السلام عليكم ورحمة الله وبركاته
انا وزوجي زي اي زوجين تجئ كثير بيننا مشاكل عاديه
هو عسكري وراتبه كويس لكن تقريبا ثلاث أرباعه ايجار واقساط وفواتير
تجي أوقات نص الشهر ويخلص الراتب كنا شغالين على الاسهم وماشي وضعنا تمام تمام لدرجة احيان نطلع ف اليوم 2000 ريال
خسرنا بالأسهم مبلغ جامد وبعدها وقف
وصار اذا خلص الراتب يروح يطلع مشاوير بسيارته وكنت اسمح له
قبل ثلاث شهرين تخاصمنا وخرج من البيت الساعه 1 بالليل ولما رجع الفجر لقيت مكالمات ورساله لرقم غريب لكن محذوفه وهذا اللي خلاني أشك بحثت عن الرقم طلع بأسم بنت
ولما سألته اذا كان حذف رساله من جواله جاب المصحف وحلف انو ما أرسل حاجه ولا حذف شي انا ما صدقته وجلست زعلانه وقالي انو ذي حرمه كبيرة معها أطفالها وداها مشوار وأخذو رقمه عشان يرجع لهم بالليل زعلت منه ومنعته عن المشاوير
بعد شهر سمحت له بس بشرط دون ارقام و حصل نفس الشي بس المرة ذي قالي بروح امشور وأحيانا الساعه 10 اتصل الساعه 10 ونص قال ماراح أجي بجي 12 جات 12 وماجا دقيت عليه وقلت يلا تعال لآني كنت عند أهلي وأبا ارجع البيت المهم جا وشفت رقم بجواله بدون ما ينتبه لي وسجلته نزل سوبر ماركت وطول شوي
ولما جا كان ماسك جواله وكنه يسوي شي عرفت انه يحذف وصلني البيت وقالي انزلي بأخذ لهف واجي ماراح أطول
بحثت عن الرقم وطلع بأسم بنت سعوديه
دقيت عليه قلت له عندك شي تبى تقوله لي ولا انا أقولك قالي ما عندي شي تبي ارجع البيت بأرجع قلت لا خذ راحتك
لما رجع ما كلمته فجأه هوا قالي الموضوع بس الطامه هنا انهم بنتين ومو محترمات دقوها سوالف معاه وهوا عادي جلس يسولف معاهم كنه طبيعي وأخذو منو فرشة حقت الطلعات وقالو لو ارجع لنا الساعه 12 ونعطيك هيا الساعه 4 الفجر أرسلت كول مي عليه واتصلت عليها وقلت لها ماهي حلوه ترسلين كول مي لرجال متزوج بذل الوقت قامت تغلط علي وتبى تحسسني انو هي أعجبته وانو انا مو ماليه عينه قهرتني قالت لي مالك صلاح انا وهوا عارفين
انا زعلت مرررة منه وحلقت عليه ماعدا يرجع لذي الشغلة نهائي لأي سبب كان وإذا سواها انا رح اروح بيت أهلي،
بعد أسبوع خرج من البيت وقالي انه بيروح يصلح الكمبيوتر قلت طيب دقيت عليه بعد ساعه ابغا أشياء للبيت قالي ماراح أجي بدري قلت ليه قال بلفلف قلت طب خذني بلفلف معاك قالي لا أجي بعد ساعتين وأوديك انتي وبنتنا البحر
لما رجعنا من البحر لقيت برضو مكالمات ممسوحة من جواله وبرضو بأسم بنت سعوديه وقالي انو كذاب ولا راح للكمبيوتر وكان يمشور وانو طول فترة ما انا حلفت عليه كان يكذب علي ويروح يمشور وانو ماو انا البحر الا عشان حي بتأنيب الضمير المشكله انو ذي الفترة ماكنا محتاجين حمد الله ودوبه الراتب نزل عصبت عليه وضربته وهوا ساكت وأخذت الجوال والمفتاح وأخذت كل الفلوس اللي معاه قلت له روح دور مشاوير ما عندنا فلوس وقتها حلف لي انو ماعاد يسويها مرة ثانيه وانو يحبني ومن ذا الكلام طنشته وقلت له ما راح اسامحه أبد.
وإذا جا بيخرج من البيت اخرج معاه على طول الا العمل اللحين انا ماني عارفه ايش أسوي معاه خليته يرجع للأسهم وكسبنا ف يومين 400 ريال بس أحسه متضايق عشان خلاص ماعاد سرت أعطيه حريته ف الخرجة كل يوم أقول برجع بيت أهلي بس لما أفكر ف بنتي وباللي ف بطني أغير رأيي ، المشكلة قلت له احلف ع المصحف معاد تكذب ولا عاد تودي مشاوير أبد قالي مقدر احلف بس انا أقولك ان شاء الله ما اكذب ولا امشور
انا ايش أسوي معاه انصحوني
انا معاه مافي احسن مني ادلعه وأبسطه واتزبط له واتعطر وأحاول اني ما أثقل عليه بشي لا طلبات ولا بالكلام وانا حمد الله جمال وكشخه وما ناقصني شي حتى جسمي حمد الله مرتب..
الله يجزاكم خير وسامحوني طولت بالكلام لكن والله من الضيق اللي فيني
لاتخلينه يحلف مره ثالثه
حرام انتي كشفتيه ان كذاب
الله يهديه لج ولعيالكم ويرجعه لصوابه
والمعامله الطيبه..
اكسبي راحة راسك حبيبتي..
اللي مايخاف من الله ما اعتقد يخاف من زوجه او أي انسان….
هذه مو حياة اللي انت عايشتها..وكمان حامل..انتبهي للي في بطنك ولنفسك ولبنتك…
الحياة قصيره..ماتستحمل ضياع وقت عالفاضي..
الدعااااااااااء وفقط…
بالتوفيق حبيبتي….