلام عليكم
بدخل ع طول بمشكلتي
ابي مشورتكم والحل لازم الله يخليكم
المشكله انو اختي تو متزوجه وانصاب زوج اختي العريس بعين
واضطر انو يخلي اختي عندنا الين مايتعالج من هالعين والحسد اللي فيه
المهم بعد شهر تقريباا اتعالج وهنا قبل كم يوم جاء ويبي ياخذ اختي
قام ابوي وقال ماتاخذهاا ومالك اهل عندناا بيننا المحاكم اللي قصدو انو
يطلق اختي 
وهالشششي تاثرناا كلناا بسبتو
واشلون يحكم من راسو ويقول كذا اختي تحب زوجهاا و زوجهاا يحبهاا مرا وتخيلوو الاثنين من بعد كلام ابوي له يبكون للحين
والله قلبي يوجعني كثير وامي مرا تعبت ضغظها ارتفع وتعبت كثير كثير
والحاله النفسيه بالبيت مرا دمار اختي من عرفت هرجت ابوي لزوجها وهي تبكي ونفسيتهاا زفت مرا .. انتو برايكم وش رايكم انا عارفه فيه ظلم فيه قسسوة ذا كله لكن ابي حل لاختي عشان ترجع لبيتهاا وتتهنى زي العرايس الباقييين حرام ماعاشت مع زوجهااا عيشه حلووة من صابتهم هالعين
سسسسسسسسسسسسسسسساعدوني بليز
وش نسوي نكلم الشششرطه يعنى ولا وش نسوي ؟؟؟!!
حتى يكلم والدك في الموضوع ويقنعه بالتي هي أحسن لأن والدك ربما ظن
أن زوج أختك قد تخلى عنها وذلك ما حز في نفسه إن شاء الله يكون خير ويرجع عن عناده
الحل أختي تسوية الأمور بالود حتى لا تتعقد المشكلة أكثر
دعواتي القلبية لكم إن شاء الله تنحل المشكلة عن قريب وتفرحوا بذريتها يا رب
لان الاخوان تفاهمه معه مو زي عياله
ويذكرونه ان البيوت مليانه وعلى قفى من يشيل
اكيد ابوك احد مشيشه وقايل له كلااااام فشوفوا من السوسه اللي كبر قلب ابوكم على الرجال
والله يردها لزوجها
ولازم تعرفون السبب الي خلا والدكم يمنع رجعت بنته لزوجه
والشرطه مابتسوي لكم شيء بيقولون لكم روحوا حلوها ودي بينكم
او روحوا المحكمه والافضل قبل لا توصل لهلمرحله المفترض الي يتدخل في الموضوع
حد كلمته مسموعه عند ابوك فكروا زين وان شاء الله تلقون الحل
ابوك ماله حق يمنعها من زوجها والي صار لزوجها خارج عن إرادته , ماعليهم الا كل واحد يتمسك بالثاني , وخله يجي ومعه أحد كبير , يعني ابوه وأخوانه , إذا كان أبوك يقدر الرجال , أما أن كان مايقدر يستعين باأحد ابوك يحترمه ويقدره .
مانفع مع ابوك , زوج أختك يقدر ياخذها بالشرع , وحتى يقدر يشتكي في قسم الشرطة , بس أن شاء الله ماتوصل الامور لها الدرجة .
قولي لأختك تصلي وتدعي الله أنه يحنن قلب ابوها , وتكثر من الاستغفار.
بس أن كانوا فعلا يحبون بعض لايستسلمون , وبشرينا .
لا اختي وش شرطته الله يهديك مالها دخل بالسالفه
انا مع الاخت سندس مو معقول ابوك كذا من راسه يبيه يطلقها …! ماتدخل الراس
هي 1 من 2 اما انه ابوك مايدري عن سالفه علاج زوج اختك ولما جابها عندكم فكر انه مايبيها وانقهر عليه
او انه في احد يوز براسه والله يعلم وش نيته
شوفي اختي خلي امك واختك يكلمون ابوك بهداوة .. يفهمون منه ليش قال لزوجها كذا وليش يبيه يطلقها يعني يتفاهمون وان مانفع وعند ابوك
اكيد له اخوان اكبر منه او ابوه اذا عايش او امه او حتى عمام او خوال اي شخص تعرفون انه ابوكم يحترمه ويقدره ويسمع كلامه وطبعا هالشخص لازم يكون عاقل وحكيم
فهموه السالفه وان البنت تبي زوجها وزوجها يبيها ومابينهم خلاف بس ظروف خاصة وانحلت وهالشخص ان شالله بيقنع ابوكم وترجع اختك لزوجها يارب
دعواااتك ياقلبي … ولاتنسي تطمنيني وش يصير معكم .