بسم الله الرحمن الرحيم
انا متزوجه منذ سنتين وعندي طفل وكان زواجنا عن طريق حب قبل الزواج تعلق بي زوجي كثير وكان بدايه حياتي الزوجيه رائعه جدا فزوجي معجب باخلاقي وافكاري واسلوبي وتعلق بي كثيرا
زوجي دراسته ثانويه فقط وانا جامعيه واهلي كلهم متعلمين عكس اهله تماما
تتميز عائلتى بالكرم والثقه بالنفس وحب الدراسه والدين والاخلاق والترتيب والنظافه الخ
عكس اهله تماما
فهم ناس بسيطين جدا ليس لهم أي اهتمام شعارهم عش يومك كما يكون وليس كما تريد انت
مشكلتى اننى فقدت ثقتي بنفسي بسبب هذه العائله (زوجي و اهله ) أي شئ تفعلينه ينتقدونه يسخرون من أي شئ
مثلا : ام زوجي في بدايه زواجي تقول: (ما كانك عروس جزمك اكرمكم الله كلها واطيه )
وهي تعلم اني اطول من ولدها ولو لبست كعب وين راح اوصل !!
بنتها تجيب لي الكتاب يوم الاختبار تقول ادرسها اياه من الجلده للجلده وماكأن عندي زوج ولا بيت ولا طفل لازم افرغ نفسي لهذا اليوم فأذا اشتكيت لعمتى وقلت خليها تدرس اول باول قالت هي تدرس اول بأول بس مشكلتها تنسى او انتى ماتعرفين تدرسين!!
لا تقولون خلي عندك ثقه بنفسك اسلوبهم يحبطك ويحطمك بشكل ماتتخيلين صرت ابحث عن رضاهم في أي شي
دايما تتكلم عن بناتها انهم صغار ومايعرفون يشتغلون وبنتها الكبيره عمرها 22 وانا 26 وتقول حرام صغيره ماتعرف تشتغل!!
دايما تتكلم عن جمالها وعن اناقتها وعن ذوقها وجمال بناتها واني انا عكسهم تماما رغم اني اسمع الناس دائما يترقون عليهم وعلى لبسهم وعلى اسلوبهم وهي تعرف بهذا الشئ
المشكله الثاني انا طييييييييييييييييييييييييييييييييييييييييبه مره واااضحه ولمن حبيت زوجي اخلصت له في الحب
يعني من اول ماتزوجته وظروفه صعبه سكت ولا شكيت له ولاتذمرت بعت ذهبي واأثثت البيت ولمن يجي لي فلوس اروح اعطيه
والله يابنات انى لسه ماخلصت شهر من زواجي وكان يقولي ودي اروح اسلم عالشباب وكنت اقوله روح وانبسط وعادي اذا تبغى تجلس اجلس اهم شئ اشوفك مبسوط واذا جاء لقاني في الاستقبال وهو تعود على هذا الحال الين صار يشوف طلعته واجبه
والله انه يطلع من الساعه 6 او 7 ويرجع 11 باليل من غير انه طول العصر نايم
وغير كذا من يوم تزوجني وهو يحط للاستراحه حقته مصروف رغم ظروفه الصعبه الين اليوم وانا ولاشئ
بالعكس تعود اني انا اللى اعطيه اذا صار عندي فلوس حتى لو ماهو في حاجتها صار يشوفها الفلوس في يدي غلط
تعود دايما حتى لو زعلني انا اللي اراضيه تعود انا دايما المطيعه اللى مالها بالتنكيد او رفع الصوت او الزعل
الين انصدمت اليوم انه يرميني بالكوره ويقول قومي جيبي ماء
ويرمي على رضاعه ولدي ويقول قومي
ويتلفظ بالفاظ وسخه ويقول عادي امزح معاك
وانا ازعل شوي بعدين اقوم ارضى
اخاف ينقلب حالي لحال معامله ابوه لامه مايحترمون بعض ابدا حتى الاولاد مايحترمون ابوهم ولا له أي كلمه
ويقولي اذا زادوا راتبي وصار عشره بعطيك 300 ريال لك ولولدك!!
