السلام عليكم ورحمة الله وبركاته
ازيكم حبيباتى اعضاء منتداى الغالى
انا عملت حاجه اكيد كلنا بنحبها بس فيه مننا كان ممكن يفكر ان طريقتها محتاجه مجهود كتير
بس هى فى الحقيقه سهله وبسيطه وسريعه جدا
(( روزبيف ))
بس انا زودت عليها اضافايه صغنونه كده علشان بحبها وعطيتها طعم احلى اكتر
تعالو شوفو قد ايه سهله وفى الاخر النتيجه تحححححححححفه
عرق فلتو باى وزن تحبيه
توم وبصل و ( ملح وفلفل وورق لورا وحبهان ومستكه وبودرة بصل وبودرة توم )
طبعا مش هننسى القراصيا بس انا للاسف نسيت اصورها
بيتلف العرف بدباره بس انا اشتريته ملفوف اصلا وممكن انتى تطلبى من الجزار انه يلفه لكى
بنعمل فتحات فيه بس تكون ماشيه مع انسجة اللحمه بيكون افضل
بنحط فى الفتحات اللى عملناها بالسكين فصوص ثوم كامله بالشكل ده
بنحط قطعة زبده فى صينيه على النار والحبهان والمستكه واول ما تسيح نحط العرق عليها يتشوم
بعد تقليبتين ويكون الشكل كده
نحط كل التوابل والبصل والقراصيا
ونقوم بتقليبه لحد ما يتشرب كله بالتوابل
بحط كوب ماء مغلى عليه
واغطى الصينيه بالورق الفويل وادخلها الفرن لحد ما تستوى اشيلها من الصينيه
واحط الصينيه بالصوص اللى فيها على النار لحد ما يتسبك شويه
وده الشكل النهائى للصوص
طبعا هنسيب العرق لحد ما يبرد جداااااااااا
وبعد كده نقوم بتقطيعه
وممكن نرش عليه من الصوص اللى طلع منه وبيعطيه طهم احلى اكتر
وده الشكل النهائى
ان شاء الله يعجبكم جربوه وادعولى
ربنا يبارك لى فى زوجى واولادى
شهتينى وجوعتينى ياقمر
منظر يميميميميمييميميميمي
حبيبتى الصور كبيرة واسم المنتدى يجب ان يكون مكتوب على الصور
الرجاء التعديل
وهذا الرابط يساعدك
تصغير الصور+الكتابة عليها+تحميلها من المنتدى~~خطوة بخطوة
بنتظارك ياقلبى حتى يتم تقيم موضوعك