بسم الله الرحمن الرحيم
مشكلتي متعبتني مررره لابعد حد انا زوجي ما ينتحمل العيشه معه اخلاقه جدا سيئه المهم ابوي كبير بالسن وساكن عند اخوي المهم انا صرت ما اتحمل زوجي ابد ابد رحت لبيت اخوي قلت له ما ابيه ابي خلع كل الاشياء اللي مريت فيها معه ابد اتحدي احد تحملها مثلي وطفح الكيل عند المهم لما جيت لاخوي قلت له ابي خلع مايبيني اسكن عنده رفض قال روحي لزوجك وحرمته قالت لي فوق ما انا متحمله ابوك اتحمل اختك وطفلها يعني ماتبيني اسكن عندها المهم انا في وضع ماينتحمل قال لي اسبوع وترجعين له انا بعد اسبوع وين اروح وش اسوي ضايعه وزوجي الحقير مبسوط اسواء رجل ع الاطلاق وربي ماتصدقون ان في رجل مثله يعني لا رجعت برجع للعذاب واذا جيت عند اخوي يرجعني لان حرمته ماتبيني انا بوضع مدري وش اسوي فيه قولولي
حتى لو تطلقتي وين بتروحي
الله يفرجها عليك
اذا انتي موظفه خوذي لك شقه لك انتي وبنتك وخوذي
أبوك معك وأطلعو بشقه طبعا اذا كان معاكِ فلوس
والله الوظيفه تخليص مو بحاجة احد وإذا مو متوظفه حاولي تدورين
وظيفه اذا حسيتي انك لقيتي وظيفه وامنتي مستقبلك خوذي عفشك وتطلقي
كثير مثل وضعك الله يفرجها عليك وعلى غيرك
وحسبي الله عليهم من أزواج م يخافون الله
ادعي ربك كثثثثيير
الله يصبرك ويسامح مرت اخوكي
لو كانت بمحلك شو بتعمل
حبيبتي قيمي الليل
وصلي استخارة
لو في خير من رجعتك بترجعي
انبهج كل تنبيه لا تبينين لزوجج ان اخوج ما يبيج ابدددا ابدددا و هدديه من باب التهديد ان اخوج لو عرف سوالف و حركاته اللي انتي متحملتهم لتصير له مشكله و انج انتي ساكته و صابره عليه … وبيني ان اخوج ما يرضى عليج ابدددا ،، عشان يخاف و يهاب ،، الله يتتم امور حياتج بخيييير اللهم اميييين
انا اشير عليك ي انك تكوني قويه وتسوي الي براسك وتتحملي النتايج بدون زعل او انك تصبري عند زوجك
اكثري من الاستغفار وتذكري ان ربي يعطي الحل (اذكروني اذكركم )