اقوله ماتكفي يقول جمعيها وبكيفك
علموني كيف اثقل عليه كيف اطنشه كيف اخليه يحس باغلاطه لاني صرت مثلهم متبلده الاحساس مالي كلمه في البيت وجودي زي عدمي
سكري باب بيتك عليك وما تخطلتي فيهم ,,,, كوني حياتك وعائلتك على طريقتك وزوجك صارحيه بكل شي ووضحي الامور ,,, وحاولي تحسسيه انو انت بدك ترتقي فيو وبعائلتك وتكونو احسن ناس ,,, وان شاء الله بتفرج طولي روحك ,,, وبالتوفيق
اولا انت الغلطانة لازم ما تضعفي قدامهم والمفروض انك ماتتغيري حتى ترضيهم انت قلتي انه زوجك بحبك وبحب شصخيتك وافكارك بس انت تغيرتي وصرتي جاري اهله واخذتي من طبعهم
انت لازم دافعتي عن حياتك وعن شخصيتك وحافظتي على ثقتك بنفسك
وخليتيهم هم اللي يحاولو يكونو مثلك راقيين في كل شي
والله الي اختي متزوجة وهي شخصيتها قوية ما شاء الله عليها وهي في منطقة بعيدة عن اهل زوجها واهل زوجها يحبونها ولما يصير عندهم شي بحكو معها يستشيروها في كل اشي مع انها صغيرة بالعمر وسلفاتها كلهم اكبر منها بس هي فرضت شخصيتها وخلتهم يحبها
ثاني شي زوجك انت ربيتيه على هيك انت قللتي من قيمتك عنده انا اسفة لا تزعلي مني بس الازواج ما بدهم وحدة تطيعهم على العمياني
لازم ترجعي متل ما كنتي بس شو شو وزوجك هو المسؤول عنك يصرف عليك لا تعطيه لانه تعود على هيك
انا كنت متلك اذا زعلني زوجي انا اللي اراضي مش هو بس حكولي خواتنا في المنتدى اثقلي وخلي يشعر انك زعلانه ولا تراضي وطنشيه صدقي انه صار يراضيني ويحسب لزعلي الف حساب
ولا تسمحيلو يغلط عليك لانه بكرة بطور الموضوع لضرب
اهتمي في حياتك وزجك ولا تهتمي لحكي اهل زوجك ابدا
آسفة على الاطالة وان شاء الله يصلح الحال معك
ثانيا انتي ببيتك اذا شفتي ان الامر مو مقسوم بينكم بالعدل اجلسي ببيتك احسن
ثالثاا انتي تعرفين شخصيه زوجك يعني مااقدر اقول شي وبالاخير ماينفع مع زوجك
شوفي كيف تتعاملين معه
يعني لازم تحطين لك مصرووف شهرري واذا عطاك ال300 قولي كثر خيرك انا ماابيه ؟؟؟؟؟؟؟؟؟؟
يمكن يحس على نفسه ويستحي ويعطيك اكثررررر
انا زوجي كان معارض اول زواجي للمصرووف بس بالحيله والششده شوي والتراخي شوي
صار يعطيني الحين …….
اذا متاكده من زوجك ومن حبه لك راح يسوي اللي تبينه
والادب مههههههههههههههههههههم بينكم مافي شي اسمه مزززح
واثقلي حبيبتي اذا ماثقلتي وربي ماتسوين شي عنده
وراح تشووفينه غير شكل ؟؟؟
بس انتي تبين الاحتراام لازم تحترمينه ومايطلع منك الخطا
والله يوفقك ان شالله وييسر امووورك
1/غيري طريقتك معااااه مررررره
2/يعني تلتزمي بواجباته فقط غسيل .لبس .اكل وشرب.قهوته ,
3/تتكلمي معاه برسميه جدا ولاتمزحي ولاتضحكي موتكشري لاااا يعني اذا سألك تجاوبي على قد السؤال مو اكثر
4/كلمة حبيبي وحياتي وقلبو تمسحييها من قاموسك نهائي لحد مايتعدل
5/اذاطلبك للجنس لا قولي لااا لانوحرااام بس اوعك تتفاعلي معاه خليك عالصامت مثل مايقولون ولانفس
يعني كانك جالسه عند التلفزيون,(والله تخليه يمشي يكلم نفسه)
