السلام عليكم
أنا بدخل في الموضوع ع طول انا متزوجة تقريبا من شهر واسبوع تقريبا وفترة الملكة كانت تقريبا شهرين لأنه مستعجل هو غيووور جدا
تخيلوا مرة رايحين عند اهله لما رجعنا يقعد يحقق منو دخل معاكم وانتوا تسولفون عن ايش تكلمتوا وانا اقعد اجاوب كاني مسوية جريمة استحي اقوله لا تسأل تونا تزوجين
ومرة اهلي اعزمونا لما جيت اسلم ع ابوي وبعدين سلمت ع اخوي وحضنته اخوي محرمي
لما وصلنا البيت شفته معصب بدلت ملابسي وماسألته لما جينا نبي ننام قالي وهو يصارخ مرة ثانية لما تسلمين ع اخوك ماله داعي تخذون بعض بالأحضان والله من الخوف صارت دموعي تطيح 
ولا قلت شي والله كان معصب كأني خنته وانا كل اللي سويته حضنت اخوي اخر شي حضني وقال:اسف بس انا مابي غيري يحضنك انتي لي بس
والله غريييب طيب هذا اخوي
ولا بعد يعصب لو انا غرت عليه هو جميل مشالله عليه وبنت عمه لما اقعد معاها تسأل عنه واجد واجد بشكل ملحوووظ ولما قلت له انهاا تسأل عنه قعد يضحك يقول مسكينة للين اللحين متذكرتني اللحين ابي اعرف شنو بينهم لان اخته مرة قالت ان فلان (زوجي )له قصة معاها بس ماقلت لي شنو القصة
الشي الثاني مرات يقعد يسوي حركات ويقول كلام قسم بالله احس نفسي ماقدر اطالع في وجهه من الحيا
يعني قبل يومين كان عرس بنت خالتي
ولما جهزت وخلصت قال مراح تروحين
قلت له شلون مروح انا جهزت
قال انا اشبع منك اول ثم بتروحيييين
والله نزلت راسي شقول يعني يعني قول
وقعد يتلصق فيني
انزييين انا استحيييييييييييييييييي
لييييه تسوي كذا ولا بعد يدري اني استحي
شنو اسوي علشان يفهم اني استحي شنووووووووووو قولوا لي
,*
خليييك ساكته .. لاكن إذا تكرر سوال بنت عمة عن زوجك قولي شبينك وبينة بس بأسلوب اني عرفت مو هجومي ..
والمفروض ماتخبرك اختة بالشيء الي سبق وان حصل !!!
–
يمكن هو عاجبة كذاتستحين و يشوفك كشخة ولابد ولابد ..؟
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()
+ بنت عمه يمكن كان بيخطبها أو كانوا يبونهم لبعض بس ما صار نصيب
وهي للحين تحبه وكذا يمكن ترا
و اذا سألت عنه قولي لها وامدحيه وكذا
شوفي ردة فعلها وتعرفين هي تحبه ولا لا خخخ
موفقة
وبنا عمه ماعليك منها ولاتقولين لها كل شي عن زوجك خافي منها ولاتكثرين لزوجك سوالف عنها
بس أنا ما كنت مؤيدة أنك تقولين لزوجك ان بنت عمه تسأل عنه خليه ينساها و لا يحط في باله أنه الين الحين تفكر فيه ..
نصيحتي قفلي على السالفة و لا تجيبن طاريها أبد ..
نصيحه مني لو مااحس بتفاعلك معه وجرآءتك بيطفش منك مو حلوه الجراءه الزايده بس الحياء الزايد بعد شين حيل!! ماعتقد يتقبل هالحال كثير تغلبي ع حياءك ذا زوجك حلالك ماله داعي المبالغة بالحياء ! ثآني شيء لما زعل من سآلفة اخوك بالعكس افرحي حلوه غيرته عليك قوليله وعد ماعاد اسويهآ ومالك الا اللي تبيهه ودلعيه وكذآآ صدقيني آلعلاقة بينكم بتقوى ثآني شيء لما يقول لاتروحين العرس ماشبعت منك انتبهي واياك تفضلين العرس ع زوجك لانه لاكان يبي منك شيء وماكنتي متواجده بيلجا للحرام وآصلآ محرم تسحبين عليه وهو يبي منك شيء عشآن لايلجا للحرام نفس آلشيء حطي نفسك مكانه ثآني شيء لاتسآلين عن الماضي كلن له مآآضي عآآدي كملي حياتك بفرحة وضحكته الاستهتاريه معناته مو شايف بنت عمه شيء وانتي يحبك ويهتم فيك ويدللك ماشاء الله تبارك الله فعلا زوجك انسسان يهبل الله يحفظه لك ويحفظك له ولاتحكين احد عن اللي يصير بينكم كذآ لاتجيكم عين ولاتمدحينه قدام بنت عمه بآلعكس دايما حصني نفسك وبيتك وزوجك لاتحسدك عليه ولآ احد يحسدك فيه الله يخليكم لبعض ويجعل كل ايامكم سعاده ماشاء الله تبارك الله
|
المشاركة الأصلية كتبت بواسطة نبرة حنين
 مسألة الغيرة هذه مقدور عليها ممكن فترة و تعدي ..
