السلام عليكم
حبيباتي عندي عامل اعرته للعمل في ورشة ثانية بعد فترة طلبت من صاحب الورشة انه ينقل كفالة العامل باسمهم او اني بسفرة لان ماني بحاجته المهم قال امهليني فترة ارتب الاوراق وانقل كفالته لاني بحاجته انا صدقت هالكلام واعطيته فرصة 3 شهور بعده قلت اذا ماتنقل كفالة العامل ببلغ عنه انه هارب هنا الصدمة قال العامل مسافر زيارة لبلده)مصر) انا تفاجئة وشلون سافر وهو على كفالتي من اعطاه تاشيرة المهم راح زوجي للجوازات قالو ماتقدرون تبلغون عنة الا اذا رجع طيب المشكله اذا مارجع وش العمل ياليت اللى زوجها او اخوها يشتغل بالجوازات يقولي ع الاجرات الصحيحة في مثل هالحالات وربي لا يحرمكم الاجر انا في انتظاركم وربي يفرج عليكم وربي النوم مأذوقة من هالمشكلة
|
المشاركة الأصلية كتبت بواسطة مشكلتي
 يا اختي خذيها مني الجوازات قالو لكم ما تقدرون تبلغون الا لما يرجع هذا خطا ويبغون يفكون حالهم من المسؤوليه لانهم بمشكله والخروج للعامل طلع من عندهم من غير علم الكفيل وتقدرين تقدمين شكوى وتطالبين بالي سواله خروج من غير علمك 000 يا اختي في احد الاصدقاء العامل هرب وبلغ عنه وبعد فتره جاه خبر انه موجود ومجدد اقامته في مدينه اخرى وقدمنا شكوى كيف يجدد الاقامه من غير علم الكفيل واتصل علينا ضابط برتبة نقيب من نفس المدينه الي جدد فيه الاقامه وقاال اطلبوا الي تبونه بس اسحبوا الشكوى000 الايام هذي للاسف انتشر الفساد وعن طريق الرشوه يسوون خروج وتجديد اقامه من غير علم الكفيل بس نصيحتي لا تسكتين وطالبي بحقك 00 والله المستعان وعذرا للاطاله
|
الله يجزاك خير وربي لا يحرمك الاجر والله اني مانوم من كثر التفكير اليوم دخلت على موقع الجوازات عشان استعلم عن العمال تفاجئة ان عندي 4 عمال على كفالتي وماادري عنهم وربي ضااايقة فيني الدنيا وانصدمت بزوجي لانه كذب علي انا كانت كاتبة وكالة لزوجي عشان يدير الورشة وقفلتها لاني ماشفت منها ريال كلها خساير والعمال تنازلت عنهم بس للاسف زوجي قال نقلت الكفالات خلاص مابقي غير واحد هذا اللى مسافر والحين الاقيهم كلهم مازالو ع كفالتي وش اسوي دلوني ربي يسعدكم من اصدق زوجي ولا موقع الجوازات
ربي يسعدها اللي تنورني وتعلمني ربي ينور قلوبكم ويسعدكم