6/اذاصار عندك فلوس اووووعك يعرف بهذا الشي خبيا في مكان لوقت حاجتك لها مثلا لورحتي عند اهللك وحبيتي تشتري فيهاشي لك اولولدك(ومو معناه اذا كانو اهللك ببلد ثاني وسافرتي لهم ماتطلبيه مصروف لا طالبي بكل حقوقك) بس دامك عنده لاتفكري تصرفيها واطلبي منه لانه واجب عليه يصرف عليك وانتي عودتيه على العكس مع الاسف؟؟ ولو شاف الفلوس في اوعي قولي انها لك قولي اي شي قولي هذه امانه حطتها امي او اختي عندي . ووولاحظي حتى اذا تعدل انشالله لا عاااااااد تفكري تعطيه فلس احمر (اذا الرجال بغا فلوس والله يقدر يتسلف ويدبر عمره بس هو تعود على السهل انه ياخذها منك ولايرجع) هذا العاده انسيها تماااما /انا ما احرضك على زوجك بس والله زوجك من النوع اي ماقدرلك هذا الشي (والله كلنا نساعد ازواجنا بس والله زوجي اذا اخذ مني فلوس اول ما يستلم يرجعها لي على طول) بس مو كل ما يجيني فلوس واجب علي اعطيه لا هذا شي يخصني انا
7/لاتسمحي له يغلط عليك بحركه او بكلمه وسخه وتسكتي كان من المفروض من ايام الملكه بينتي له هذا الشي (انا زوجي في ايام الملكه قلي كلمه ماااااعجبتني مرره مو وسخه بس ماهي حلوه ولاااااحظي كنا نمزح مع بعض يعني مو جاد لما قالها بس في وقتها حطيت خط احمممممممر وقلت في نفسي اليوم مزح وبكره جد لااا وزعلت منه ولا اكلمه وقلت هذى الكلمه لاعاد اسمعها منك , ووقته اتذر لي وقل ما أعيده وليومك هذا ليا سنتين وشوي ماااعمري سمعتها يقولها حتى مزح )والحمدلله بيننا احترام وحب وتفاهم .. انتي الاساس في الموضوع اذا سمحتي له يتمادى عليك ماراح يقصر.وذا فرضتي عليه يحترمك
راح يحترمك غصب
يعني مثلا لما رمى عليك الكوره وقلك جيبي مويه كان رحتي جبتي له وحطيتي الكاسه بكل هدوء ودخلتي غرفتك ولا كلمتيه لين يعتذر ويعرف انه غلطان ولو جلستي اسبوع اسبوعين ثلاثه ماقول تخاصميه اكثر من ثلاث ايام بس بعدها خليك رسميه جدا وردي على قد السؤال بدون ضحك ولا سوالف
8/الطيبه الزااااااااااااااااااااااايده بطليها ترى احنا نشوفها طيبه ولا اهل زوجك وزجك يشوفوها ضعف وسامحيني عالكلمه بس هذا واقعنا اذا شافوا وحده طيبه وتجاري وتسامح قالوا ضعيفه ماتقدر ترد يفهموها الناس المتسلطين على مزاجهم . لازم تغيري نفسك لا تقولي ما اقدر شوي شوي حتقدري
9موسافة انك تروحي تعتذري له عالفاضي والمليان برضه انسيها اذا غلطتي اعتذري واذا ماغلطتي لاتعتذري ولا حتخربي على نفسك كل شي خللك قويه وقوي قلبك شوي علشان تقدري تاخذي حقك
10/اذا طلع الاستراحه لاعادتسأليه ليه رحت وليه تاخرت وليه ماتجلس معانا انسي تماما الاسئله هذي وهوطالع اذا قال بروح الاستراحه قولي خذراحتك بدون كلمه حبيبي وحياتي يعني ما كانك مهتمه بالموضوع وقولي متى ماحبيت ترجع ارجع لاتستعجل (والله يموت قهر)
11/ اااخر شي عليك بالدعااااااااااااااااااااااااااااء اخر اليل صلي الوتر وادعي وانتي تبكي لربي واللله والله عن تجربه شخصيه مريت في محنه وجربت بنفسي والله ربي استجااااب لي بسرعه بس ادعي بتذلل لله وانتي تبكين والله ربي مايخيب املك فيه ادعي ربي يسخره لك ويهديه لك ولولدك ويهدي اهله ويكف شرهم عنك .ورددي هذا الدعا مررررره حلو بعد ماتدعين باللي تبغين(سبحانك لا اله الا انت اني كنت من الظالمين)
ولا تياسين على طول وتقولين ماشفت نتيجه استمري شهر شهرين ثلاثه الين ربي يهديه
وذا بغيتي شي راسليني عالخاص انا تحت امرك ولاتنسين تخبريني اش صار معك
والله معاك
تحياااتي واتمنى اكون افدتك بدون ما ازعلك
المشكله هالحين اني امر في مرحله تحطيم وعدم ثقه بالنفس وخوف من كل شي وخوف انه يزعل مني او هم يزعلوا مني