بس أنا ما كنت مؤيدة أنك تقولين لزوجك ان بنت عمه تسأل عنه خليه ينساها و لا يحط في باله أنه الين الحين تفكر فيه .. نصيحتي قفلي على السالفة و لا تجيبن طاريها أبد .. |
يسلم لي راسك على هالرد الي برد قلبي
يااختي صاحبه المشكله انتي بديتي ترتكبين اخطاء واخاف انها تكبر
اسمعي يابنتي
1- اطلعي على مقالات ثقافيه بين الزوجين وانصحك بمقال الدكتوره ناعمه الهاشمي اسمه ( انتبهي من لحظات الصفاء ) حطيها حلق باذنك
2- غيرته صح كريهه لكن بذكاءك تقدرين تنتصرين عليها
قال اغار عليك لاتضمين اخوك قولي ابشري يقلبي ماراح اضم الا انت
وكذا بيرتاح قلبه وعاد اذا رحتي بيت اهلك ضمي اخوانك ولايدري
بس لان بهالطريقه تعبين قلب زوجك ومع الايام بيهدا
واطلعي على مقالات كيف التعامل مع غيرة الزوج
3- انتي غبيه واسمحي لي غبيه و10 مرات غبيه ( ليش تجيبين طاري بنت عمه ) الحين مو شرط يكون بينهم شي بس حاب يخليك تغارين وانتي انتبهي تجيبين سيره اي حرمه غير محارمك له
خليها حلق باذنك ولاتبينين انك غيرانه خليك عادي لانه زوجك الحين
اذا تبين التعب النفسي والشك ابدي نبشي بالماضي
4- انتي مالك حق تشوفين الماضي انتي الحين بالحاضر الماضي مالك حق تحاكيمنه ولا هو له حق يحاكمك
5- اذا بنت عمه تسال عنه خليك ذكيه ( بالحوار وامسكي السالفه مع وحده ثانيه واسحبي عليها ثم التفتي لها قولي ياعمري معليش وش كنتي تقولين نسيت بين الكل علشان تبلع لسانها وان تاجرات وقالت كيف زوجك قولي عندي مكالمه ضروريه وقومي )
ولاتبينين انك غيرانه منها لابنظراتك ولا شي خليك ذكيه
لان لو درت بغيرتك بتنبسط وانا مابي ادخل بنيتها يمكن على نياتها
فانا اقولك عموما علشان تعرف انك ماجبتي خبرها ولا هي الي بتنكد عليك عيشتك فهمتي
(( وخليك ذكيه بيني للكل انك طيبه معها وسولفي واضحكي والخ)) علشان مايقولون غيرانه ويوقفون ب صفك
اكسبي قلب امه واهله بطيبه تعاملك وباحترااااااامك لنفسك قبل كل شي وبثقلك وهدوءك
ادخلي مقالات كيف تتدربين عليها
وامسكي بيتك وزوجك واهم شي تثقفي بمقاله الزوجيه
لان واضح انك توك صغيره لازم تتثقفين
واقري شخصيه زوجك من موضوع بوصله الشخصيه ومن هي المراه التي يفضلها من مقالات الدكتوره ناعمه الهاشمي
وقبل كل شي عليك الدعاء والتقرب لله طاعه لله
لان مهما عملتي وانتي بعيده ماراح يرضا عنك بشر الا برضاه سبحانه
وحصني نفسك وخليك ذئبه وانبسطي والله يوفقكم
واخر نصيحه اسراركم الزوجيه طلعاتكم الخاصه كلامكم ماتتعدا شقتك وبيتك فهمتي !!
وبالنسبه للحياء عادي جدا مع الايام بتروح
بالتوفيق