هذي المره بنزل مشكلتي في هذا القسم
وأتمنى ألقى عندكم الحل
مشكلتي من عنوانها زوجي كثير سهر شبه يومي يطلع لاصدقائه
وما يرجع الا الساعه 2 دوامه يبدأ تسع الصباح وغير كذا كانت علاقتنا
متوتره مرينا بمشاكل كأي زوجين وهذا إلي خلاه يكثر من السهر
مع اننا ما كملنا سنه صار لنا متزوجين ثمان شهور
وكان لما يشوفني نايمه يطلع
بالبدايه كنت أطنش و أخلييه يسهر براحته لكن لما شفت ان الوضع زاد
زعلت و قلت له أنت مو مجبور علي اذا ما تبيني طلقني
لأَنِّي حسيت اني غير مرغوبه ووعدني انه بيتغير و السهر
بيسهر معهم اخر الاسبوع وفعلاً تغير صار يجلس معي بالبيت
و نطلع نتمشى كان هذا الاسبوع الماضي
لكن قبل يوم طلعنا تعشينا برا رجعنا للبيت دخلنا للغرفه ننام
كان حاضني بملابسه ما طلب حقه الشرعي
سويت نفسي نايمه بعدها بساعه قام ولبس ثوبه وشماغه !!
ودق بجواله على صديقه وقال طلعتو انا جاي بالطريق
وراح وسكر باب الغرفه
ما وفا بوعده صاير يسهر لما انام 
انا تعبت وبديت أحس أنه ما يحبني و أشتاق لايام العزوبيه
وسامحوني على الاطاله والجرئه في الموضوع بس معتبرتكم زي أخواتي
تَفآهمي معه مرة أخرى ، حآولي عَمل أجوآء في منزلكِ أكسري الروتين ..
لآتبعديه عن أصحآبـه لكن إجعليه يقلل الذَهآب إليهم بإسلوبكِ وَ طريقتكِ الخَآصـه ..
حآفظي على الدعآء بأن يسخره لكِ الرَب ، وفقكِ الله غآليتـي ..
لآإله إلآ أنت سبحآنك إني كنت مِن الظَآلميـن .. ♥
وش أقول له اني كنت بوعيي و حسيت فيه لما بدل وطلع
أحس ما راح يفيد النقاش لانه متعلق بأصدقائه ويسهر معهم في اول شهور زواجنا
على راحته لكن انا مليت كل يومين يسهر و احس بملل لما أجلس بلحالي
والي مزعلني أنه وعدني يخفف السهر لكن ما التزم بوعده
ككككككل الرجال كذا اذا م راح سهر اشغل نفسه بشي ثااااني..
وثااانيا ..الحيااااه بدون اطفال ممله لابعد حد انتي باقي م حملتي ولاشي ووحدك وملل
انا لي سنتين ونصمتزوجه وبدون اطفال و زوجي شغله ع الاب توب ومن يصحى لينام عليه اوقات يجلس معاي واوقات نطلع بس مو دايم بحضني..
كنت ابكي شوووق ليامي زمان ولازلت بس هالشي منك انتي سببه انتي تقعدين توهمين نفسك باشياء انتهت ..
انا كنت ابكي اشتاااق لايامي وازعل انو دايم ع الاب توب ومن حقي يجلس معاي وووو..الخ
بس الحياه مو مثل الي رسمتيها ببالك قبل الزواج الزواج مختلللللف تمماما عن الي تتوقعينه
وثااالثا والاهم.. قولي له اطلع من 12 وتعال 3 لا تتاخر اذا جا انتي مجهزه قهوه وتقهوي معاه
لا تنامين قبله حاولي انتي تنومينه حككي شعره دهني رجله سوي له مساااج واذا حسيتي م فيه نوم قومي سوي قهوه وتهوي سوي حلا حتى لو الساعه 4 الفجر عااادي جدا روحو بنده رو سوبر ماركت قريب منكم قولي له مرتين بالاسبوع تسهر معاهم تفاهمي معاه ولو يوم وعدك واخلف ادي واجباتك بس لا تحاولين تضحكين معاه او اي شي بيني انك زعلانه بس مو بخصااام فهميه ان الكذب من صفات المنافقين وانا م احب زوجي يكون منهم لا تكذب علي ومن هالكلام تنفاهمي معاه حطي لشي ذا حد لو تبكين الدموع تكسرهم شوي قولي انا رحت من بيت اهلي من حضن امي وابوي واخواني والكل وتاخذني تحطني ببيت وحدي وتروح تسهر ليه ابي افهم ليه جلستي م تحبها …..الخ
والله يهدي وضعكم ويخليه لك ويبعد الشيطان بينكم