السلام عليكم
اشحالكم عساكم زينين
اممممم بصراحة انا ممتلكة من شهر يناير والحين صرنا فشهر 8 وانا ادرس سنه ثانية جامعه ورايحه ع الثالثة بإذن ربي وكنا مقررين انه عرسي يكون ع شهر يناير بداية السنه الجديدة لانه احنا بنكون اجازة منتصف السنه بس اجازتنا وايد قصير اسبوعين وبعد خطيبي ما قادر يصبر وبعد ما الومه لانه هو وحيد فحياته امه وابوه متوفين عسى ربي يرحمهم وخواته كلهن متزواجات والحين عايش مع أخوه من غير معاملة زوجة اخوه الشينه وهو كثير متحمل وصابر علشان دراستي 
ولا يصير نسوي العرس الحين فإجازة الصيف لانه انا كان عندي صيفي وما لحقت اجهز لعرسي فانا قررت اني أأجل اول فصل من السنه الجاية والي يبدا عندنا الشهر الجاي ونظام الجامعة عندنا انه الفصل الواحد فيه اربعة اشهر منها اتجهز لعرسي واعرس وامور ثانية مخططتلها انا مقتنعه بفكرتي بس اخوي الله يهديه هذا الانسان ما اعرف وش انا مسوتله هو اكبر مني بسنتين ويحب يدخل فكل امور حياتي ويوم قلتله اني بأجل الفصل تم يصارخ علي ويقولي ما تأجلي وأتحداك اذا اجلتي انك ما بطلعي من الجامعه (يعني ما بكمل دراسة ) وباسلوب زفت عورلي قلبي وخوفني وغير كذا احسه كثير من الاشياء يلغي وجود زوجي فحيااتي يعني كأنه زوجي ما ساوله ( زوجي من احسن الرجال بشهادة الكل والحمدلله ) وبعد سالني من قايلك تاجلي الفصل ؟ ع باله زوجي قايلي قلتله هالشي من نففسي اريده
وحتى مرة من المرات ضربني وانا خلاص ممتلكه لسبب تافهه ما يسوى طبعا انا ما اخبر زوجي بهالاشياء ما اريده ياخذ فكرة ما حلوة عن اخوي وغير كذا اخوي يتعامل مع زوجي بتعامل زين !!!
اممممم
تتوقعن صدق انه اذا اجلت ما بكمل دراسة ؟؟ّّّ!! ولا أأجل ولا علي من اخوي
وشوو تفسروا تصرفات اخوي ؟؟؟
وربي يجزيكم كل خير
الله يوفقك وييسر امرك ويسعدك في حياااااااااااااااااااتك،،،، دمت بخير،،،،