بسم الله الرحمن الرحيم
اول شي باعتذر عن الاخطاء الاملائية لاني باكتب من الجوال
ثاني شي باشكركم لترك هاذة المساحة لعرض المشكلات
ارجوكم انشرو الموضوع بسرعة
مشكلتي هيا
انا متزوجة تقريبا من ثلاث سنين وساكنة مع زوجي من سنتين وعندي بنت عمرها يادوب سنة
اكتشفت ان زوجي يشاهد الابحيات من ايام الملكة ويمارس العادة السرية .حتى مرة وهوا بيكلمني بس مادريت غير قريب
وكان يكلمني ويطالع في الابحيات
المهم حتى بعد ما دخل علي وهي نفس المشكلة وعندو سرعة في الانزال يعني مايكمل دقيقة وساعات ثلاث دقايق
المهم انا كنت امتعه واحاول اسوي اي شي مو حرام عشان ينبسط ويبطل يشوف الافلام
لاكن مابطل .فواجهتو وحالف انو يبطل بس مابطل ثلاث مرات واكتشف انو لسا مابطل
حبيت اقهرو واقلو ماهمني طالع وين ماتريد انا باطالع كمان يمكن يغار ويبطل
سار يطالع من وراي لاكن اكتشفت عاى جوالو وايميلو انو لسا مابطل
المهم انا طبعا في البدايه كان يحاول يشبعني وكان يعمل مجهودو فكن الحمد لله انشبع معاه بس دحين له تقريبا سنة ونص ماسار زي اول بس اهم شي هوا بالفراش
المهم انا تخنانه شويتين وهوا نحيف جدا بس يقلي جسمك كدا حلو ومن يوم يعرف اني مسوية رجيم يجيب حلويات واكولات يخربلي رجيمي
طيب مدام جيسمي عاجبو ليش يطالع غيري
انا طبعا سرت غير مشبعة فسرت امارس العادة وكل مرة اتوب ارجعلها مدري ايش اسوي
سرت لمن نتهاوش نتهاوش على اتفه الاسباب
واخرتها نزلت الحوش وماقلتلو وحوشنا ساتر مابيكشف وانا لبسة عبايتي انا وبنتي وكان نايم وماقلتلو فلمن رجعت قوم الدنيا
انا درت وشي عنو لان الموضوع تكرر مرة تانية والله نسيت
المهم زعل وقام يصارخ وانتي ماتحترميني
بعدين هجرني في المضجع ثلاث ايام وانا شايفة انو مو في كبير ساير بالنسبة له عايدي ينام في المقلط
المهم اول يوم جيت اراضي مارضى سرت اطبخ واقربله الاكل مايذوقه حتى وكل ما اكلمو يقلي انتي اسكتي وانا اتنرفز لمن احد يقلي اسكتي
المهم اكتشفت ان بعد ثلاث ايام انو مغير كوالين الباب وحابسني في الشقة واهلي بيجون لانو اسبوع ماوداني لهم وماعندي مفتاح حابسني الاخ وهو يعرف اني اتازم نفسيان مجرد ما احس نفسي انحبست
المهم قلتلو خرح الزبالة الله يكرمكم ما خرجها فحطيتها عند الباب وحات بنتي تلعب فيهم انا وقتها محري ايش سارلي عصبت وسبيتو ايوه سبيتو والله اني نادمة بس الكلمة خرجة مني قلتلو يازبالة
بعدين هوا يحب يربي سمك مدري قيف جاتني الجرئة اخرج سمكة من الحوض وارميها في الارض ابغا استفزو ويارتني ما استفزيتو
الا جت دفني بقوة في الركن وظربني وحي اول مرة يمد يدو عليا فيها بس مو اول مرة يحفدفني ويجرجرني من غرفة لغرفة سواها وانا حامل عشان مارضيت اطلع لاهاو وسواها وانا نفاس مرتين وانا والدة عملية وسوها بعدين كتير بس انو يضرب دي اول مرة
طبعا انا انهرت وكلمت ابوه خل ولدك يوديني بيت هلي لانو ضاربني وعلى فكرة شلت بنتي اتحاما فيها الا هو بضرب ويدف مو خايف على ألبنت قمت حطيتها بعيد
المهم جابني بيت اهلي بعد مادفدفني وجرجرني في الشارع قدام الناس وانكشف وشي قدامهم وماهمو وانا كنت شايله البنت
وانا دحين في بيت اهل ولا اتصل لا علي وعلى على ابوي
انا عارفة اني غلط بس والله نرفزني كلو ولا ينام بعيد عني وفي الليل اخرج القية يطالع في الرسيفر بدون صوت ورسيفري في القنوات الاباحية المشفرة مفتوحه فاتحهم وانا ذي المرة ما حذفت شي قلت ابيه هوا يحذفهم
معليش طولت
بصراحه انتي هو غلطان عشان بيتفرج على الاباحيات وانتي غلطانه لان موتي السمكه
الله يهدي سركم ياربي بس كان المفروض ماتتركي البيت وتخليله الجو فاضي كان لازم تضلي فوق راسه
المهم اختي الله يهدي سركم ياربي واصبري شو نعمل والله انا كمان مذايقه متعاركه معاه وكل واحد بغرفه شي بيقرف
ما اجمل الحرية
ترى الرجل يحب الزوجه المطيعه اللي يحس معاها برجولته مو تكون ند له تهاوش وتعاند
بعدين وش دخل السمكه موتيها حراااااااااااام عليك بريئه تطلعيها وترميها على الارض هذي نفس
زوجك يبيله مسايره وسياسه ولطف
لما تشوفيه رايق تعالي عنده واجلسي بجنبه وكلميه شوي شوي
انا اححبك وودي لنا الخير والسعاده ولا احبك تطالع هالشغلات حرام وانا عندك وتحت امرك
في اي وقت انت بس آآمر وانا بعد لي حقوق ابيك تعطيني حقي
مايصير نمارس العاده وربي اعفنا بعلاقه طبيعيه
يعني من هالكلام بس بهدوء ولين
ترى الاسلوب ينفر اذا كان خشن وعنيف
اما بنتكم
حراااااااام عليكي وعليها الحين المواقف اللي تشوفها ماراح تنساها ابدا حتى لو هي صغيره تتخزن في ذاكرتها ف ياللاوعي تبعها
ولما تكبر تذكرها ويأثر عليها حتى في علاقتها مع الاخرين ومع زوجها ويمكن تتعقد من الزواج والسبب
موقف مشاده عنيفه وضرب بين ابوها وامها
اما الضرب
فماله حق يضربك سواء ضرب ضرب او يجرك من مكان لللاخر
انتي اشتكي عليه عند اهلك خليهم يفهمونه انك بنت ناس ولا يمد يده عليكي واذا فيه شيء انتي بنتهم ويعلموك لكن مايتطاول عليك بالضرب
انتبهي
اذا تعود على الضرب والاهانه فحياتك وكرامتك في سلة المهملات
وراح يضربك ليل ونهار ويمكن على اشياء تافهه
الرجل اذا شاف الزوجه ساكته عن حقها سيا كان او عن أذيتها مثل الضرب يتعود
وااااااانتي تعلمي تضبطي نفسك هذا زوجك مو ولدك
وشو زباله ؟؟؟فيه وحده تقول زوجها زباله
ترى كلنا يالزوجات مجااااااااااهدات وصابرات لكن مو لهالدرجه
الاحترام المتبادل مطلوب