روووحْ، واللّه لااا يردّك ،، 2024.

لااا تصوّرني ضعيف ٍ، مغرق ٍ دمعه، كمومه=ولااا تصوّرني قوي ٍ مرخصك يـَاا نصف ذاته
•
واللّه إني ما عرضت الخافق ،، لمن هو يسومه=وإنت من بد الخلايق ،، جيتني، ثم قلت: هاته
•
بس ما صنته ،، ولااا خليته يكمل لصومه=قلت:وقف عند حدك ،، قبل لااا تقطع صلاته
•
واللّه انك ظالم وظلمك تِمَثنَتْني سهومه=تكسر الخافق، وتسعىَ في شتاته، يـَاا شتاته
•
كنت أقول اليا طرالي: جعل يومي قبل يومه=وان زهنمي قال: (…….)، قلت: آمر يـَاا مناته
•
كان يجمع كل ضد وضد ،، قسوه مع نعومه=والجميل من الصفات ،، النـّايفات موآلفاته
•
ويوم عزّم للموادع والجفا شفته يهووومه=كني اللي تاه دربه ،، ضايع ٍ فأربع جهاته
•
وآخر اللحظات روعه جايره خانت عزومه=والوصاة اللي نطقها ،، جملة ٍ شقـّت شفاته
•
:
.
روووحْ، واللّه لااا يردّك ،، واحدٍ هذي علومه!!=روح والحب الحقيقي ،، شيّعه وأعلِن وفاته
•
روووحْ، أبحلم في زمان ٍ، ما جنيت إلااا همومه=البعض هانت سلومه ،، والزمن زآدت رداته
•
روووحْ، أبحلم مثل غيري ،، يوم كل ٍ له حلومه=وأجهر بحلم ٍ حلمته ،، والخجل نرمي (عباته)
•
واللّه إني من رجال عالية ،، قدر ومْحشومه=والرجل وش هي حياته ،، كان رَكْب العز فاته !!
•
ويومها عندك تساوت (روحه الخل، وقدومه)=ما تساوت عند خلك ،، سكرة الحب ومماته
•
:
.
ما دريت اشلون يوسف ،، شقـَّت (زليخا) هدومه=وما دريت اشلون ربي ،، أنقذه، وأظهر براته ؟
•
وما دريت اشلون ربي إنتقم له ،، من خصومه=وأطلعت شمس الحقيقة ،، لين وسط السجن جاته !!

وأنت مثل اللّي ظلم يوسف ،، (وحومك، مثل حومه)=الفعل نفس الفصيله ،، والصفات موآصفاته : )
•
توني واللّه عرفت ،، إن المواضيع محسومه=يوم شفت الحب حَبِّي ،، والرحَى هذي رحاته
•
وشفت نظرات الخيانة والغدر ،، هذي رسومه=قلت: أجهّز للعصابه ،، قبل تآصلني حصاته
•
:
.
ودآم هذاا (قدر) خلك ،، في سواته من يلومه؟؟=ودآم هذاا (قدر) خلك ،، كل ٍ يسوّي سواته !!
•
الوصال مع المذلّـه ،، (ياللّه إنك لااا تدومه)=والفراق بعز نفس ،، (اللّه يـَاا ماأكبر حلاته)00

•
:
.